رقم العضوية : 11106
تاريخ التسجيل : 20May2008
المشاركات : 5,343
النوع : ذكر
الاقامة : الزقازيق
السيارة: صني 2008-لانسر 99
السيارة[2]: تيدا هاتشباك HL-سيريون S
دراجة بخارية: مبحبهاش
الحالة :
يا جماعه اعتقد عادي لو بيت عيله بس يكون في استقلاليه يعني يبقوا زيهم زي الجيران في اي عماره وبرده يبقى في تبادل زيارات مش اقامه كامله يعني زي ما حصل في الحوار بتاع استاذ اشرف لو العيس ضمن الموضوع ده للبنت البنت ممكن توافق بس طبعا ده بيبان من الكلام وبصراحه وياريت استاذ اشرف ما يزعلش من كلامنا بس والدت حضرتك كلامها وسكوتك يدي انباع انك هتسمع كلام والدتك في كل حاجه وهي اللي هتبقى ممشيه الموضوع وده بعا مش هيعجب اي بنت
انا اعرف ناس عايشين في بيت عيله والحمد لله زي الفل بس المهم يكون في استقلاليه اي بنت تحب يكون ليها بيتها المستقل تقعدبراحتها تنام تقوم تاكل تشرب تعمل اي حاجه براحتها وهي بقه براحتها تنزل تطلع هي حره لكن ما يبقاش فرض واتفاق انا عمري ما شوفت حد بيقول الكلام ده اصلا في التعارف وحتى في الاتفاقات محدش بيقول اليوم كله عندي وتتطلعوا على النوم !! عشان كده قلتلك في اول رد من الاخر والدتك مش عاجبها الوضوع اصلا وبتفش في العروسه والله اعلم!! مفيش بنت تقبل انها تفضل قعده مع حماتها اليوم كله وتطلع شقتها بس على النوم !!
سبحان الله وبحمده سبحان الله العظيم
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
رقم العضوية : 104612
تاريخ التسجيل : 21Jun2011
المشاركات : 26
النوع : ذكر
الاقامة : Cairo
السيارة: NIO
السيارة[2]: NO
الحالة :
طريقة زواج في منتهى الرجعية بصراحة
رقم العضوية : 73872
تاريخ التسجيل : 26Jun2010
المشاركات : 5,623
النوع : ذكر
الاقامة : Shubra
السيارة: Fiat 131, 1300, 1976
السيارة[2]: Hyundai Verna 2010 Gl
دراجة بخارية: لا يوجد
الحالة :
لا اخفيكم سر السعادة من مشاركاتكم دي
وانكم شاركتوني الموضوع
يمكن قريت ردودكم متأخر شوية بعد ما تقريبا اضطررت لاتخاذ قرار
امبارح قعدت اتكلمت انا ووالدي ووالدتي وللأسف اتضحت الصورة
بالفعل الاتنين رافضين الموضوع دا اساسا
وزي ما بنقول بيطلعوا القطط الفطسانة في البنت وأهلها رغم ان زي ما حضراتكم قلتوا مفيش عيوب جوهرية تقدر تحكم على الموضوع بس هو كان واضح جدا ويمكن انا حاولت أكدب نفسي ان والدتي رايحة تفشكل الموضوع ولما قلتلها كدة قالتلي امال جبنا هدية ليه وكدة قلتلها دا عشان الشكل العام ليس الا انما انتي اصلا مكانش ليكي مزاج من الموضوع
ايا ما كان هي ممكن البنت تكون حلوة ايوة
بالفعل استريحت ليها نسبيا ولمامتها كتير -بغض النظر عن الهجوم المتبادل بين والدتي ووالدتها-
على فكرة والدتي ملهاش اي قرار في البيت مطلقا هي اول مرة تظهر وتقوم بالدور دا
هههههههههههههههههههههه
وانا سكوتي مش عشان انا مليش شخصية او كدة لكن بالفعل دي كانت اول مرة اتقدم لحد والموقف نفسه كان عاملي ارتباك وناحية تانية قليل من الخجل كان مطلوب برده
اينعم انا كل مرة كنت بسمع والدتي بتوجه سؤال ببصلها معناه بالراحة شوية وخفي شوية
ايا ما كان
اعتقد ان المضووع منتهي وان الجماعة هنا ملهومش مزاج من الجوازة دي خصوصا انهم مش من القاهرة وانهم من الارياف تقريبا فهما طبعا اضافة لكدة بيقولولي مشوار -طبعا دا مش مشكلة النسبالي- بس
دا اللي حصل
ايا ما كان انا سعيد جدا لآراؤكم يا شباب وسعيد جدا لمشاركاتكم
ممكن تكون هونت عليا شوية بس انا من امبارح وانا مضايق
حاسس ان اهلي مبيفكروش غير في اللي يريحهم فقط لا غير وان البنت اللي في دماغهم دي هي اجمل واحسن بنت في الدنيا
ومش باصين لرغباتي
وحيال ذلك انا بفكر جديا في الدغاع بصورة سلبية اني همتنع عن قصة الجواز دي لحد ما ربنا يريد ويقضي أجله ويقضي قضاءه
لأن اللي بيحصل دا كتير
المشكلة ان وانا بتناقش مع والدي لقيت صوته علي ووالدتي كذلك فقلتلهم انتوا عاوزين تتناقشوا واللا بتتخانقوا؟!
برده والدي كان خد عنوانهم عشان يسأل عليهم ووالدتي قالتلي انه مسألش فبقول هليه يا بابا مسألتش عليهم قلي يعني انا كداب؟
حسيت فعلا بانفعال جامد وغير مبرر في النقاش لا لشيء غير اني انسحب
يعني صمدت شوية في النقاش ولما حاولت اديلهم مثل من القرآن قالولي باعتبار انها نبي -على والدتها -
هنا رفعت الراية البيضاء وسلمت
سلمت لأني اتخنقت وانا بكون طلعان عيني في الشغل طول اليوم معنديش استعداد اني ادخل في نقاش وجدال معاهم في البيت يكفي النقاش والجدال اللي بلاقيه طول اليوم
للأسف نسعى لاتمام البيت والزيجة ويرفضون بكل ما اوتوا من قوة
الله أعلم أين الصالح وأين الطالح
بس اللي مضايقني فعلا لما انتوا رافضين ليه وافقتوا تروحوا اساسا؟!
مضايق جدا من خبر الرفض ووقعه على البنت وأهلها لا لشيء غير ان والدتي كانت عنيفة في الحوار -لأول مرة في حياتها-
لنا الله !
Ashraf_Ibrahim
رقم العضوية : 73872
تاريخ التسجيل : 26Jun2010
المشاركات : 5,623
النوع : ذكر
الاقامة : Shubra
السيارة: Fiat 131, 1300, 1976
السيارة[2]: Hyundai Verna 2010 Gl
دراجة بخارية: لا يوجد
الحالة :
رقم العضوية : 104612
تاريخ التسجيل : 21Jun2011
المشاركات : 26
النوع : ذكر
الاقامة : Cairo
السيارة: NIO
السيارة[2]: NO
الحالة :
المفردات كلها قديمة و مستهلكة في وجهة نظري
بتسلّم بالإيد ... أروح أشوفها (كإنها بضاعة بتتعاين) ... زميلتي في الشغل قالتلي ان ليها بنت عمها كويسة وممكن اشوفها ... شرطه الاساسي انها مشتشتغلش... والدتها هي اللي ممشية البيت عشان والدها منطقش بحاجة ...
المفردات كلها و الأفكار التي تعكسها تعود لقرون مضت ... منتهى الرجعية في وجهة نظري
رقم العضوية : 73872
تاريخ التسجيل : 26Jun2010
المشاركات : 5,623
النوع : ذكر
الاقامة : Shubra
السيارة: Fiat 131, 1300, 1976
السيارة[2]: Hyundai Verna 2010 Gl
دراجة بخارية: لا يوجد
الحالة :
تعجبني رجعيتي
أشكرك لمرورك
Ashraf_Ibrahim
رقم العضوية : 40467
تاريخ التسجيل : 17May2009
المشاركات : 3,058
النوع : ذكر
الاقامة : cairo-nozha
السيارة: SEPHIA 2000
السيارة[2]: Fiat Regata
دراجة بخارية: لا يوجد
الحالة :
ربنا يوفقك الى الخير و أنا رأيى برضه شوف البنت التانية و مش هتخسر أى حاجة.....بس بلغ أهلك انك رايح زيارة تعارف بس علشان متلاقيهمش دخلوا فى تفاصيل جواز و الكلام ده
[marq="2;right;2;scroll"]الحمد لله[/marq]
رقم العضوية : 11533
تاريخ التسجيل : 25May2008
المشاركات : 448
النوع : انثى
الاقامة : https://t.me/pump_upp
السيارة: 89813613694
السيارة[2]: Fiar128 TheN LanCeR 2001
دراجة بخارية: I Don't Have One
الحالة :
رقم العضوية : 22704
تاريخ التسجيل : 20Oct2008
المشاركات : 6,911
النوع : ذكر
الاقامة : Alexandria-Sidi Bishr
السيارة: ربنا يسهل
السيارة[2]: Daweoo Lanos 1 model 99
دراجة بخارية: لا
الحالة :
المفضلات