الموضوع: تجربة وتقييم للانسر و الكاوتش الجديد(my-01)

المشاركة الأصلية كتبت بواسطة د./اليشع ثابت

اخى الحبيب الباشا:

بعد اذن سيادتك كنت عايز افهم شوية حاجات

انا عربيتى لانسر 1600 سوبر اكشن طبعا عفشة رياضية

مقاس الجنوط 15 و الكاوتش الى راكب 195/60/15

كنت عايز افهم من سيادتكم هل ممكن يركب على الجنوط كاوتش اعرض من

كدة لكى يزود الثبات فى المنحنيات. او يرفع العربية عن الارض شوية

علشان المطبات الى مرتفعة قوووى على الطرق

ولو هذ ممكن ماهى المقاسات وهل تاثر اى اثر على العفشة او تحك فى

الرفرف او ما شابة من اثار سلبية

اسف للاطالة بس انا سالت كتير و لا مجيب من الاعضاء

ممكن تركب 205/60/r15 وهيكون أعرض و هيعلى العربيه بمقدار 6مم فقط عن الأرض و هيبقه فيه نسبه خطأ بسيطه فى عداد السرعه بسبب تغير نصف قطر العجله و نسبة الخطأ هذه تقدر ب2% بالزياده فى سرعه العربيه(يعنى لما يبقه العداد مشاور على 100 بالضبط هتبقه العربيه فى الحقيقه ماشيه على 102 كم/س) وهذه نسبه خطأ مقبوله و ما أنصحش بأى تعديل فى مقاس الكاوتش على الجنوط ال15 الأصليه بأكثر من كده إلا لو هتغير الجنط و تجيب جنط 16 يبقه مقاس الكاوتش المكافىء للأصلى هو 205/50/r16