الموضوع: كنت عايز اشتر فيرنا بس خايف

يعني برضة هاتروح توكيلة؟ ويمكن تعاني من نفس اللي بيعاني منه الفيرناوية؟ وانا في رأي الفيرنا أحدث وافضل شكلا من الفيفا ... وسعرها معقول وأظنها أيضا أحدث (تكنولوجي ) من الانوس مـــــــــــــــــــــــش كــــــــــــــدة

المشاركة الأصلية كتبت بواسطة mohamedok

لو عايز تشترى عربيه هيونداى محترمه جدا ومش هتروح بيها التوكيل الا فى الصيانات الدوريه فقط يبقى اشترى الفيفا عربيه ممتازه وكابينتها رائعه وفيها اوبشن عاليه ومنتشره بره مصر كتير جدا فهى اكثر سيارات هيونداى مبيعا عالميا وقطع غيرها رخيصه ومتوفره
وكفايه انها مستورده من مصانع هيونداى فى الهند لذلك ليس بها عيوب تصنيع الفيرنا المصرى
كمان فيها ميزه مهمه جدا وهو ان عفشتها جامده جدا وعاليه وده لان شوارع الهند مكسره زى مصر بالضبط وكمان مصممه علشان تتحمل الحراره العاليه جدا لان الهند حرارتها تقريبا زى الخليج علشان كده انتشرت فى الخليج والان تنتشر سريعا فى مصر
تمن السياره فول اوبشن 68 الف جنيه واللينك ده فيه كل حاجه عنها وصورها

كلام صحيح 100 ب 100 واتفق معه .. (فيفا = سعر مناسب وجودة عالية)

المشاركة الأصلية كتبت بواسطة mytutor2008

يعني برضة هاتروح توكيلة؟ ويمكن تعاني من نفس اللي بيعاني منه الفيرناوية؟ وانا في رأي الفيرنا أحدث وافضل شكلا من الفيفا ... وسعرها معقول وأظنها أيضا أحدث (تكنولوجي ) من الانوس مـــــــــــــــــــــــش كــــــــــــــدة

لا شكر على واجب احنا كلنا هنا اخوات وبنحاول نفيد بعض ونحمى بعض بقدر الامكان من الناس الى معندهمش ضمير زمان كانوا اصحاب الورش والصنايعيه اليوم بقوا اصحاب التوكيلات والباشمهندسين بتوعهم وربنا يستورها ..............

شوف بقى يا باشا مفيش حاجه اسمها توكيل حلو وتوكيل وحش انا بقول لحضرتك اعتبرهم كلهم زى الزفت من الان .... ليه ؟
لان غبور اول ما بدا التوكيل كان 100% وكمان كان كل مصر بتغنيله وفضل كده شويه ثم بقى على الحال الى حضرتك شايفه وسامعه هنا وفى كل مكان فى مصر ............

معنى كلامى انه اى توكيل لوكان الان 100% اكيد بكره هيبقه زى غبور ومنصور وغيرهم
وده لان هيه ديه القاعده فى مصر (سلو بلدنا كده !)
وطبعا مش ممكن هتلاقى توكيل يفضل 100% علطول وده لعم وجود رقابه حقيقيه او قوانين حماية مستهلك مفعله وصارمه علشان كده متتعبش نفسك كتير وتدور على حاجه مش موجوده اصلا ولما تحب تشترى سياره اشترى السياره الى سمعتها جيده وقطع غيارها متوفره ورخيصه وانسى المقارنه بتاعت التوكيل علشان ميدحكش عليك
لو عايز تتكلم عن التوكيلات المحترمه والى هتفضل محترمه يبقى بقى اتكلم على العربيات الغاليه الى فوق ال150الف لكن الكورى او الموديلات الى ارخص من كده فديه اسمها سيارات شعبيه يعنى حلال يعملوا فى صحابها اى حاجه وكل حاجه ومفيش حد هيعملهم حاجه.......مش بقولك سلو بلدنا كده
على العموم انا شايف الفيفا بتحقق المعادله سعر مناسب / مستورده / شكلها حلو جدا خاصة من الامام / كابينه شيك / قطع غيار رخيصه / سحب رائع / اوبشن عالى.. وغيرها حجات تانيه كتير... واهم حاجه انها مش هتخليك تروح التوكيل خالص الا فى الصيانات فقط
ارجو ان اكون افدتك وتحياتى
م / محمد السيد

بص يا باشا حكاية العربيات كويسة جدا ووحشه جدا دي عملية نسبية وقدرات مادية
واللي يناسبك ممكن لا يناسب غيرك والعكس صحيح.
وانا شايف في حدود قدراتك المادية انك تشوف تجيب ايه بالمبلغ ده من عربيات وتستخير ربنا ....واللي ربنا يهديك ليه اعمله لانك لو قعدت من هنا للسنة الجاية محدش هايجمع على عربية هي الافضل على الاطلاق
وثانيا فكر كثيرا في الشراء ومتستعجلش المهم ربنا يهديك لما هو خير لك