الموضوع: انا اتثبت النهرده بس بطريقه شيك

اوعوا تركبوا حد فى الشارع متعرفهوش

حصل مع والدى زمان انه ركب واحدة كبيرة ومعاها رضيع على ايدها وقفته وقالتله

و النبى يابنى ودينى المستشفى الفلانية

المهم وهما فى الطريق و فى حته معينة قالتله نزلنى هنا فلما وقف لقى تلات رجالة واحد ركب العربية و طلعه مطواه و التانى حل التسجيل والتالت سرق الاستبن من الشنطة

و كل ده فى عز النهار

وانا من ساعة ما عرفت القصة ديه وانا لو مين وقفنى ما ركبش حد فى العربية معرفوش

و بتحصل كتير الاقى واحد واقف على عكاز على الطريق و بيشاورلى علشان اقفله وانا طبعا عمرى ما هقفله

اه الواحد نفسه يعمل خير بس الزمن مبقاش مضمون و الناس مش لاقية تاكل

منه لله بقا اللى خلى البلد حالها كده

المشاركة الأصلية كتبت بواسطة Nistelrooy

انا من زمان واهلي علموني ماتكلمش حد وانتا ماشي
مثلا كنت اروح الدرس اهلي يوقولوا لي روح وماتكلمش حد ولا حد يكلمك

وكتير جدا ناس يسالوني عن طريق كذا او كذا وانا اقولهم ماعرفش لان عرفت من اصحابي كتير بتكون اخرها السرقة

صدقني هو ده الصح ........ انا كذا مرة اكون ماشي في شارع مظلم و الاقي واحد طلعلي مش عارف منين و عاوز يسال عن مكان او محل معين و الصراحة ولاد الحرام ما خلوش لولاد الحلال حاجة فعلشان كده لو رديت عليه بيبيقي من بعيد و غالبا باقوله مش عارف علشان اقصر في الكلام و ااخد بعضي و امشي بسرعة..........
مرة كده يوم في عز النهار كنت ماشي في شارع و كان الشارع هادي اوي طلعلي واحد وشه باين عليه انه سوابق قالي عاوز جنيه علشان يروح ....... طبعا الجنيه مش مشكلة بس توقع السيء انه ممكن وانا بطلعله الجنيه يطلعلي مطواة ويثبتني بيها .......... رحت رادد عليه من بعيد شوية و عملت نفسي اني بدور في جيوبي و قلتله للاسف نسيت الفلوس في البيت و خدت بعضي و مشيت بسرعة
للاسف الشوارع ما بقاش فيها امان خالص علشان كده مش باشيل معايا فلوس كتير و يوم ما باخرج بالليل ما باخدش موبايلي الغالي معايا باخد موبايلي القديم اللي مابقاش يساوي حاجة دلوقتي