اسلوب القيادة المثالي

**marsguy** · 30-05-2008 12:32 AM

أحب أزود حاجه

إن الواحد لما يكون عنده بعد نظر في السواقه ده بيساعد على المحافظه على العربيه وعلى تقليل إستهلاك البنزين

يعني مثلاً لو ماشي في شارع وأقرب عربيه قدامك على بعد 50 متر، حاول تبص إيه اللي قدام العربيه دية كمان على مرمى البصر

ده هايخليك مثلاُ ما تزودش بنزين لو إكتشفت إن الدنيا واقفه على بعد 100 متر، وها يخليك تسيب بنزين من بدري وتدوس فرامل براحه خالص من بدري، وكده هاتقلل إستهلاك البنزين وتحافظ على الفرامل وتقلل تفكيك العفشه.

**MoToRiZeR** · 30-05-2008 12:45 AM

انا رأيي

-العفشة كدة كدة هتتبهدل لأن الطرق في مصر زي الفل
-اسطوانة الدبرياج كدة كدة هتسئ استخدامها لأن فيه حتت في مصر بتمشي بسرعة 2 كيلو في الساعة و كل شوية مور و هات غيار و امشي حتة و اقف
-كدة كدة فيه بنزين بيترمي في الأرض من كل شوية اول و مور و اقف .. او الاشارات الطويلة
-ممكن تبقي سوبر اقتصادي في تشغيل العربية و ييجي و انت نايم واخد يخبطلك العربية و تصليحها يتكلف قد كدة و يبقي اللي وفرناه صرقناه

بإختصار .. حاول متكونش over protective و استمتع بالعربية لأنها مش هتفضل زيرو طول العمر .. خاصة انك في مصر

و لو عايز نصيحة بجد .. التزم بقوانين المرور و السرعات و خلي دايما تركيزك مع الطريق و هتلاقي كل حاجة تمام

**eldeplomasy** · 30-05-2008 02:24 AM

والله انا مش عارف اقولكوا ايه انتو فعلا افدتوني جدا بس في نقطة اختلاف لاحظتها عند بعض الاخوة في ناس قالوا حاول متستخدم الدبرياج كتير وفي ناس قالت الافضل انك طالما مش محتاج عزم وسرعه مور العربية وفي ناس قالت قبل ما تفرمل مور

ايه الصح بقى من دول؟؟؟

ثانيا لو انا هقف مثلا خمس دقائق هجيب حاجه من محل اقل من 5 دقائق اطفى المكيف والعربية ولا اسبهم احسن؟؟؟

ثالثا لما اجي افرمل افرمل ببطئ مع العلم ان ده هيخلي وقت الفرمله اطول ولا اكلبش عليها واخليها تقف في اقصر مدة مع العلم ان كده هزود الاحتكاك بين التيل والطنابير وبالتالي استهلاك تيل اسرع؟؟؟

رابعا التطويل على الغيار لحد مثلا ما يوصل ل5000 لفة او احيانا بكون طالع كوبري والار بي ام على 2800 لفة بس بطول عليه لحد ما اخلص المطلع هل ده صح ولا غلط؟؟؟

خامسا بالنسبة للاوتوماتيك سمعت ان لما اكون واقف واجي اتحرك لازم اشيل رجلي من على الفرامل خالص مفضلش محمل عليها هل ده صح ولا غلط؟؟؟

سادسا في المسافات الطويله سمعت اني مفضلش ماشي بالعربية على سرعة 120 كيلو مدة طويله لازم ازود عنها واقلل صح ولا غلط؟؟؟

سابعا آسف طولت عليكوا بس انا بحاول افهم علشان احافظ على العربية الجديده

**michoo128mm** · 01-06-2008 03:45 PM

ده ليه كده انتي معاك ماتيريا ولا ايه؟؟؟؟؟

**MMamdouh** · 01-06-2008 04:05 PM

اولا كتالوج عربيتى مكتوب فيه ان تدوير الربية على السلانسية اكتر من 5 دقايق غلط... و 40% من تاكل الموتور بيحصل فى اول الدوارة و بالتالى الاتنين مش صح.... يبقى الاصح انك تبطل لو انت عارف انك حتقف مدة طويلة... ربع ساعة تلت ساعة كدة يعنى مش كل اشارة تبطل العربية

بالنسبة للفرامل... الفرملة و العربية معشقة احسن لان الموتور بيفرمل العربية... جرب من سرعة 40 كيلو تمور و تسيب العربية تهدى و مرة تانية تسيبها تهدى و انت معشق... حتلاقى العربية بتفرمل اسرع و انت معشق لان الموتور بيفرمل... يبقى الانسب انك تفرمل و انت معشق و لما الاRPM يوصل 1200 ولا حاجة تمور و تكمل بالفرامل فقط

المطالع و الكبارى... اللفات القليلة حمل على الموتور... و مس معنى انك ماشى على 5000 لفة انك بتهلك الموتور و حتموتة... طالما انت برة الRED zone يبقى عادى... انا بلاقى ناس طالعة مطلع و الموتور بيسقف و بيصوت و بيقول ارحمونى و اللى سايق ولا فى الدماغ... عشان مينزلش نقلة و يعدى 2500RPM و يحرق الموتور...

طبعا كل دة كلام فارغ تماما... صحيح عند 5000 لفة انت بتستهلك الموتور اكتر لكن مش حتبوظة... انما عند 2500 و طالع مطلع ممكن تبوظ الموتور او اقل واجب حتسخنة لان علية حمل و طلمبة المية شغالة ببط مقارنة بالحمل

بالنسبة لدوسة الفرامل... الدوسة الجامدة حتوقفك بسرعة و بالتالى مش حتستهلك تيل.. لكن حتسخن الطنابير و حتستهلكها اسرع.. الدوسة الخفيفة حتخلى الطنبورة باردة نسبيا لكن التيل حيتاكل اسرع... الحل هو التوازن بين الاتنين و استخدام الموتور للمساعدة عشان توفير مكونات الفرامل

التسخين مش ضرورى فى العربيات الحديثة... المهم متحرقش و العربية باردة

MMamdouh

**eldeplomasy** · 01-06-2008 10:55 PM

أصلا مش صح إنك وانت واقف لفتره كبيره إنك تكون جايب D ودايس فرامل، المفروض إنك لما تقف لفتره (إشاره مثلاً) إنك تجيب N

بالعكس خالص انا سمعت كتر النقل بين الدي والان كتير يبوظ الفتيس الاوتوماتيك

طيب انت ما مدى صحة معلوماتك؟؟؟

وكمان في حاجه طيب لو انا مشغل المكيف والاشارة طولت عن ربع ساعة مش هقدر اطفي العربية لان المكيف شغال اعمل ايه؟؟؟