الموضوع: النهاردة رفدت 23 عامل بسب 25 يناير

مديرك قالك مفيش اجازة بكرة روحت انت مبلطج و مجتش الشغل و قلت اللي تعمله اعمله ... يبقى مين اللي قطع رزق مين ؟

انتوا بتتكلموا في اية يا جماعة ؟
دي اسمها قلة ادب من العمال و الله و يغوروا في ستين داهية
اية الدلع دا ؟ تيجوا الخليج و يشوفوا العمال بيشتغلوا ازاي و في جو عامل ازاي و مفيش الدلع دا نهائي

الشغل شغل

المشاركة الأصلية كتبت بواسطة mazagangee

هوه ده مربط الفرس
لما المدير يديلك اوردر شغل ترميه في الارض و تعمل انت اللي في دماغك ؟
و كمان اكتر من كده تتعمل رباطية و معتمدين على انهم كلهم مع بعض و اني مش هقدر اخد موقف ضدهم كلهم .
طبعا كان القرار الوحيد المناسب كلكم في الشارع مهما كانت الخسارة ... اي قرار غير ده مش هقدر اشغل مصنعي و لا هيبقى ليا كرامة فيه

بص يا باشا قانونيا يقدر يتغيب عن العمل و تحسب لة اجازة عارضة لة 7 ايام فى السنة عارضة و ممكن ياخد يومين متتالين و يبلغك تلفونيا .
القصة الحقيقية ان نظام الشركة ماشى غلط و العمال مش متأمن عليهم
الناس دى لو متأمن عليهم مستحيل كنت حا تقدر تعمل كدة انسى الموضوع دة يرفعو عليك قضية و يبقى اسمة فصل تعسفى و قبل ما تفصلة لازم توجة لة 3 انذرات مش بين يوم و ليلة تقولة مع السلامة ما تجيش من بكرة
===============
و حتى لو مش متأمن علية ممكن جدا جدا جدا يتسببو فى مشكلة حقيقية للمصنع لو فاهمين القانون صح

المشاركة الأصلية كتبت بواسطة dr_mido

مادام الباشمهندس مفترى كدة والعمال غلابه وفاتحين بيوت وهو راجل اقطاعى من ايام العزب و طردهم بدون وجه حق اراهن اى حد فيكو لو فى نفس الموقف مكنس اتردد فى رفدهم هو احنا بس بنموت فى الكلام النظرى من منظور بعيد ولو ليهم حق عنده تبقى الحكومه تاخده ليهم دة مصنع مش مؤسسه خيريه وليه نظم ولوائح امال اما حد فيكو لاقدر الله بيترفدله حد علشان شغال فى شركه اجنبيه وراح مش لابس زى العمل الرسمى واترفد اشعنى دى بيبقى فيها اصله غلط ممشيش على لوايح المكان وعلى فكرة من اسواء العمال العمال المصيين لو متكرهبوش مبيشتغلوش شفهم شغاليين تحت ايد شركه اجنبيه فى مقاولات وتحت ايد شركه مصريه فرق السماء عن الارض فى الشغل

المشاركة الأصلية كتبت بواسطة رزق

هي إيه حتت قطع العيش اللي قاعد اقراها دي
هو الراجل خلفهم ونسيهم؟
الموظف المحترم بيفضل في مكانه أما الغير محترم ده ملوش حقوق يبقى يتعدل الاول وبعدين يتوظف
الشغل مش عزبة ابوهم يغيبوا وقت مايحبوا

المشاركة الأصلية كتبت بواسطة mazagngi2010

تحيه لصاحب الموضوع
العامل المصرى متاخدش منه الا كلام واجازات وانت معملتش حاجه غلط هم اللى قطعوا رزقهم بايدهم

المشاركة الأصلية كتبت بواسطة mohdamin18

مديرك قالك مفيش اجازة بكرة روحت انت مبلطج و مجتش الشغل و قلت اللي تعمله اعمله ... يبقى مين اللي قطع رزق مين ؟

انتوا بتتكلموا في اية يا جماعة ؟
دي اسمها قلة ادب من العمال و الله و يغوروا في ستين داهية
اية الدلع دا ؟ تيجوا الخليج و يشوفوا العمال بيشتغلوا ازاي و في جو عامل ازاي و مفيش الدلع دا نهائي

الشغل شغل

مع كامل احترامى لكل الاعضاء الكرام بس نتكلم بالورقة و القلم و ما لة و ما علية
=================

أولا الشركة مخالفة و متهربة ضريبيا و متهربة من التأمينات دى اول مخالفة و عقوبتها غرامة مالية و حكم بالحبس مع التنفيذ و ليس مع الايقاف لآ بيتحبس لآنة بمنتهى البساطة مش مأمن على العمال الى عندة و الموظفين دة أول بند
====
العامل او الموظف حتى لو بيتدلع و انت متأكد انة بيستهبل و مستعبط فعلا لو صحى الصبح و بلغك انة مش جاى الشغل النهاردة دة حقة و ممكن يغيب يومين متتالين دة حقة و ما تقدردش تخصم لة تعريفة من مرتبة
دة مش كلامى دة كلام قانون العمل و دة النظام طالما بنتكلم نظاميا يبقى هو دة النظام القانونى على فكرة
برجاء مراجعة البنود القانونية قبل ما نحكم
علشان احكم صح يبقى لازم أبقى عارف كل صغيرة و كبيرة قبل ما احكم
==============

بس بما ان الشركة اساسا مخالفة للقواعد و القوانين فصاحب العمل قدر يمشى الناس دى بمنتهى السهولة
لو كان متأمن عليهم مش حا يقدر يعمل كدة
و بالمناسبة العمال دى لو ناصحة شويتين ممكن يعملو برضو مشكلة لة تيجى ازاى اقولك تيجى ازاى
العمال دى مش كانت بتقبض مرتب متفقين لغاية هنا طيب مرتباتهم دى بيقبضوها باية لو العامل لما بيستلم مرتبة بيمضى على أيصال استلام للمرتب يبقى لة وجود و كيان داخل هذة المؤسسة او المصنع و السيد المحاسب الى فى الشركة بيضع بند المرتبات فى الكشوف الحسابية الى بيقدمها لمصلحة الضرائب زى المصروفات و الميزانية و الارباح و الخسائر و هكذا
يمكن الرجوع على صاحب العمل من خلال هذة الدفاتر و لو ثبت ان فية فلوس طالعة من المنشأة و غير مثبوتة فى الدفاتر يبقى دى شركة بتتلاعب فى كشف الميزانية و بكدة يقع تحت طائلة القانون
========================
معلش يا أخوانا الشعب المصرى البعض منة بيظن انة للاسف اذكى من كل الناس بس ربنا ما يوقعة فى واحد يكون عقر بجد و فاهم الدنيا و لو غلسو على بعض ممكن يخلية يلف حوالين نفسة بالقانون و الحق و المستحق

المشاركة الأصلية كتبت بواسطة KHALED AYMAN

وعشان كده احنا الحمد لله مأمنين على نسبه تعدى ال 95% من العمال عندنا ال5% الى مش مؤمن عليهم ليهم ظروف ..واحده ماشيه فى قضيه طلاق مع جوزها ..واحد شغال فى الحكومه ..واحد عاوز يسافر برا ..كده
و الى بيقبض بيمضى انه قبض
و المحاسب القانونى بتاعنا مظبط كل شىء فى الميزانيه ...

أنا متفق معاك يا باشا أنة طبعا ممكن يكون فية نسبة قليلة جدا مش متأمن عليهم عارف الموضوع دة طبعا
و حا اقولك حاجة انا متأكد طبعا ان حضرتك عارفها بس الكلام جاب بعضة
عارف لو الموظف او العامل دة مش متأمن علية بس الشركة بتقبضة عن طريق البنك (( كارت atm )))) لو حصل خلاف حا يروح للبنك و حا يجيب كشف حساب باسمة و طبعا معروف مين الى بينزل الفلوس دى فى حسابة كل اول شهر ((( الشركة يعنى دة قصدى ))) بكدة يقدر يثبت انة شغال فى الشركة على فكرة
حا تقولى طبعا لآ مش دة الى بيحصل دة بيقبض فبوسة فى ظرف ((( نقدأ يعنى من المحاسب ))) حا اقولك بالنهاية كشف الميزانية حا يبقى فية المصروفات و الاجور و المرتبات و الحوافز الى بتقدم للضرائب و دى مشكلتها أكبر لان طبعا الكشف المحاسب بيظبطة و دة مفهوم بس لو محامى لسة صغير و مبتدا نسبيا حا يبقى فاهم و يطلع على مكتب مكافحة التهرب الضريبى و يكتب شكوى فى الشركة و طبعا وقتها حا تنزل لجنة تفتيش و لو تم اكتشاف الموضوع حا يعاد النظر فى ملفات تلك الشركة مرة اخرى و تقدير قيمة ضرائب مستحقة اكبر من قيمة الضرائب المستحقة الى تم احتسابها بناء على الملف المقدم من قبل الشركة لمصلحة الضرائب .
=========
على فكرة انا مش محامى نهائيا و لا خريج حقوق حتى بس دى مجرد دردشة قانونية