اسف لو كررت الموضوع بس انا سألت جوا موضوع تاني و للأسف ملقيتش رد

انا الحمد لله قمت بعمل شنبر للعربيه لسه اليومين دول المشكله اني مستنتش للشتا و اتسرعت وعملتها في الصيف الحمد لله علي كل شيء

المهم دلوقتي العربيه بعد تركيب الشنبر و عمل روديه و تغير صمام من الصمامات و تغير كاوتشات الصمامات و طبعا الجونات و تنظيف مصفة الزيت و الكرتيره و راحت للخراط جلخ البستم بتهيقلي.

دلوقتي العربيه دايره بقالها يوم و احد مفروض تلين عند الميكانيكي و متمشيش لمده كام يوم او كام ساعة تليين بدون ما تمشي

ولو مشيت صحيح لازم ممشيش غير بليل عشان الصبح الجو حر و لما تمشي امشي بيها قد ايه بدون اي حمل ذائد مع العلم انه لم يتم عمل خراطه للماكنه نفسها من توسيع او اي شيء من هذا القبيل.

واقصي سرعه ليها 80 كيلو بدون تكييف او rpm يعدي 3 ياريت حد يفيدنا عشان نحافظ علي العربيه بعد العمرة و تعيش ان شاء الله معانا

وبعد قد ايه ممكن امشي علي السرعات العاليه و افتح التكيف عشان انتوا فهمين الجو فظيع و داخلين علي رمضان كل سنة وانتو طيبن
شكرا علي اهتمامكم