الى المدعو غبور وكل من يعمل فى هذة الوكالة حاسبوا انفسكم قبل ان تحاسبوا

**Ayman_Abdullah** · 30-08-2008 01:06 AM

الأفيو تباع فى أمريكا بسعر 18000 دولار يعنى اغلى من مصر!!!!!!!!!!!!!!!!!!!

**Ahmed Anwer** · 30-08-2008 01:22 AM

المشاركة الأصلية كتبت بواسطة Hock

الأفيو تباع فى أمريكا بسعر 18000 دولار يعنى اغلى من مصر!!!!!!!!!!!!!!!!!!!

و كمان 1600 سي سي ، 107 حصان

**MOHAMED ABD EL SHAFY** · 30-08-2008 12:06 PM

يا خبر موديل 2009 ب 13.5 دولار بس!!!!!!!!

**Nile_Storm** · 30-08-2008 12:30 PM

13 الف و نص ياباشا :)

**MOHAMED ABD EL SHAFY** · 30-08-2008 12:33 PM

ايوه 13.5 الف دولار بس !!!!!!!!!!!

**Ramy_Ali** · 18-09-2008 03:14 PM

فعلا الوكالة دى بقت من غير رقيب ولازم يتعدلوا شوية ويعاملوا الناس باهتمام واحترام اكتر من كدا

**bassemali** · 18-09-2008 03:43 PM

لو فكرنا شويه بالراحه وبعيدا عن مناقشة سيلسة غبور الأستثماريه البحته رجل أعمال وعايز يكسب وخلاص هو ده المهم وإلا ماكانش جمع العربيه هنا وفرضها علينا أصلها ماجاتش على ال 5000 زيادة وتيجي مستورده من بره وخلاص ماهي كده كده غاليه برضه طب أيه الحل ؟؟
لازم اللي يجي يشتري من غبور يفكر في عربيه تانيه بديله حتى لو سعرها أعلى شويه مش مشكله يعني مثلا الفيرنا ب 64000 ال 1500 سي سي تكييف وكاسيت والأفيو الكوري تكييف وكاسيت 78000 فرق 14000 أنا عن نفسي شايفه مش كبير لكن اللي هيشوفه كبير هو اللي هيشتري من غبور يعني كل واحد على قد إمكانياته في اللي بيشتري هيونداي واللي بيشتري مرسيدس .

**Nile_Storm** · 18-09-2008 04:31 PM

اتفق مع حضرتك في بعض الاشياء استاذ باسم و اختلف في البعض الاخر
بس اولا احييك علي طريقه النقاش مش علي طريقه التطبيل و التنطيط بين المواضيع و خلاص زي البعض اما بيعمل ربنا يهديهم

اولا اختلف معاك في حوار الفيرنا و الافيو
في ايامنا السودا دي ال 14 الف مبلغ كبير و هيجيب عربيه انا بصراحه شايف انها مش متفوقه عن الفيرنا بالشكل اللي يجعلها صفقه ناجحه

يعني cost benefit مش عادله
خصوصا ان الافيو دي مثال لجشع التجار بس هنقول ايه منصور حلو و زي العسل انما غبور بس اللي بنشوف جشعه و مبنخدش بالنا من الغير

مثلا انا ساعه اما اشتريت العربيه كانت الفيرنا ب 65 و نص و الافيو ب 68 و نص كوري
تقدر تقولي بعد مرور 10 شهور الفيرنا بكام و الافيو بكام
الفيرنا زي ماهي 65 و نص او اغلي الف
و الافيو بقت ب 74 و تقفيل مصري او 78 لو كوري يعني زادت 10 الاف

**MOHAMED ABD EL SHAFY** · 20-09-2008 07:12 PM

دا عشان كفائتها ولا عشان ايه!

**NaviGator_13** · 21-09-2008 04:12 AM

والله انتوا بتتكلموا فى توكيلين أسوأ من بعض
انا مش هتعرض لماركات العربيات علشان يمكن رأى ميعجبكمش
بس احب اقولكم ان تقريبا كل توكيلات السيارات فى مصر
الصفة المميزة فيهم الجشع وسوء الخدمة
بس بدرجات طبعا