دة انا كان معايا عربية جيتس موديل 2007, عملت بيها حادثة قوية جدا, فا رحت عند اونكل غبور.. خد مني مبلغ كبيييييييير جدا.. و سلملي العربية كلها بويا مسيلة و بويا علي الفوانيس و علي الباكيتات! دة حتي الطارة كانت معوجة من الحادثة فا كسلوا يعدلوها! ربنا مش هينصفهم و نار فيهم و علي المبلغ اللي دفعتوا ليهم! و قليت ادبي عليهم بس لا حياة لمن تنادي و اصلا هما توكيل فاشل, دة كفاية ان معظم عربياتة بينزلها من غير اي بي اس ولا ايرباج عشان يكسب اكتر, بس الناس تموت مش مهم, اهم حاجة الفلوس! انا اصلا كل ما افتكر اللي حصل في عربيتي الجيتس القديمة بتحصر! و بسببهم بعتها عشان مكنتش تنفع ببصلة و اتشأمت منها مع ان العربية كانت عملة 12,000 كيلو بس و كان ممكن اعيد عليها في الحرفيين بس خلاص جبت جاز! بعد العك اللي حصل فيها, و ادتهلهم في وشهم اكتر من 3 مرات عشان يظبطوا العك دة بس مفيش حل! غباء! دة انا لو كنت عملتها في الحرفيين كنت طلعتها فابريقة عند حسن دبوس او خسن سنان او الناس التقيلة دي و بربع المبلغ اللي ادفع عند غبور و لطعوني 3 شهور و نص و هما عمالين بيعكوا و انا اللي فاكر اللي هتطلع احسن من الحرفيين دي طلعت دمار! لو عيل فاتح حتة متر في متر هيطلعها احسن من كدة! يلا محدش بيتعلم بالساهل! لا هيـــــــــــــــــــوندا ى بعد اليوم.
المفضلات