كيف يتم تليين السيارة بعد العمرة ؟

**magedsamyaziz** · 29-05-2008 10:41 AM

سيارتى 127 نصر وعملت عمرة كاملة وارغب فى معرفة هل يمكن التليين على الواقف فقط ولا لازم امشيى بيها بس من غير محمل تقيل او امشى بسرعة عالية . كمان عايز اسأل عن الزيت المناسب ل 127 يكون مستوى sf او sg ام يفضل الاعلى وهل الافضل احادى الدرجة 40 مثلاُ ام متعدد الدرجات 20-50 w وماهى افضل شركة ؟ موبيل ام مصر ام ... و ارجو التوضيح عن فلتر الهواء الرياضى ومدى توافره ومميزاته واسعاره فى مصر . مع خالص شكرى .

**chihab18** · 29-05-2008 11:01 AM

في مواضيع كامله في المنتدي عن العمرة وكل الاسئله اللي بتسأل عنها ؛ وعموما طالما عمرت في الصيف امشي علي سرعه 40 الي 60 في المساء علشان الحر ؛ وتمشي نصف ساعه وتبطل وبعدين تكمل مشي ؛ والعمرة تأخد الف كليو مشي وبعد 500 كليو تغير زيت وتروح للميكانيكي يضبط وبعدين تمشي 500 كليو تانين وتغير زيت وبعدين الميكانيكي يضبطها خالص وكده تنتهي العمرة وعموما لو عمرة كويسه تمشي 150 الف كليو مع الاستعمال النضيف