مفيش احراج ولا حاجة .. كلمنى فى اى وقت ..
والنهاردة يوسف فى التوكيل .. بيغير مقصات .. وكلمته قولتله اقعد مع اسلام وافهم منه الشرح اللى شرحهولك .. وحيطلعله التقرير بتاعك عشان نفهم القصة
والحاجة التانية .. حضرتك بخصوص الدهان .. لو كان غالى فى التوكيل .. بصراحة يستاهل .. الدهان فى التوكيل وعن تجربتى رش بره ورش فى التوكيل .. فاقدر اقولك فى التوكيل بيكون محترم جدا .. بيستخدموا خامات دهان محترمة .. دع غير شغلهم عالى بصراحة
وكل واحد حسب ما بيحب وحسب امكانياته .. وبصراحة فى ميزة دلوقتى فى قسم نيسان .. ان بتاخد خصم سواء عملت حاجة فى التوكيل او بره التوكيل كمان
المهم مش الدهان .. المهم العفشة عندك اهم شى .. وممكن بردوا كل حاجة تتجاب من بره واللى فيها ممكن يتصلح .. بس الحاجة الوحيدة اللى تروح وتعملها فى التوكيل هو شد الشاسيه هناك
وبعدين احنا بنحاول نخدم هنا لوجه الله .. وبنحاول بمبدئنا النقد المحترم واسلوبنا الودى غير الرسمى .. اننا ناخد خصم اكبر للاعضاء الناشطين على قدر المستطاع منا ومن التوكيل ..
ويمكن لو حضرتك لو كنت متابع معايا من زمان .. كنت حتعرف انى مكنتش بسيب عضو غريب او قريب الا لما بكون معاه .. بس ضغوط القسم ومسئولياته وخدماته زادت عن زمان .. وده بيخلى وجودى قليل فى القسم .. لان بتحرك خارج القسم فى عمل افكار لحل المشاكل السيارات
زى منها فكرة التنجيد وفكرة العازل .. اللى يمكن كنت اول واحد عملتها مع الحاج احمد مشعل قبل مقابلة الصقور فى عربيتى التيدا .. لما فكيت الطابلوه بتاعى وعزلته .. ومن هنا كلمته على فكرة العازل للصنى .. والحمد لله كلها افكار جت من واقع مشاكل الاعضاء .. اللى بسببها بكون موجود .. وبفكر فيها
وسامحنى لو كنت مش بتابع معاك .. هنا .. لكن وقت ما تنوى سواء بره او جوة .. حتلاقينى ظهرت
والاعضاء جوة المنتدى قايمين بالواجب ومش مقصرين
فباذن الله وقت ما تنوى تتحرك فى العربية كلمنى .. او اتصل بيه وندردش ونشوف ايه اهم حاجة حنبتدى فيها
بس خالى بالك وارد جدا حتكتشف حاجات مستخبية وانت بتفك وانت بتشتغل فى العربية .. فعشان كدا حاول تكون جاهز بالمبلغ اللى حتبتبدى بيه حل المشاكل الميكانيكة الاول
ولو عايز تيجى تقعد معانا يوم الجمعة ونتشرف بيك .. حنكون سعداء بوجودك
واسف على الاطالة وتقبل تحياتى
المفضلات