وش السلندر طار بعد انتهاء العمرة بيومين يرضى مين ده؟

**sab3aawy** · 29-05-2008 07:27 AM

المشاركة الأصلية كتبت بواسطة hanyboudy

وقالى معلومة انا مستغربها (محتاجين سبعاوى بعد اذنه طبعاً يفيدنا)

انتا مش محتاج تلين امشى عادى بس غير الزيت بعد الالف

لو انت خرطت البلوك او عملت شمايز لاااااااااااااااااااازم تلين العربية

لكن لو غيرت شمبر وصباب وسبيكة فقط فيكفى ان العربية تدور لمدة يوم ب 20 لتر بنزين على الواقف، علشان لو فيه عيوب تظهر وعلشان الشمبر والسبيكة والصباب يطبعوا، بشرط ان الصباب يكون معمول له روديه كويس

لو ثرموستات الكوعة مش مدخل المية على البلوك حساس الحرارة كان هيضرب فى السماء لأن حساس الحرارة راكب فى وش السلندر، انا متخيل ان مشكلتك دى مشكلة تركيب، جوان مقلوب مثلا ، تراب فى مسارات المية، مسامير جوان مش مربوطة كويس ، تسريب فى مسارات المية فضى المية كلها، اى حاجة من هذا القبيل

علشان كدة دايما لازم العربية تدور على الواقف بعد العمرة يوم كامل، واول مشوار بعد العمرة لازم يكون على الهادئ وحول الورشة لحين الإطمئنان ان كل شئ سليم

**Shiref_mohamed** · 29-05-2008 08:21 AM

اولا يا استاذ هانى انت كده عملت عمره كامله وانا معتقدش ان تكلفة العمرة الكاملة فى التوكيل هتكون اكتر من الـ3500 الى حضرتك دفعتهم يا عم قول 4000 بس كنت هتاخد شغل مضمون لأن صعب تلاقي حد بيفهم في العربيات الجديدة 100% ده انا والله بيبقى عندى مشاكل في العربية ومببقاش عاوز اوديها اعملها عشان ببقى خايف من الصنايعية التعبانين المهم ربنا يعوض عليك وإن شاء الله هتبقى كويسه وقدر الله وماشاء فعل

**hanyboudy** · 29-05-2008 10:45 AM

السلام عليكم

انا استلمت العربية امبارح الساعه 12

وطبعا غيرت كوعة الترموستات تانى وجيبت ترموستات خارجى جديد تانى

وجبت صباع حرارة جديد تانى

بس بصراحه مطيقتش ااقعد عنده المهم ان انا ماشى مبعديش
2.5 على Rbm

ومبعديش 70 ك/س

كده متهيالى مفيش مشكلة او بكرة الجمعه باذن الله تعالى ااقف واحرق صفيحه فيها على الواقف

انا مودتش العربية لاوماترا لانها موديل 94 وهو الميكانيكى ماشى معايا كويس بس النصيب بقى الحمد لله

بجد مع الصنايعية مينفعش الذوق خالص لازم تقف على ودانه ولو فى تراب فى العربية خليه يشيله انما ابقى محترم واروح هناك بالبدلة واشرب الشاى ولما يخلص اخدها بجد مش هعمل كده تانى

**aliabutaleb** · 29-05-2008 10:48 AM

ربنا يأجرك في مصيبتك ويخلف لك خيراً منها
انا عملت العمرة الكاملة وبعد 4 شهور اضطريت أسقط موتور لأن الموتور الأولاني اللي المفروض اتعمل له العمرة كان جاب أخره
حسبنا الله ونعم الوكيل

**osama** · 29-05-2008 12:19 PM

معلش خد الشر ورنبا يعوض عليك
ويجازي الي نعندوش ضمير

**zeyad1810** · 05-06-2008 10:45 AM

ربنا يكون فى عونك يا هانى
معلش يا باشا والحمد للة انها جت على قد كدة
بس ابقى عرفنى اخر الاخبار وطمننى

**sh23** · 05-06-2008 11:05 AM

[quote=hanyboudy;290839]السلام عليكم

طبعا انا بكتب حاليا وظغط دمى فوق 49097736476/6723647

==========
أخي العزيز روق دمك وربنا يعوض عليك
المشكلة فينا أحنا ( موظف / دكتور / ضابط / محامي /صحفي / صنايعي / وزير / غفير ....) أي حد ف بر مصر ماهو كلة من الشعب
المشكلة الأساسية هي الفهلوة وأزمة الضمير
لو كل واحد يبدأ بنفسة ممكن نبقي حاجة تانية ؛ ممكنبلدنا تكون أحسن من كدة بكتيييييييييييييييييييييي ييييييييييييييييييييييييي يييييييييييييييييييييير
لكن الناس بقت حاسة بالغربة ف بلدها ؛ وأسأل الأخ اللي بيوقع ف المنتدي بأسم ( جنسية مصرية للتنازل )
قد كدة هانت بلدنا علينا ؟؟؟!!!!!!!!!!!!!!!!!!
بعد كدة توقع كل شئ وأي شئ
==========
يلا بينا نجرب نحب بلدنا ؛
نزرع حبها ف قلوب ولادنا
يلا كل واحد يبدأ بنفسة
يمكن نرجع نقولها تاني (مصر هاتفضل غالية عالينا )
بكدة بكرة- إن شاء الله -بالتأكيد ها يبقي أحلي من النهاردة