شاب و حيران و محتاج استشارة الناس فى موضوع الجواز

**ahmed ismail** · 11-09-2011 02:52 AM

بسم الله الرحمن الرحيم
دلوقتى الواحد دخل فى سن كل اللى حوالية بيجيبولو عرايس و فعلا الواحد عايز يستقر بدرى بدرى لانى مؤمن باهمية الزواج المكبر و الواحد يعف نفسه
دلوقتى عندى اشكالية كبيرة مجنناى
مفيش حد كامل
يعنى الواحد لما يحط شروط مش بيلاقى كل اللى هو حاطه فى العرايس اللى قدامه
يعنى مثلا :
من شروطى الشخصية فى موضوع زوجة المستقبل :
1- متدينة و متوافقة مع فكرتى ( انا من الاخوان المسلمين )
2- من اسرة و بيت معروفين و مشهود لهم بالاخلاق
3- توافق اجتماعى و مادى بين الاسرتين
4- تكون جميلة او مقبولة شكليا على الاقل
5- تكون من مهنة قريبة لى يعنى انا صيدلى عايزها صيدلانية او طبيبة

دلوقتى لو الواحد وجد مثلا كل الشروط لكن البنت مش فائقة الجمال لكن مقبولة شكلا و الواحد ممكن يستريحلها يا ترى الواحد يتشجع و يقدم على الموضوع ولا اجى بعد اندم انى مخدتش واحدة جميلة جدا
محتاج نصيحة من المتزوجين و من اخوتنا الكبار اللى شافوا تجارب كتير يا ترى فى المستقبل ممكن الواحد يندم انه مختارش على اساس الجمال و فضل انها تكون متوافقة معاه فى كل حاجه تانى
يا ترى الموضوع حيستمر معايا و لا لا
انا من دلوقتى شايف البنت كويسة و مقبولة جدا جدا كشكل لكن قلقان من الموضوع ده فى المستقبل
اشيروا عليا ايها الناس
افيدونى افادكم الله

**wahba87** · 11-09-2011 03:00 AM

الشكل بيروح و يتبقى الروح

اهم حاجة القبول بينكم و ربنا يوفقك ان شاء الله

**matrix_it** · 11-09-2011 04:44 AM

انا عن نفسى احب الجمال لانه ان شاء الله هيستمر بتاع 10 سنين كدة لحد السن 37
و برده اهو حاجة تصبرنى لو حصل مشاكل

**Ahmed.Fahmy** · 11-09-2011 06:35 AM

انت يتفكر يطريقة عريبى جدا
المهم تقبل شكلها وخلقها مش دكتورة وبتاع
والاهم الاسرة التى هى مصدر تربيتها واولادك كم بعد
وطبعا المستوى الاحتماعى والفكرى

وادعى ربنا هيبعتهالك وهاحس بيها وتفول هى دى

ولا تنسى ان الكمال لله وجده

**Hegazio** · 11-09-2011 09:19 AM

نصيحة من واحد مدوبهم اتنين !!!
( حـــــاضر ) .. ابحث عن هذه الكلمة .. و اعمل اختبارات عنها في فترة الخطوبة كما تشاء
الطاعة تعطيك كل ما تبحث
ابتسامة + حاضر من عينيا يا حبيبي ولا مارلين مونرو ضاربة بووووووووز
حاضر في المشتروات و المصروفات أو حتي تساعد في شغلك = فلوس
حاضر في العلاقات مع الأهل = مكسب علاقات اجتماعية
حاضر حاعملك شعري زي ما بتحب او حاخس 10 كيلو زي مانت عاوز حالبس اللبس اللي بيعجبك = الجمال

حــــــــــــــــــــــــ ـــــــــــــــاضر .. و كفي !!

**mshawkyPB** · 11-09-2011 11:43 AM

المشاركة الأصلية كتبت بواسطة matrix_it

انا عن نفسى احب الجمال لانه ان شاء الله هيستمر بتاع 10 سنين كدة لحد السن 37
و برده اهو حاجة تصبرنى لو حصل مشاكل

انت برنس انا عارف ان الجمال مش كل حاجه والناس كلها هتقولك كده وهو صح نسيبيا ولكن عامل اساسى موثر مبيحسوش الى اللى بيدخل القفص هههههههههه ويرجع يندم انه مصبرش شويه واختار حاجه استيراد

**human** · 11-09-2011 11:48 AM

ممكن تبقى حلوه جدا و تشوفها قرد
و ممكن تبقى قرد و تشوفها حلوه

استعن بالله و توكل على الله و اهم حاجه النيه تبقى صافيه
و ربنا هيكرمك

الاخ اللى كاتب الطاعه و اللى تقولك حاضر جاب من الاخر

اللى هتفضل تناقشك و تتكلم كتير هتتعبك و عايزه واحد دماغع فاضيالها انت بعد وقت هتبقى مش طايق تفتح بقك تحت ضغوط الحياة اليوميه و مش هتبقى حمل مناهده ولا تشرح و تفسر و تجادل

امى كانت تقولى كمة حاضر بتريح

و بعدين تتجوز ليه

يا عم اخرج مع صحابك و جنط العربيه و سافر و لف الدنيا

**ramynabilpop** · 11-09-2011 11:58 AM

المشاركة الأصلية كتبت بواسطة moustafa_saad

دكتورة ايه ياعم
انت طالب عروسه ولا تعينات فى مديرية الصحه

لو لاقيت دكتوره ماشى خير وبركه ولو ملاقيتش مش هو ده الشرط الاساسى ابدا اللى يخيلك تسيب واحده

المشاركة الأصلية كتبت بواسطة Hegazio

نصيحة من واحد مدوبهم اتنين !!!
( حـــــاضر ) .. ابحث عن هذه الكلمة .. و اعمل اختبارات عنها في فترة الخطوبة كما تشاء
الطاعة تعطيك كل ما تبحث
ابتسامة + حاضر من عينيا يا حبيبي ولا مارلين مونرو ضاربة بووووووووز
حاضر في المشتروات و المصروفات أو حتي تساعد في شغلك = فلوس
حاضر في العلاقات مع الأهل = مكسب علاقات اجتماعية
حاضر حاعملك شعري زي ما بتحب او حاخس 10 كيلو زي مانت عاوز حالبس اللبس اللي بيعجبك = الجمال

حــــــــــــــــــــــــ ـــــــــــــــاضر .. و كفي !!

كلام 10 على 10
انت عايز واحده ملكه جمال ومحترمه جدا ومؤدبه ومن عيله وحالتهم الماديه عاليه جدا وشخصيته رائعه ومثقفه وتستحملك و و و و .....زى ماحضرتك قلت مفيش حد كامل وبعدين ايه موضوع لازم دكتوره دة ( بصراحه انت نرفزتنى جدا هههههههه بهزر معاك بس عمرى ما شفت حد عايز كل حاجه كده

وتفكيره كده)
انت كده عايز تفصيل
اعمل زى النبى (ص) ما قال
فاظفر بذات الدين تربتك يداك (واظن مش هنسمع غير كلام النبى ص)
اهم حاجه الدين وشكلها يكون مقبول بالنسبالك لان الجمال نسب

-

-

الموضوع: شاب و حيران و محتاج استشارة الناس فى موضوع الجواز

LinkBack

أدوات الموضوع

عرض

-

-

-

المواضيع المتشابهه

محتاج رأي الناس

الجواز وسنينه ! محتاج مشورتكم !

استشارة في موتور البونتو وعايز الناس الي بتهم فيها كلها تشاركني احسن هتجنن

استشارة من الناس اللى متابعة السوق

رايكم اية فى موضوع الجواز بعد زيادة الأسعار

الكلمات الدلالية لهذا الموضوع

المفضلات

المفضلات

ضوابط المشاركة