الموضوع: الخوابير ؟؟؟

بص يا باشا انا كنت لسه رادد ع زميل لنا في العام بيسأل نفس اسئلتك

الكاوتش عامة ليه صلاحية 5-6 سنين بدون استخدامطبعا مع الاستخدام بيقل
امتي تقلق و تغير الكاوتش لو عدت اكتر من 5 سنين عليه - النقشة اتمسحت - الكاوتش فيه لوحة - السلك ابتدي يظهر او تبتدي زي بلالين تبان فيه
ساعتها تغير و انت مغمض لأن الموضوع ملوش عدد كيلو مترات محدد كل واحد ع حسب سواقته و تاريخ انتاج الكاوتش اللي معاه و النوعية و الارض اللي دايما بيمشي عليها اخدت بالك ؟؟
و يفضل بعد مدة لو الكاوتش جديد ترحل اللي ورا قدام و اللي قدام ترحله ورا و تظبط و ترصص

بالنسبة لو حصل و دخلت مسامير في الكاوتش نصيحة بلاش خوابير لأن لو عملت اكتر من 3-4 خوابير الكاوتش خلاص مبيبقاش ليه لازمة فالأفضل تلحمه من جوة و ديه أفضل لأنها بتسد الخرم نهائيا و احب اضيف لك ان كارتة الخوابير بــ 3-5 جنيه من وسط البلد و مفيش حاجة اسمها مستورد و هندي و بتنجاني القصة اللي بتحصل ان كله صيني و الخابور بيبقي جاي مليان و تخين هم بيقصوه نصين و يقولك ده مستورد بـ10 جنيه و تخين و ده الصيني او المصري بــ 7 جنيه و تلاقيه رفيع و شوية هجس ملوش لازمة فسيبك من الخوابيير نهائيا و خليك في اللحام
و عايز تعمل شغل في بنزينة اعمل في وطنية لأن قايمة الاسعار كلها متعلقة قدامك و اسعار معقولة مفيش الهجس بتاع الباقيين
لو افترضنا اتزنقت و مفيش غير خابور تعمله و اول ما تروح لمكان محترم تلحم الكاوتش من جوة و اللحام لا يزيد عن 7-8 جنيه لو حد قالك اكتر من كده سيبه و امشي و الميزة ان التيوبلس ممكن يمشي معاك لحد ما توصل


و قبل ما تشتري كاوتش جديد لازم تتأكد من بياناته و تاريخ انتاجه عشان تجيب حاجة جديدة تقعد معاك لأن المحلات ساعات بيقلبوا القديم اللي عندهم للناس اللي معندهمش خبرة بالموضوع ده
فغير انه انتاج قديم و يبقي قرب تاريخه ينتهي التخزين مع الفترة هنا عندنا بيخزنوا بطريقة سيئة تلاقي الكاوتش فيه حدفة و الدريكسيون يحدف منك

و اتمني الموضوع ده يفيدك

http://www.nilemotors.net/Nile/232923-a.html (تعالوا نعرف ازاي نفسر رموز الكاوتش)

و ده شوية هزار ههههههه

http://www.nilemotors.net/Nile/255913-a.html (تعالوا نعرف اسماء و اشكال نقشات الكاوتش)

اي استفسار اتفضل

بالتوفيق ان شاء الله