الموضوع: ممكن تجيب ميكروباص و يكون هو سيارة العائلة؟

فكرة ممتازة وليها مميزات كتير

يعنى لو جيت اخر الشهر ولاقيت العملية مزنقه معاك حبتين اعملك " فردة " اسكندريا صحراويه رايح جاى تظبط معاك الميزانية علطول

لو نازل مثلا وسط البلد لوحدك والطريق واقف وليك مزاج تدردش مع حد او مضايق من حاجه وعايز " تفضفض " كل اللى عليك تعمله تطلع راسك وتقول :رمسيس علطول رمصيييييييييييييييص ساعتها هتلاقى العربيه اتملت وحصل جو من المودة والتعارف الاسرى وساعتها تقدر تدردش وتتعرف على ناس جديده و تشاركهم ويشاركوك همومك ومش بعيد كمان تتوصلو لحلول للمشاكل دى

وانت بتعمل الصيانه أكيد هتتعرف على سواقين الميكروباصات ودول ناس جدعان وبينفعو اوى فى الخنقات بيحبو الخنقات زى عنيهم
ساعتها حد يقدر يبصلك بس ساعتها تحمله " الميكروباظ " وتقفله منطقته كلها


نتكلم بقى بجد شويه

كان لكل الوزارات عربيات بيضا اميركى( تقريبا جى ام سي) كانت بتبقى لوكيل الوزارة كانت بلوح حكومه وكانت بتبقى اصغر من الميكروباص بحاجه بسيطه وكان منظرها شيك جدا برغم ان بابها التانى كان جرار زى باب الميكروباص بالظبط

أكيد العربيات دى بدأو يستغنو عنها وبيبعوها برخص التراب برغم انها كانت حالتها فخمه ومحترمه جدا

لو مهتم ممكن تسأل عن الموضوع ده وشكلها فى رأيي مش افخم من الميكروباص دى افخم من الملاكى نفسه ( ده رأى الشخصى طبعا ) و دى مكنتش بتتبهدل عشان اغلب التنقلات كانت بتبقى فى الملاكى والعربيات دى كانت للسفريات بس
واكيد سعرها هيبقى رخيص جدا

دى صور لعربيه فيها شبه كبير من العربيات الل كنت بتكلم عنها














ال ست كراسي زى ما القانون بيقول ومكان فاضي تعمل فيه الل انت عايزه تلاجه ال سي دى مورجيحه صغيرة اى حاجة

المشاركة الأصلية كتبت بواسطة ak1981

لا يسخر قوم من قوم عسى ان يكونوا خيرا منهم

ممكن سواق ميكروباص من اللي بتتريق عليهم دول يكون احسن مني و منك عند ربنا

و محدش بيختار رزقه و لا شغلته و لو خيروه انه يكون وزير كان اكيد اختار كده .....

حضرتك فيه فرق بين الهزار والسخرية او الاستخفاف بحد
بالعكس انا قولت ان سواقين الميكروباصات جدعان فى الحته الل اتكلمت عنهم فيها
اى نعم هما بيحبو الخنقات شويتين لكن سعات كتير بيكونو جدعان انا فاكر مره كنت مسافر فى ميكروباص وكنا حوالى 2 او 3 بلبل وفى الطريق السواق لقى تلاته كاسرين بالعربيه بتاعنهم على واحد لوحده ونزلوه خدو منو مفاتح عربيته وبيشتموه وبيضربوه بعصاية الكوريك الحديد وبرغم ان كنا 3 بليل وعلى طريق سريع سواق الميكروباص وقف ووقف بعديها كمان سواق ونزلو رمو نفسهم فى وسط الخناقه ومرجعوش الا لما سلكو الموضوع ورجعو للراجل مفاتيح عربيته ومشي

موقف زى ده انا مقدرش انساه عشان ده معناه ان فى ناس لسه عندها شهامه بجد ومش منتظرين مقابل من حد

ممكن يكون فيهم نسبه كبيرة بلطجيه ولسانهم طويل حبتين وبيكسرو على الناس لكن ده ميمنعش ان فيهم برضو ناس جدعان ويستحقوا الاحترام

ومسألت ان " ممكن سواق ميكروباص من اللي بتتريق عليهم دول يكون احسن مني و منك عند ربنا " فدى حاجة انا مقتنع بيها
الزبال الل بيكنس الشارع ده انا من جوايا بحترمه أكتر مما بحترم ناس كتير اعرفهم بيتقال عليهم " ناجحين "

ومسألت الرزق دى فضل الله يؤتيه من يشاء يعنى مفيش لأى حد فينا دخل فيها احنا بنعمل الل علينا والرزق من عند ربنا مش من شطارتنا

انا متفق مع كلامك كله وآسف لو كان كلامى اتفهم بشكل تانى وربنا يعلم انى مكنتش اقصد اى حاجة من الل جت فى بالك دى وانه كان مجرد هزار عادى

انا نفسى اجيب ميكروباص الجديد واظبطة وهايكون تمممممممام وياسلام لو لونة اسود وفامية او احمر