لا هيونداى بعد اليوم ..............(قد تكون فترة محدودة)

**moudy88** · 15-01-2009 07:13 PM

لا هيونداي بعد اليوم

انا كان عندي فيرنا 2008 زيرو اخر موديلات 1500سي سي المصري
اول لما جبتها من المعرض لاحظت ان الباور تقيل جدا وان بعد سرعة100 الدركسيون بيتهز جامد والفرامل خفيفه المهم ان وديتها صيانه ال1000 كم في غبور (قليوب) الناس مشكورين كتبوا كل شكوايا ودخلوا الكلام من الودن دي وطلعوه من الودن دي والعربيه طلعت زي ماهي

**M.Osman** · 15-01-2009 08:05 PM

موضوع مستفز ... ولا يعكس غير بعض التجارب الفردية الغير محظوظة ...!

غريبة جدا ان الإدارة سايبة موضوع زي ده مفتوح بالمنظر الفظيع دا !!

**megaman** · 15-01-2009 08:26 PM

لا اعترف بالكورى السيارات من وجهة نظرى الاوروبى المانى وايطالى ثم اليابانى ولا للهيونداى لا هيونداى بعد اليوم

**megaman** · 15-01-2009 08:26 PM

لا اعترف بالكورى السيارات من وجهة نظرى الاوروبى المانى وايطالى ثم اليابانى ولا للهيونداى لا هيونداى بعد اليوم

**migomax** · 15-01-2009 08:47 PM

المشاركة الأصلية كتبت بواسطة megaman

لا اعترف بالكورى السيارات من وجهة نظرى الاوروبى المانى وايطالى ثم اليابانى ولا للهيونداى لا هيونداى بعد اليوم

أخي العزيز على قد لحافك مد رجليك.. الواحد دايما بيشتري على قد امكنياته..
يعني حتى الصيني ما تقدرش تقوله لأ ..
لو كل الناس مستريحة كنت ما شفتش في الشوارع غير سيارات رولز و جاجوار.. ده غير البورش واللمبورجيني ..

بس فعلا الموضوع ده مستفز فعلا لأن من الواضح ان الهجوم على الهيونداي وليس على غبور..

مثلا نقول لا غبور بعد اليوم..

بس عن تجربة شخصية انا معايا عربية النترا 2008 زي الفل ولله الحمد .. رحت التوكيل أكتر من مرة وأموري كانت عادية..

وعن تجربة شخصية برضه أقدر أقولك أوكد لك ان السلبيات دي موجودة في كل التوكيلات.. يعني انا بأتعامل مع توكيل مرسيدس وتوكيل تويوتا وبيحصل فيهم أكتر من كده..

السرقة في تويوتا حاجة عادية جدا..

ومرسيدس برضه عندهم سلبيات كتيييير..

بس ما نمسكش توكيل ونقعد نهاجمه وخلاص وخصوصا أكتر اللي بيكتبوا عمرهم ما ركبوا هيونداي..
وانا مش بدافع عن غبور لأن أكيد هو زي كل التوكيلات عنده سلبيات..
بس ده ما يمنعش ان سيارة الهيونداي سيارة محترمة..

فبالتالي الهجوم يكون على غبور مش على السيارة.. بس اللي يهاجم يكون فعلا جرب بنفسه..

**ahmad--ezzat** · 15-01-2009 09:00 PM

المشاركة الأصلية كتبت بواسطة SuccessCre8or

موضوع مستفز ... ولا يعكس غير بعض التجارب الفردية الغير محظوظة ...!

غريبة جدا ان الإدارة سايبة موضوع زي ده مفتوح بالمنظر الفظيع دا !!

لا غبور بعد اليوم
حلو كدة؟

**migomax** · 15-01-2009 09:05 PM

المشاركة الأصلية كتبت بواسطة Ahmed20_08nubira

لا غبور بعد اليوم
حلو كدة؟

تجنن

**moudy88** · 16-01-2009 12:59 AM

غبور هو اللي خرب سمعه هيونداي ..انا دلوقت معايا نيو اكسنت .. والعربيه دي ماشاء الله اسطوره في كل حاجه في السحب والثبات والشكل(في راي احلى عربيه في التسارع في مصر) لكن اللي بيكرهني فيها هو غبور ليه؟..... علشان انا بادفع 600 جنيه صيانة ال10000 كم بعد لما كانت ب300جنيه .. وايه المقابل؟ الفرامل زي ماهيا -العفشه مابتتربطش... وكل اللي بيعملوه يغيرو الزيت ويزودوا مياه من الحنفيه للريدياتير وكتر خيرهم
انما لو على الهيونداي فهي شركه ممتازه بدون شك وهي المركز السادس على العالم وعربيتها غايه في الروعه بدليل انتشار الفيرنا في السعوديه تحت اسم اكسنت وايضا انتشارالنيو اكسنت
ولما يكون التوكيل غايه في السوء ده بياثر على سمعه العربيه.... وفيه عربيات كتير ممتازه مش منتشره في مصر علشان التوكيل سيء
مثال على كده العربيات الفولفو اللي توكيلها هو( الكويت والبلاد العربيه) اللي اتكتب عنه في اخبار اليوم انه توكيل فاشل بسبب سوء الخدمه وبسبب الاسعار المغالى فيها وان الشركه الام في السويد هاتسحب منه التوكيل
واخيرا انا باقول لا غبوووووووووور بعد اليوم

**alioali** · 31-01-2009 09:14 PM

لا هيونداى بعد اليوم:10D5C8~1107:

**myr999** · 24-02-2009 01:25 AM

لا هيونداى بعد اليوم وغدا لى ولكل من اعرفة الله مع الجماعة ولنكن يد واحدة لاصلاح الكثير فى هذا البلد (اول الغيث قطرة )

الموضوع: لا هيونداى بعد اليوم ..............(قد تكون فترة محدودة)

LinkBack

أدوات الموضوع

عرض

-

المواضيع المتشابهه

هل يشترط ان تكون اى قطعة يتم تغييرها المانى ولا ممكن تكون المانى مغشوشة وماركات تانية

ريحة ميه سخنة بتجى على وانا ماشى فترة بعد فترة

لا هيونداى بعد اليوم على سيارات الاعضاء

لما أقول عربيه ماتريكس مش لازم تكون هيونداى

الكلمات الدلالية لهذا الموضوع

المفضلات

المفضلات

ضوابط المشاركة