ممكن تجيب ميكروباص و يكون هو سيارة العائلة؟

**muslem** · 21-06-2008 05:00 AM

المشاركة الأصلية كتبت بواسطة علاء فتح الله

طيب إيه رأيكم في سوزوكي APV

1600 سي سي و8 ركاب

لسه كنت حقول عليها انا سألت عليها على فكرة و تمنها 120 الف فول اوبشن و اتوماتيك كمان و شكلها اشيك بكتير من التانية اللى فاضية مفهاش تكييف كما قالوا لى فى التوكيل قالوا لى ان التانية فاضية
و قالوا لى انها مش موجودة حاليا انا شفتها مرة واحدة او مرتين بالكتير بس فعلا شدتنى بس امكانياتي مسمحتش انى اشتريها طبعا غالية جدا على للاسف

**ahmed ismail** · 03-08-2008 10:47 PM

العربية ديه حلم من احلام حياتى

انا نفسى ان شاء الله ربنا لما يكرمنى واتجوز اجيب عيال كتير يعنى كده حوالى خمس ولا ست عيال
وكمان عشان ابقى اطلع بيها انا و بفيت العائلة ابويا و امى و ابناء اخواتى رحلات بقى وبتاع ونهيص بقى

اللى خلى الفكرة ديه كمان تعشش فى دماغى فلم كنت شوفته اسمه
cheaper by dozon

فبالتالى العرية ديه حتكون حل ممتاز بالنسبة
1- الموتور 2500 سي سي ديزل
2- قطع الغيار مش غالية وعم غبور ربنا يخليه
3- الشكل الجديد على اللون الاسود مديها شيكاة العربيات الفان الامريكانى
4- السعر مش غالية يعنى بدل ما الواحديجيب عربيةلمراته لا يجيب هو لنفسه عربية يابانى صغيرة زى السيرون او السيتى او الانسر1300عشان يقضى بيها مشاوريه الخاصة و يورح بيها شغله وتكون العربية ديه لزوم الخروجات العائلية الاسيوعية

**mohamed_88sk** · 04-08-2008 10:16 PM

بصراحة الفكرة دي طقت في دماغي هي والبيك أب هايلكس دبل كابين .
بس للأسف في مصر النظرة للناس اللي معاها مايكروباص خاص أو بيك أب خاص مش قد كده ..
تعالا في الخليج شغال الكلام ده 100 100 ,, الواحد نفسه في جمس سفاري يااااااااااه عالمتعه بجد تحفه وموديل تاني مش فاكره بس كان مع والد صاحبي وكان عمل فيه كنابتين بالعرض وكنبه في الأخر خالص والحته الفراغ كانت ملعب هههههههههههه
وممكن شيفورليه فانشر بس برضو مش في مصر ...
أنما لو في مصر يبقى بصراحه التويوتا الجديده تحفه بجد شييييييييك جدا وثباتها وسرعتها هايله بس برضو لازمها تعديل للكراسي بعديها يبقى ال H1 رائعه بجد ..
عارفين واحد صاحبي أقترح عليا المايكروباض السوزوكي التونايا ده هههههههههههه
قلتله ماينفعش امشي بيه في شارع لو وقفت في مكان حلاقي الناس بتفتح الباب وتدخل معايا ويدولي أجره هههههههههه لأ وتلاقي واحد يقولي المنشيه يا سطى هههههههههههههه موقف عجيب + هو أمكانياته مش قد كده

لكن بصراحه فكرة المايكروباصات دي فكرة ممتازة جدا أينعم الخطر الأكبر عاللي قدام بس سواقته ممتعه جدا وتحس أنك شايف كل حاجه من فوق ..

**georock** · 10-09-2008 03:13 PM

أنا فكرت فعلا أنى أجيب هيونداى أتش وان و أعملها ملاكى لأنى بصراحة معجب بيها جدا موتور قوى جدا و تكييف فوق الممتاز و لو مشغل التكييف على الأخر أداء العربية مش بيتأثر و ده عن تجربة وسعرها مقارب لللانسر
موتور ديزل تربو
متور ديزل يعنى تكلفة وقود أقل
بصراحة العربية تحفة و أنا شفت أكتر من واحد عاملها ملاكى
بس بجد مستنى حد يشجعنى
لأنها خطوة جريئة جدا

**lancerevolution** · 11-09-2008 05:50 PM

لو حتجيب مكروباص يبقى عليك و على الفورد أو الدودج "مش فاكر الموديل " بس دى جبارة فيها موتو عربية نقل حمولة 9 طن و فى منها ديزل ز بنزين و شوية تعديل فى الكراسى و حتبقى إشطة على شاشة 20بوصة حلوة كدا و عييييييييييييش حياتك

**wael_elgamal** · 01-10-2008 01:36 PM

طبعا حضرتك متعرفش اى حاجه عن الموضوع...... واضح ان رأيك ده علشان بتركب ميكروباصات كتير و بس..................
يعنى بتتكلم و خلاص يا اخى العزيز مفيش احسن من الفان العالى.

**أبو كنوز** · 03-01-2009 04:32 PM

في مرسيدس فيتو وبيجو إكسبير وستروين جامبو و برلينجو وفيات سكودو وفيات دوبلو كارجو و كل ده بامكانيات السيدان واكتر كمان بس معتقدش كلهم موجودين في مصر .

**max_ziro** · 12-02-2009 03:51 AM

اعتقد صعبة جدا على
جرانى جربوها لان عددهم 7 بس كان كفاية الاحراج لو كان لازم اوصلهم النادى مثلا و مينفعش اوديهم بعربيتى هههههه
حتى بتاع الباركينج مكنش بيقوم ...ههههه

**MaZaGAngeE** · 31-05-2009 09:27 PM

الحقيقة ده موضوع جامد . حتى لو عيلتك مش كبيرة الفان ده اختيار لازم الواحد يفكر فيه لأسباب : 1. المدام وهي خارجة معاك أكيد معاها حاجات كتيرة واخداها و حاجات أكتر لو عندك أولاد . 2. لو عدلت في الكنب و ظبط شاشة عرض و دش و كمبيوتر و نت هيكون آخر مزاج . 3. لو بتسافر كتير هيكون ده أريح وسيلة سفر ليك و لعيلتك . 4. البوليس كده كده بيرخم عليك راكب ملاكي ولا تاكسي ولا حتى ماشي على رجليك دول كمان لو طلبت معاهم هيجيبوك من بيتك . 5. رأي الناس مش مهم أبدا و لا ليه لازمة الحاجة الوحيدة المهمة راحتك إنت و راحة بيتك و أولادك . و لو إنت عملت الفكرة دي هتلاقي ناس كتير قلدوك . فاكرين حكاية جحا و ابنه و الحمار ؟ 6. لو جبته لونه غير الألوان الناس متعوده عليها في الميكروباص هتحس إنه ملاكي . 7. سيبك من حكاية الأمان و الصدمات و سواق القطش كل الكلام ده مش مهم . قارن معدل الأمان في العربية دي بالعربيات الملاكي هتلاقيها زيهم إن ماكانتش أحسن . دي عربية ياباني مش صيني . 8. دي عربيات مصممة لخدمة الشاقة و البهدلة شوف بقى لما تستعملها ملاكي هتعيش معاك قد إيه . لكل ماسبق أوافق على أن يكون الميكروباص أحد أهم إختياراتي لما أغير عربيتي الحالية .

-

مشاهدة نتائج الإستطلاع: ممكن تجيب ميكروباص و يكون هو سارة العائلة؟

الموضوع: ممكن تجيب ميكروباص و يكون هو سيارة العائلة؟

LinkBack

أدوات الموضوع

عرض

-

-

-

المواضيع المتشابهه

معايا 37 الف ممكن تجيب لانوس ؟

سؤال ممكن يكون سهل ... هو ممكن يكون فيه عربيات 2010 لسه زيرو في المعارض ؟؟

مسلحون يعترضون طريق سيارة ميكروباص ويسرقون كل من بها

13000الف ممكن تجيب ايه

هل ممكن تبيع سيارة يابانى أو أوربى 1300cc و تجيب صينى فول أوبشن 1600cc

الكلمات الدلالية لهذا الموضوع

المفضلات

المفضلات

ضوابط المشاركة