اقتباس المشاركة الأصلية كتبت بواسطة totaa مشاهدة المشاركة
بما إنه يوم الإعترافات والعيوب فالموضوع شكله طويل معايا ودي فرصة حلوة بجد

أول عيب :ـ الثقة الدايمة بالناس
بفترض ليهم دايمه حسن النوايا لغاية ما يبان العكس وفى الغالب بيبان العكس وانا اللى بتصدم وللأسف مش بتعلم بسهولة

تانى عيب :ـ بخاف أتجرح وعشان أحمي نفسي أحيانا بتسرع فى ردة فعلي
يعني مثلا مش أي هزار بتقبله خصوصا اللى بيحمل معنيين وممكن اللى قدامي فعلا يكون بيهزر بس أنا مش متعودة لا على الاسلوب ده ولا الهزار ده .فممكن ألخبط فى الكلام وأرجع اتكسف من نفسي

تالت عيب :ـ أسرع واحدة ممكن تعيط لأى سبب برغم إني مش نكدية والله وبحب الضحك لكن كل موقف حتى لو صغير بيأثر فيا وبفضل فاكراه..
لما نزلت مصر السنة دي حصل قدامي موقف أول مرة بحياتي أشوفه وبتمنى ما يحصل تانى ..صحيت على صوت ناس ماسكين 2 حرامية سرقوا موتوسيكل ..والناس كلها نازلين فيهم ضرب بشكل قاسي وصعب وانا بقى مش قادرة اقنع نفسي انهم حرامية ..عياط مستمر وعمالة اقول للى حواليا (هى الرحمة خلاص اتنزعت من قلوبهم ) كفاية بقى ويسلموهم للشرطة وعياااااااااااااااط والله كان قلبي موجوع ..

رابع عيب :ـ لو بعز إنسان بتحمل أخطاؤه كتييييير حتى لو رافضاها ومش عاجباني
وبسامح والمفروض يكون ليا وقفة واحط النقط على الحروف لكن بضعف عشان له شوية غلاوة بقلبي ..وده بيخلي الناس يتجرأوا بتصرفاتهم عليا ويتمادوا فى غلطهم ..ومش بيقدروا رد فعلي معاهم

رابع عيب:ـ غيوووووورة بشكل وحش على كل اللى بحبهم وقريبين مني
أوقات بلوم نفسي وأوقات فيه اللى بيحبها مني وبيحسها غلاوة له او ليها
لكن برضه فيه اللى بيحسها أوفر ...لكن مش هقدر أتغير للأسف

كفااااااااية عليكم كدة دلوقتي ولو افتكرت حاجة هرجع تااااااااني


توتااااااااااااا
هو أنتى برج الميزان ؟؟!!