الموضوع: لا هيونداى بعد اليوم ..............(قد تكون فترة محدودة)

لا هيونداى بعد اليوم

ناس كتير اوي بيحبوا الهيونداي مش عارفة على ايه يمكن عشان هيا سعرها معقول شوية
بس طبعا لو بصينا للكيا مثلا فهيا عربية محترمة جدا و اغلبية اللي معاهم كيا بيشكروا ف التوكيل
ع العموم انا بكره هيونداي

و لا هيونداي بعد اليوم

علي راى هاني البيجو الطاير تغور من وش غبور
لا هيونداى بعد اليوم

مش عارف اشمعنى الهيونداى بالذات ؟ ..و بعدين الاخ سيات ما قالش بالظبط اللى حصل و خلاه ينفعل ؟ و اللى يرجع لباقى ابواب المنتدى حيلاقى شكاوى للركب من توكيلات كتيرة .. اخر ما قرأت كان عن زحام و فوضى توكيل سكودا بدير الملاك ..
الالنترا مثلا عن معرفة عربية جيدة و مقدرش افتى لباقى انواع الهيونداى .. اما بالنسبة للتوكيل فمش هيونداى لوحدها خدمتها سيئة او حتى بشعة .. توكيلات كتير فى مصر ما انزل الله بها من سلطان حتى قطع غيار مش موجودة اصلا ..و برضه زحام و غلاء فى اسعار قطع الغيار و الصيانة و بعض فنيين مش على مستوى حرفى مناسب او اهمال ( عادى فى مصر كلها ) .. للاسف التوكيلات المحترمة فى مصر قليلة و الفهلوة سواء فى الشغل او تحميل العميل و قصم ضهره منتشر ..
و اخيرا ارجو مكونش غلطان و يكون اسم غبور فى حد ذاته سبب من اسباب ا لهجوم مع الاسباب الاخرى وياريت يكون الشعار لا للاهمال و الغلاء و سوء الخدمة للجميع و اولهم توكيل هيونداى اللى اكيد مشاكله اكتر لكثرة عربياته فى السوق المصرى ..

هيونداي بتعمل عربيات كويسه مقارنه بعربيات أخرى ......أكيد وأنا مش شايف ان هيونداي هي اوحش او أقل الكوري من حيث الجوده وبالرغم من ده انا قلت لا هيونداي مش لا غبور لسبب بسيط هو ان غبور لا صنع العربيه ولا دخل ليه اساساً في العربيه كويسه ولا لأ ده شغل المصنع اللي هو هيونداي ...طب ليه قلت لا هيونداي ؟؟ لئن الموضوع تحول عند هيونداي نفسها لنوع من التبلد وزي ما بنقول ودن من طين وودن من عجين المصنع المحترم مش بيصنع عربيه ويرميها في الشوارع وخلاص ......فين متابعة هيونداي لغبور ؟ فين التحرك لما الناس بتشكي وتبعت شكاوى ليهم ليل ونهار ليه مابيتحركوش ؟ لئن ببساطه ريحوا خلاص وشايفين ان السوق هنا او غبور هو الفرخه اللي بتبيض لهم بيضه دهب وبالتالي يسيبوا الناس تخبط دماغها في الحيط مش مشكله ! ده الشيء الوحيد اللي خلاني اتضامن مع الاخوه هنا وهي ان هيونداي اكيد على علم بالمشاكل اللي هنا ومع ذلك في تجاهل وده شيء غير مرضي بالمره ومش سياسه لا تصنيع محترمه ولا بيع محترمه مهما كان العربيات بتاعتهم لو احسن عربيه في الدنيا لكن هايسيب العملاء بتوعه يتبهدلوا البهدله دي ولا رادع ليه يبقى لا هيونداي ولما يصحى لنفسه ويحس ان الموضوع بقى بجد انا منتظر انه يصلح حاجات كتير ......... لا اعتقد ابداً ان التوكيل هو من له سلطه على المصنع المفروض العكس أما لو هيونداي راضيه بكده ومش ناويه تصلح يبقى تغور مش من وش غبور وبس.......