الموضوع: الجواز وسنينه ! محتاج مشورتكم !

المشاركة الأصلية كتبت بواسطة shaddadfalcon1

فكرتني لما رحت اتقدم لمراتي قلت لو رفضتني مش هتجوز خالص دلوقتي وعشان اسكت اهلي والزن بتاعهم

ياريتها كانت رفضت ههههههههه

يا سيدي
شر لابد منه
ههههههههههههه

المشاركة الأصلية كتبت بواسطة nonia

ديه مشكلة العصر الاسرة شايفين عروسة لابنهم ... او عريس لبتنهم .. انه ملاك ومفيش زيه
في الدنيا والعكس بالنسبة للابن .. واي اختيار تاني فيه كل عيوووووب الدنيا
معادلة صعبة غالبا بتنتهي بقرار فردي وقصص كتيييييييير
عشان ننفذ اللي احنا عايزينه او تقبل اختيارهم ..
وربنا يوفق حضرتك للفي الخير

للأسف فعلا مشكلة العصر !

المشاركة الأصلية كتبت بواسطة tameraast

+111

كل الاحترام و التقدير لشخصك الكريم

بس والدنك مش عايزه الجوازه و عايزاك تقعد جمبها

مانا كنت عارف كدة بس كدبت نفسي ومصدقتش غير لما شفت بعيني محدش قلي !

[QUOTE=Most_H;3874080620]بالرغم أن الموضوع انتهى خلاص، بس مستخصر مردش بعد مقريته كله

حاول تتعرف على بنت اخت جوز خالتك لو مكنتش، ومتحطش فى عقلك الباطن انها علشان والدتك معجبها بيها، يبقى انا مش عاوزها، فقط علشان والدتى بتفكر فى اللى يريحها بعيدا عن أختياراتك الشخصية واللى يريحك، لأنه صدقنى، حتى لو فعلا بنت اخت جوز خالتك انسب زوجة لك، والفكرة اللى فاتت دى موجودة، هتعمى بصيرتك

لكن لو فعلا محستش انها تناسبك وتريحك، طفشها انت، وطلع القطط الفطسة فى الموضوع (وسمحنى لو كنت بقول لك كدة :) )

وعموما دول من أكتر الردود اللى عجبتنى فى الموضوع



والرد دة، رغم انه بعيد عن أصل الموضوع

المشاركة الأصلية كتبت بواسطة Ahmod

والله العظيم انت راجل كفاءة وعشرة على عشرة

بعيدا عن موضوع النكدية اللى صفة اساسية في معظم - ان ماكنش جميع - بنات مصر

من كتر اللى الواحد بيشوفو يوميا في الجامعات والشوارع بقى حاسس انه خلاص مابقاش فيه بنات تقدر تثق فيها في البلد دي

المشكلة تلاقي البنت محجبة ولابسة طويل ولو دخلت بيتها ابوها شيخ مش بيفوت الفرض وامها منقبة وهي 24 ساعة في الشوارع ! ! وماخفي كان اعظم !



والله انا حزين لان الموضوع باظ خاصا انك استريحت نفسيا للبنت ولاهلها ولعلمك حاجة مهمة جدا انك ترتاح لوالدة زوجتك لان الزوجة بشكل كبير اوي بتطلع زي والدتها

كلمة قالهالي واحد زمان : قبل ماتفكر تتجوز بنت بص لامها لانها بنسبة كبيرة هتبقى في المستقبل زيها !

عموما اهلك في البيت راحو معاك عشان يطلعو القطط الفطسانة وعشان لما تتكلم يقولكو ماحنا رحنا ومعجبناش وعملنا اللى علينا

مجرد اداء واجب مش اكتر من كدة

انا متفق مع رد احد الاخوان انه تشوف بنت اخت جوز خالتك وشيل من دماغك فكرة ان والدتك عايزاها يمكن تكون زوجة مناسبة ولو ماعجبتكش سعتها تفهمهم ان موضوعها اتنهى وينسوه عشان بعد كدة تقدر تختار شريكة حياتك بدون مشاكل

اما لو انت رافض بنت اخت جوز خالتك بدون اسباب هما كل جوازة هيحصل نفس اللى حصل فروح وشوفها بنية صافية ولعلى تكون من نصيبك مين عارف يمكن تكون اكتر واحدة مناسبة ليك



طيب ممكن حضرتك تقولي المفردات الحديثة ؟ من باب العلم بالشئ يعني عشان اكون في الصورة بس مش اكتر

لعلمك : انا عمري ماتجوز واحدة ليها صحاب ولاد ! ولو كنت خاطب بنت ولقيت رقم ولد على موبايلها ومافيش ضرورة او سبب معين لانه يتصل هفركش الموضوع

هتقول عليا رجعي هتقول عليا سلبي او بفكر تفكير قدييييم قول اللى تقوله لكن انا من حقي اني اتجوز واحدة اثق فيها وابقى مأمنها على بيتي وعلى ولادي

واعتقد التفكير ده محدش يلومني عليه ; خاصا بعد المهازل اللى بنشوفها في الشوارع والجامعات !

والله انا نفسي حزين
ومنعزل مع نفسي من امبارح مبكلمش حد في البيت !

المشاركة الأصلية كتبت بواسطة saadelden

لسه يا اشرف ياما هاتشوف
بالنسبه لحالتك اريحلك تجهز نفسك و تعتمد علي نفسك و اهلك مالهمش اي علاقه بالي تختاره
ماتخليش حد يتحكم في اختيارك

انا شوفت جوازات كتير باظت بسبب الاهالي و اختيارهم لابنائهم
مع انهم بيبقى تفكيرهم عشان مصلحتك و لكن مابيبقاش فيه قبول

بس لو انت عارف قريبتكو الي بيتكلمو عليها يبقى تروح تشوفها و تقعد معاها
لو لقيت الموضوع مش نافع يبقى انت قفلتلهم الباب دا خلاص
و دور بقى و اختار الي تريحك

ربنا معاك و يعينك
موضوع الجواز دا اما بيتفتح لازم بيجيب كلام كتير

يا عزيزي اناقادر الحمد لله اني انعزل ماديا عنهم الحمد لله
بس برده كتير عليا اني اجيب شقة برا هيكون جهد فوق المطلوب كدة قدامي ولا ييجي 3 سنين عشان اجيب شقة بس
اجهز امتى بقا واكمل امتى واتجوز امتى؟
واللا اتجوز انا والاحفاد يكملوا المهمة بقا
ههههههههههههههههه

المشاركة الأصلية كتبت بواسطة SheNo0o

والله انت الي راجل كفاءة وعشرة علي عشرة وميه ميه كمان
انا مش عارف ايه الناس دي بيقولك انت رجعي ما اكيد انا راجعي
ولا انا علشان مبقاش رجعي يبقا ليها اصحاب وكان ليها شله ف الكليه وشله ف الدروس وكل الحاجات الي بنشوفها دي يا جماعه المبادئ مبتتجزأش والرجوله مبتتجزأش وملهاش علاقه لا بوقت ولا بزمن ولو عدي 150 سنه بيتهيقلي هتفضل زي ما هياه

واعذروني علي رجعيتي

بالظبط
من حقي كرجل اني اشعر بكامل رجولتي واحفظ بيتي واحفظ الانسانة اللي هرتبط بيها
وانها تكون ليا انا بس مش لحد تاني يشاركني فيها مطلقا
دا من ضمن اسبابي لعدم شغلها اني عاوزها ليا انا بس مش عاوز حاجة تقاسمني فيها حتى شغلها
عاوز اكون انا محور اهتمامها وشغلها فقط لا فير
فما بالك ان حد تاني يكلمها او يسلم عليها
دا ممكن انهي حياته اساسا

المشاركة الأصلية كتبت بواسطة kareem.elaraby

لعلمك : انا عمري ماتجوز واحدة ليها صحاب ولاد ! ولو كنت خاطب بنت ولقيت رقم ولد على موبايلها ومافيش ضرورة او سبب معين لانه يتصل هفركش الموضوع
واعتقد التفكير ده محدش يلومني عليه ; خاصا بعد المهازل اللى بنشوفها في الشوارع والجامعات


ما حدش يجرؤ يلومك أو يقول عليك حاجه غلط و انا زيك بسسسسسسسسسسسسسس
ازاي واحده دخلت جامعه و خلصت و ممكن تكون بدأت شغل و مفيش ولا نمره ولد\زميل عمل\ علي موبيلها , لو لاقيتها و طلع ليها أخت زيها قولي و انا أجي أتقدملهاااااااااااا فوراااااااااااااا
الاهم ان التعامل يكون بحدود و تعرف تتعامل مع اناس و لو حد تعدي حدوده تعرف توقفه عند حدوده !

مش القصد نمرة ولد بشكل عام

القصد اني الاقي رقم واحد بيتصل عليها بدون مايكون فيه سبب معين للاتصال !