الموضوع: الصوت العالى عند 90كم

السلام عليكم
انا هحكيلكم الحكايه من الأول عشان اللى يرد عليا ينصحنى صح؟
انا معايا بيكانتو 2011 اوتوماتيك وطبعا عملت بيها حادثه جامد شويه ع الدائرى (قدر الله وماشاء فعل). المهم ضبط العربي وغيرت رفرف يمين قدام وقربه المساحات والربع الخلفى والفوانيس قدام يمين وورا شمال والعربيه الحمد لله خرجت فابريكه تانى
بعد 3 شهور من الحادثه سمعت خشونه غير طبيعيه فى العربيه بتزيد يوم بعد يوم مطولتش يومين بالظبط وروحت كشفت قالك العربيه جابت بلى غير ياعم البلى وحط جديد ركبت واحده فى التوكيل لانها كانت غاليه شويه وقلت اركب التانيه من بره اشتريت واحده سعرها رخيص شويه وركبتها فى الناحيه اليمين ومشيت العربيه ورجعت ناعمه تانى وزى اللوز
مفيش شهر والبليه اللى انا جايبها من بره الرخيصه دى خشنت وسمعت صوتها زهقت بقى سبتها اسبوع لحا لما صوتها كان فظيع كنت حاسس انى راكب جرار زراعى وبعدين روحت التوكيل قالك هنغير البليه دى قولتله ماشى وركب الأصلى
ومشيت العربيه زى الفل لحاد الأن
بس فى حاجه بقه ياجماعه وهو ده سؤال بس حكيت القصه عشان الرد يكون علمى
دلوقتى صوت العربيه بيعلى لما بوصل عند 90 بالظبط وبعدين يهدى حاجه بسيط لما بوصل 100 و 120
فى ناس قالول غير طقم الدربياج ( البى والاسطوانه والديسك صح كده ولا طقم الدبرياج ده حاجه تانيه) انا عايز اعرف رأيكم لو سمحتم واسف على الاطاله

فوق سرعه ال 90 فيها تحت بليه العجل
لكن فوق ال 90 صوت الموتور بيعلى و بردو بليه بيفضل ليها صوت بس انت مبتسمعوش علشان صوت الموتور بيبقى عالى