الموضوع: لا هيونداى بعد اليوم ..............(قد تكون فترة محدودة)

يا ريت يا جماعة اللي هايشارك في الموضوع ده يحاول يقرا اللي فات على أد ما يقدر عشان الكلام ما يتعادش مع كل رد.

المشاركة الأصلية كتبت بواسطة OlaOsman

يا ريت يا جماعة اللي هايشارك في الموضوع ده يحاول يقرا اللي فات على أد ما يقدر عشان الكلام ما يتعادش مع كل رد.

ربنا يبارك فيكى يا عُلا ... بقيتى عضوة مخضرمة

لا هيـــــــــــــــــــوندا ى بعد اليوم

مع احترامي لجميع أراء الاعضاء ....أقول (نعم لهيونداي لا لغبور بعد فترة الضمان)
لماذا الانتشار الهائل للألنترا الجديدة برغم من تقارب سعرها مع اللانسر وسيارات اخرى يابانية كثيرة . هيونداي لها سمعة كبيرة في الخارج (سوناتا - ازيرا- جنيسس _ ..).
المشكلة كلها تكمن في سيارات هيونداي المجمعة محليا ، وهل نحكم على الماركة كلها من خلال سيارة واحدة يظهر بها مشاكل نتيجة التجميع المحلي . بلاش خلاص هذه السيارة .
وراي توجيه هذه الحملة على خطر اكبر بكثير من غبور - خطر سوف تظهر مشاكلة في السنين القادمة وهو سيارات حديثة أسو من السيارات القديمة ، لها ماركات غريبة وأشكال عجيبة وجودة تصنيع تحت بير السلم .... وكل تاجر يسافر الصين يرجع بشويه منها .....

---------------------
برجاء عدم الكتابة بالأحمر
مشرف القســـــم العـــــــــــــام

اولا يا جماعة أنا قريت كل الردود قبل مكتب اى رد ليا حتى ردى الاول كنت قريت كل الردود و فاهم القصد و كل حاجة

يبقى ما أختلفناش يا أخي الفاضل... الأختلاف على التسمية من لا لهيونداي إلى لا لغبور مش هي لب المشكلة

شكرا على ردك يا اخى بس الفكرة ان التسمية هى لب الموضوع!!!!!!!!!!!
دلوقتى فى حاجة محدش عارف يرد عليها و قاعدين نلف بالكلام , غبور معاه تزكيل مازدا اشمعنى هيونداى؟؟؟؟؟؟؟؟؟؟؟؟؟؟؟؟؟؟ ؟؟؟
عايز رد محدد و صريح!!!! مش عايز رد يقولى سونستا هى الاب الشرعى لمازدا كل دا كلام لف و دوران , غبور معاه توكيل مازدا يبقى ياما لا لغبور ياما لا لمازدا و هيونداى!!!!!
معلش تفرق جامد اوى اوى اوى , لو مقلناش لا لمازدا يبقى تحيزنا ضد هيونداى كشركة مش علشان توكيل غبور و واحد رد عليا قالى

لئن ببساطه ريحوا خلاص وشايفين ان السوق هنا او غبور هو الفرخه اللي بتبيض لهم بيضه دهب وبالتالي يسيبوا الناس تخبط دماغها في الحيط مش مشكله ! ده الشيء الوحيد اللي خلاني اتضامن مع الاخوه هنا وهي ان هيونداي اكيد على علم بالمشاكل اللي هنا ومع ذلك في تجاهل وده شيء غير مرضي بالمره ومش سياسه لا تصنيع محترمه ولا بيع محترمه مهما كان العربيات بتاعتهم لو احسن عربيه في الدنيا لكن هايسيب العملاء بتوعه يتبهدلوا البهدله دي ولا رادع ليه يبقى لا هيونداي ولما يصحى لنفسه ويحس ان الموضوع بقى بجد انا منتظر انه يصلح حاجات كتير ......... لا اعتقد ابداً ان التوكيل هو من له سلطه على المصنع المفروض العكس أما لو هيونداي راضيه بكده ومش ناويه تصلح

اهو قصيدة ذم فى هيونداى نفسها علشان سايبين غبور يعمل اللى هو عايزه فى المصريين , طيب و مازدا؟؟؟؟؟؟؟ فين قصيدة الذم فى مازدا؟؟؟ مهى مازدا عملت نفس الكلام و ادت التوكيل لغبور!!!!!!! يبقى دا تحيز ضد هيونداى علشان كده انا رافض الموضوع دا من الاساس.

.الحمد لله ان حضرتك مبسوط من العربية و ربنا يديمها نعمة لكن نظرة سريعة على منتدى هيونداي حتلاقي مهازل يندي لها الجبين

أنا شايف ان اصحاب المهازل يعملوا موضوع زى دا و كلنا نساندهم معلش مش ناس معندهمش العربية , طيب هقولك حاجة الرينو الميجان طلع عليها اشاعات كتيييييير اوى اوى اوى و واحد عنده العربية قالى دى زبالة!!!!! لما اجى ابص هنا فى نايل موتورز مدح رهييييب للميجان (انا عن نفسى بحب العربية دى اوى شكلا و امكانيات ) , اللى عنده الميجان دى قالى انا غيرت الفتيس كله!!!!
يبقى الصراحة انا اتلغبط و معرفش الحقيقة فين يبقى لازم اصحاب العربية هما بنفسهم اللى يقولوا و يناقشوا قدامنا العربية و عيوبها علشان نقدد نحدد الفتى من الكلام الحقيقى عن العربية انما لما اطلع انا موضوع و انا معنديش العربية اقول محدش يشتريها و الناس اللى ترد عليا برده يقولوا محدش يشتريها دى وحشة و محدش فيهم عنده ميجان و اصحاب العربية اللى فى نايل موتورز ميرضوش يردوا او رايهم انها كويسة يبقى انا بهزر و بنروج لاشاعات عن الميجان!!!!
نفس الفكرة على توكيل هيونداى و انا بقول اهه انا مع المقاطعة 1000000% بس بشروط قولتها مليون مرة قبل كدا , اولا اللى يفتحوا الموضوع بتوع هيونداى فى الsection بتاع هيونداى هنا فى نايل موتورز و اللى يوافقوا فى الاول اصحاب الهيونداى و لما يحصل اجماع نبلغ بقية الاخوة اللى معندهمش العربيات علشان يقاطعوا!!!!!

متفق مع حضرتك تماما إن غبور مش هو بس اللي وحش ....كل التوكيلات بشكل أو باخر وحشين و حقوق المستهلك المصري يعنى أنا و حضرتك و كل الأعضاء مهضومة و عشان كده قلت انها خطوة في الطريق الصحيح و إن شاء الله يتبعها خطوات تانية ....لكن زاي ما حضرتك قلت هيونداي ٢٠ و لا ٣٠ ٪ من حجم السوق المصري فطبيعي الأنظار تتجه ليها أكتر

خلاص يبقى نقاطعوا!!!!!!!! بس و بوضح بس بحسب الشروط اللى قلتها!!!!!!!!!!

قال ما معناه إن سياسة غبور في ظبط الجودة هي أطلاق العربيات المصنعة في السوق و بعدين اصلاح العيوب في مراكز الصيانة بعدين ....بقى ده كلام !؟

لأ طبعا مش كلام و لو كانت دى سياسة معلنة كنت قاطعته من نفسى بس دى مش سياسة غبور المعلنة دا راى ممكن تتفق معاه و ممكن تختلف معاه و انا من اللى سمعته عن غبور بقول باين ان الراى دا سليم و نقاطعه بس اصحاب المشكلة يوضحوهلنا كويس اوى و يطرحو الفكرة و انا معاهم فى مقاطعة غبور مش هيونداى!!!!!!!!!!!

نقطة أخيرة.... زبون مازدا ...و على حد علمي هي مازدا ٣ بس ....غير زبون هيونداي..... و حجم المبيعات مختلف تماما .......قصدي إن غبور مازدا مش بنفس سوء غبور هيونداي

الشركة واحدة و صاحبها واحد يبقى السياسة واحدة و معنى كده انك ممكن تقول غبور الفرنا غير غبور الالنترا غير غبور السوناتا غير غبور السانتا فيه؟؟؟؟
طيب هقولك اللى عندهم سانتا فيه مبيستنوش العربية فوق , ممكن لو عايزين يستنوا فى مكتب المدير تحت و دى حاجة انا شفتها مرتين!!! يبقى معناها نقول مقاطعة هيونداى معادا السانتا فيه؟؟؟؟؟ دا مش كلام
يتبقى مقاطعة غبور كله (مازدا غبور - هيونداى غبور -موتورسكلات غبور) يمنقولش مقاطعة لهيونداى من الاساس.

يبدو ان حضرتك لم تقرأ الموضوع جيداً و قررت ان تدخل الموضوع من نافذة الرد على الموضوع فقط ..و عندما تأخذ اقتباس ... تأخذ اقتباس اما بدون اسم صاحبة او من غير اسم اصلاً ...ثم توجة الكلام لى

لأ انا قريت الموضوع و الردود كلها قبل مكتب حرف واحد و انا برد على كل اللى شاركه و اولهم حضرتك اللى طرحت الموضوع.

للمرة المليون عشان اللى مافهمش يفهم
(لا هيونداى ) وليست (لا لغبور)

اهو هو دا اللى انا مختلف معاك عليه 100000000000000%
ليه ما غبور عنده توكيل مازدا !!!!!!!!!!!!!!!!!!!!!!! انا مش فاهم!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

لان مبيعات عربياتة هى الطريقة الوحيدة للتأثير علية ذى اى حاجة بتتباع فى العالم
مابتروحش تكلم اللى بيبيعها ... بتقاطع اللى بيبيعة (اللى هو هيونداى ) لغاية ما يعقل

حلو اوى اوى , يبقى لو غبور وحش و عايز تقاطع المنتج قاطع منتاجاته كلها من مازدا و هيونداى!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

انما غبور نفسة ملناش دعوة بية و التوكيل ممكن يفضل معاة الى قيام الساعة و ساعتها مفيش اى نتيجة من (لا لغبور) .....وضحت

ازاى يعنى؟؟؟؟ لما تقاطع غبور بكل منتاجاته يبقى كده انت بالتبعية قاطعت هيونداى و مازدا واى حاجة بيبيعها فبكده يبقى مبيعاته 0 و 10000% هيتراجع!
يعنى ايه ملناش دعوه بيه , دا هو التوكيل!!!!!! هو المشكلة!!!!!!!!!!!
يعنى لو هيونداى مع حد تانى غير غبور هتقاطع؟؟ لأ لان بالنسبالك المشكلة غبور!!!

بقيت الكلام كلة اللى عملتلة اقتباس مش اقتباس لكلامى
مع انك بعد ما تقتبس كلمتين توجة كلام ليا !!

ايوه علشان انت اللى طرحت الموضوع فى الاصل و كمان معنى انى اقتبست كلام من النص انى قريت الردود يبقى ازاى بتقولى انت مقريتش الردود و رديت علطول.

يعنى انت فهمت اهو على نص كلامك ان كلمة (هيونداى ) معناها مقاطعة ...شىء هايل
.... بقيت الجملة بقى اللى مش هايلة خالص

أنا بقول لو لو لو لو لو لو!!! فى دعوة للمقاطعة يبقى تطلع من ملاك هيونداى اللى بيعانوا!!!! و انا هكون اولهم ان شاء الله انما قولى كدا كام واحد من ملاك هيونداى رد هنا و وافق على كلمة لا هيونداى بعد اليوم؟؟؟ معلش عدهم و رد عليا!!! كام واحد هنا من ملاك هيونداى قالوا الجملة اللى حضرتك طرحتها؟؟؟؟؟؟؟؟

يا سيدى الفاضل اللى ماعندوش عربية هيونداى و رفع الشعار ... يبقى للاسباب الاتية
1-اللى هايجى يسألة او يستشيرة فى عربية منهم ..... هايقولوة لا بلاش توكيلها وحش (ودة اللى بقى بيحصل اتوماتيك و ستيب ترونيك كمان

تقولو ازاى التوكيل وحش و انت معندكش العربية , تقولو فى ناس من ملاك العربية بيقولو التوكيل وحش و توريلو اللينكات بس تقولو التوكيل وحش؟؟؟ طيب ينفع واحد بيسال عن الميجان اقولو دى زفت اوعى تشتريها؟؟؟؟؟ و انا معنديش العربية؟؟ الصح اقولو فى ناس كتير بيقولو فيها مشاكل كذا و كذا و كذا و الكلام دا موجود هنا و هنا و هنا و يقرا بنفسه و يحدد بنفسه و لازم يسمع الرايين علشان يكرر و فى ناس ردوا عليك.

معلش يا جماعة أن مش معاكم فالموضوع دة لسبب
اني لحد دلوقتي طول العشر سنين معهم مشفناش مشاكل معاهم تخليني أكرهه .... دة أولاً
تاني حاجة، احنا جبنة ماتركس ٢٠٠٦ بعد الإكسيل ١٩٩٦ ... وبرده عندي نفس الإنطباع .....

اهو واحد بيقول بقالوا اكتر من عشر سنين مع غبور و مش بيشتكى منه يبقى لازم نسمع الراى و الراى المضاد.
بعدين مثلا دا فى الاسكتدرية , يبقى نقاطع هيونداى القاهرة بس و لا ايه؟؟؟؟
لازم نسمع الراى و الراى المضاد عن التوكيل !!!!!!!!!!!!!!!!!!!!!
انا عن نفسى بقالى 11 شهر بس مع هيونداى يعنى سنة تقريبا مشوفتش وحش من الصيانة و بعدين رحت كذا مرة للصيانة , طبعا سنة فترة قليلة علشان عيوب التوكيل تظهر بوضوح بس الفكرة ان فى كلام شايفه غلط تماما من الاول كدا زى التوكيل زحمة , زحمة يبقى مش بنحجز صيانة و بنروح كدا و خلاص , انا عن نفسى بحجز و بروح فى ميعادى و بستلم فى معادى و لا مرة روحت مسلمتش و استلمت فى ميعادى.

احنا كلنا اعضاء لنايل موتورز اللى بيجمعنا ... ماينفعش نشوف الناس بتتشوى هناك و نقف نتفرج ..دوول اخواتنا و منهم اصحابنا كمان
3-العربيات دى حلوة و مناسبة لظروفنا فى البلد .. حرام الاختيار دة مايبقاش موجود عشان توكيل جشع
4-اخويا و اختى و مراتى و بنتى .... ممكن يبقوا من قبيلة هيونداى ... وانا النهاردة سيات مين قالك انى بكرة مبقاش هيونداى !!!

كلام سليم جدا و انا مع المقاطعة حتى لو كان التوكيل كويس بسبب اسعار قطع الغيار!!!!!! يبقى مختلفناش اساسا بس الفكرة لو هنقاطع يبقى 1-نقاطع غبور 2-لو هنقاطع علشان التوكيل وحش يبقى اللى يقطرحوا اللى جربوه و عانوا منه مش مجردد ترديد كلام و ترديد اشاعات.

يا سيدى المازدا مش منتشرة ..ولا هاتنتشر ذى الهيونداى

و دا ماله و مال الموضوع , طيب هديك مثال يعنى لو انت شايف مثلا ان شركة حرامية الشركة دى بتبيع حاجتين تقول اشترى الاولى علشان دى مش منتشرة و مشتريش التانية علشان انا مقاطع؟؟؟؟؟ يعنى مثلا لو انت قلت انا هقاطع امريكا يبقى تقول مشتريش mcdonalds علشان منتشر اوى و اشترى apple ipod و لا اى من منتجات apple علشان مش منتشرة؟؟؟يعنى لو هتقاطع هيونداى مثلا تقاطع الفرنا علشان منتشرة و بلاش السانتا فيه علشام المعاملة كويسة و مش منتشرة خالص؟؟؟
دا كلام؟؟؟
المقاطعة ملهاش دعوة بالانتشار!!!!!!!!!!!

والمازدا دلوقتى مع سونستا ..وهو الاب الشرعى ليها ...رضيت ام لم ترضى

معلش ايه الكلام دا؟؟ اب شرعى ايه بس دا كلام!!!!!!!
التوكيل مع غبور و لا مع سونستا , يبقى اب شرعى ايه؟؟؟
طيب لو سونستا عندهم النترا خليجى و هما الضمان اشترى و لا لأ بعيدا عن غبور؟؟؟
حسب كلامك لأ لانك قلت لا لهيونداى مش لا لغبور!!!!!!!!!!!!!!!!!!!!!!!

ومازدا اية اللى هاتكتسح لانسر !!!!..... يا باشا (الفوج لايت فى المازدا ب 1700ج)!!!!!

مهو لو كان ليها توكيل بيحترم المستهلك مش زى كل التوكيلات اللى فى مصر مكنش بقا تمنها كدا و الخليجى مكنش احتكر الجو و غلى الاسعار!!!

تناقض تانى مع كلامك اللى لسة انت قايلة !!!

اتحدى انك تلاقى اى تناقد فى كلامى!!!
من فضلك اقرا ردودى تناى هنا من الاول كويس اوى!

سؤال : هى المقاطعة بتبقى (للمنتج ) ولا (لصاحب المنتج )
نموذج الاجابة الصحيحة : (للمنتج)
سؤال : هى المقاطعة بتبقى (لمنتج جيد ) ولا (لمنتج مايهمكش ومانتاش عايزة )
نموذج الاجابة الصحيحة : (لمنتج جيد )

لا حول و لا قوة الا بالله
لو سمحت رد على سؤالى دا
لو فى النترا خليجى و ضمانها مع المصرية للسيارات اشتريها و لا لأ؟؟؟؟
و المقاطعة ازاى لهيونداى مش غبور ؟ المقاطعة لجميع توكيلات سيارات غبور علشان دى سياسته , ازاكان هدف المقاطعة سوء التوكيل؟؟
انا مش بقول انا هروح لغبور اقولو انت وحش انا مقاطعك و انزل اشترى عربية هيونداى؟؟ لأ بقول لو هقاطع مش هشترى عربيات جديدة من اى توكيل غبور بيديره زى هيونداى و مازدا , ممكن اشترى المازدا من سونستا علشان هى خليجى؟
أرجو الرد لو سمحت

انه لا لهيونداي غبور.. لأنه لو نزل ليه منافس في السوق الناس هتروحله و تسيب غبور ينش..
وحاجة تانية.. غبور ماظدا مش بيشتكوا ليه..؟؟ هل عشان مازدا مفيهاش مشاكل و هيونداي فيها..؟؟
اكيد لأ.. بس هيونداي غبور عليها اقبال مش طبيعي.. و التوكيل عشان يعرف يسد علي الاقبال ده بيكروت..و مش بيتأكد من جودة الخدمة.. لكن المازدا قولي انت نسبة مبيعاتها بالنسبة لهيونداي ايه..؟؟ لا تقارن..
يبقي التوكيل اكيد بيعدي عليه ايام ميخدمش فيها اكتر كمن 10 عربيات.. (ده مثال عشان محدش يفهم كلامي بمعني مخالف لقصدي..)

معلش لو حضرتك فاضى اى وقت اقرا ردى
على فكرة التوكيل بيحاول ياخد فروع تانية و انا قريت بنفسى عن فرع كبير اوى على طريق السويس (او الاسماعيلية مش فاكر) بس كان عندهم مشاكل فى تراخيص حسب كلام غبور بنفسه فى الاهرام و حسب اللى سمعته من مركز الصيانة اخر مرة ان خلاص قرب يفتح , ممكن نصبر و نشوف ايه النظام.
بس الفكرة فى مقاطعة غبور برده الشكاوى من الفرنا اللى انا فعلا مصدق انها عاملة زى البطيخة حلوة او ارعى لانى قريت اكتر من واحد كاتب عن مشاكل فى الفرنا و طبعا ارتفاع فى اسعار قطع الغيار فانا شايف لو على الفرنا بس يبقى نقرر لا للفرنا لحد ميبطلها او يحط خامات احسن او لا لغبور علشان بالمرة اسعار قطع الغيار و الفرنا بس اصحاب المشكلة يطرحوها و فعلا نشوف هما كتير و لا لأ فعلا و التوكيل عمل معاهم ايه؟ غيروا العربيات و لا غيروا الحاجات المعيوبة و ما مدى رضائهم الان و لا ندموا و هل يوجد بديل يعنى فعلا اللانوس كويسة لانى برده سمعت انها معيوبة و هل عيوبها اقل من الفرنا؟؟ كدا يعنى , المقاطعة لازم يكون لها بديل و مدروسة مش لا هيونداى و اى كلام و خلاص و تكون مسببة و اصحاب فكرة المقاطعة من المتضريين و كلنا معاهم.
لان هنا التضرر من التوكيل مش من سعر بيع العربية نفسها , يعنى لو كان سعر بيع العربية نفسها يبقى اى حد يطرح الفكرة حتى لو معندوش بس لو الفكرة التوكيل وحش يبقى المتضريين يطرحوا الفكرة.
كمان سؤال مهم جدا يا ترى الاهمال مع ملاك الفرنا و لا مع كل اصحاب العربيات؟؟ يعنى يا ترى هل تختلف المعاملة عند غبور حسب تمن العربية و انا بشك فى كدا الصراحة ولو صح الموضوع دا يبقى محتاج وقفة برده ولا علشان كتر عدد ملاك الفرنا فبيبان الموضوع دا عندهم؟؟
خلى بالك ان عربيات غبور ياما ملهاش منافس ياما منافسها اغلى بكتير ياما منافسها برده له عيوبه.