اللون الاسود و لا الرمادي

**me_medoo** · 28-01-2012 09:58 AM

ألف ألف مبروك يافندم على العربية ...

بس نصيحة من أخوك الكبير ... بلاش الاسود او الرمادي ... هما صحيح شيك وحلوين بس أول سنة بس ... وبعد كده بتلاقي العربية جربانه بسبب الخرابيش والتجاريح الي هتبان عليها ... ومنساش شهور السيف عندنا هتلاقي نفسك بتفرهض وانتا جو العربية من الحر ...

في حجات بتبقى جميلة وبتشوق الانسان أليها ... رغم أنها غير عملية . وزهوتها بس في الباديه وبعد كده بتبقى ولا حاجة وتحس برغم ان العربية غالية بس تحسها كده مطفية وجربانه .

وعيوب الالوان دي في الصيف طبعاً وما أدراك مالصيف عندنا ... الخرابيش الي كل واحد معدي وشايف العربية بتلمع لازم يمسك مسمار ويكتبلك على العربية الف مبروك .

حتت الغبار الي بيبان عليها بسرعه ... ده غير ان حته المية بتلاقيها تجير على البدي بتاع العربية ، الا اذا كنت هتشتري العربية وتركنها في جراش خاص بيك وانتا من النوع الي بتحب تحنتف في الحاجه وكل شوية تلمعها ...

فخليك في اللون الفضي أو الابيض . الفضي هو لون الخرابيش اساساً ولون ملوكي على العربية ... والابيض بيدي للعربية وسع وكبر وبيخليها تلاجه في الصيف ... ده غير انو بيخلي العربية كده حمامة سلام ... وأذا كنت من عشاق الشبابية خليك في النبيتي ودرجاتو .

والف مبروك مقدماً مقلتلناش أيه نوع العربية ... دهيه لو كان الموضوع ده كلو على لادا ولا 128 هههههههههههههههه هاتهم اسود مش مشكلة .

**mohamedbook** · 28-01-2012 10:51 AM

مشكلة اللاسود في درجات الحرارة اثناء الصيف مش هتستحمل
غير بيلم تراب بسرعة
خليك في الرمادي

**pashaa911** · 28-01-2012 02:20 PM

الفيرانى :
هتغسل العربيه و بعد 20 دقيقه هتلاقيها كلها تراب

اه والله انا بعانى من الفيرانى لسة بايع عربيتى كانت سماوى وطول عمرى بركب سماوى اول مرة اغير واجيب فيرانى بس لازم تتغسل كل يوم فعلا

**Ashraf_Ibrahim** · 28-01-2012 04:12 PM

الاسود اجمل طبعا
بس الرمادي يكسب اكتر
اولا مش بيبان عليه التراب
ثانيا مش بيبان فيه الخدوش والخرابيش المعتادة

**ICE_MAN** · 28-01-2012 07:47 PM

الفضى هو الافضل لجو مصر و شوارعها .. هيريحك فى النظافة و الخرابيش و حرارة الجو

الاسود متعب جدا جدا

**koshary** · 28-01-2012 08:21 PM

رأيى ان الاسود لو العربيه بتركن فى جراج كويس ومعتنى بيها هتبقا زى الفل واظن مش هتفرق موضوع التراب لان اى عربيه بتترب اول ماتخرج للشارع انما لو ركن ف الشارع وعربيات رايحه جايه الرمادى احسن نسبيا مش هتبان فيه التجاريح ... واللهعربيتى لونها اخضر لسه راشش الاكصدامين عيل صغير بعجله خبط الاكصدام من تحت وانا قرفت من العربيه خالص ومركبتهاش من يومين

**BESO516** · 28-01-2012 09:55 PM

الف مبروك على العربيه الجديده
انا غيرت 3 عربيات فى 5 سنين لظروف ما وكل عربيه جبتها اسود
هو عايز عنايه علطول لكنه سيبقى ملك الألوان

**Mohab.Nabil** · 29-01-2012 01:16 AM

لو الاسترا الجديدة

ففى منها درجة كده بين البيج و الذهبى بس مميزة جدا مش بشوفها الا فى الاوبل

بصراحة شكلها شيك جدا على العربية

و بالتوفيق ان شاء الله