الموضوع: الى خبراء المرسيدس

المشاركة الأصلية كتبت بواسطة mada6680

معنى كدة ان المرسيدس سواء تسعينات او الفينات جودة وخامات سيئة يعنى عشان اجيب عربية اعتمادية عالية وتستاهل فلوسها اجيب حاجة من اول 2006 مثلا؟
يعنى معقول الشركة دى اعدت تنزل عربيات لمدة عشرين سنة خامات سيئة ومليانة اعطال
طيب الثقة دى خدتها منين؟
على فكرة انا بحب الموديلات القديمة جدا عن الجديدة

السلام عليكم جميعاً
على فكرة أنا كتبت نفس الموضوع في المنتدى بس بصراحة أنا حابب أساعد
ياجماعة بجد أنتم ناس أفاضل ومحترمين وده شجعني أني أحكيلكم عن نفس التجربة ولكن من ثلاثة سنوات وبرده كنت عايز أجيب حاجة في حدود 150000 ألف وبصراحة أكتر كان نفسي أركب BMW ولكن أبن عمي جزاه الله خيراً نصحني بالمرسيدس وتحديداً E200 وعلى فكرة هو خبرة في السيارات المرسيدس والـ BMW لمدة تزيد عن 30 سنة بالإضافة أنه شغال في المرسيدس والـ BM الإستيراد من سويسرا وجميع قطع غيارهم خلال نفس الفترة ، أنا أسف إني هطول عليكم بس أنا حابب أنقلكم الصورة بوضوح عسى أن أفيد حضراتكم .
في البدايه كنت مصمم عل الـ BMW وإنتظرت أكثر من 4 شهور علشان يجيبلي حاجة نضيفة لكن زي ما وضح بعض السادة الأفاضل إن معظم العربيات وخاصة المرسيدس والـ BM اللى بتشوفوها في الشارع نصين أو على الأقل مغيرة ربع والحقيقة أني كنت محظوظ لأن أبن عمي هو اللى كان بيكشف على العربية وأقسملك بالله إن في بعض العربيات كان بيبص عليها وهي واقفه من غير مايفتح حتى الباب وكان بيقوللى إن العربية دى ماتنفعش (الخبرة الطويلة) وكنت أستغرب لأني شايف العربية زي الفل ، وأخيراً سمعت نصيحته وقلت أشتري مرسيدس وكانت وجهة نظره صائبة ومن الآخر الـ BM بتصرف كتيييييييييييييير ومشاكلها كتير ولما سألته هنشتري إيه قاللي E200 أو E230 أو E300 وعلى فكرة الثلاثة شكل واحد والفرق في الـ cc صالون واسع والصاج محمِل والأجمل من ده كله مفيش مشاكل في العربية ولا في مصاريف إلا مصاريف السرفيس وده عن تجربة ياجماعة المهم إني ربنا وفقني وإشتريت وقتها الـ E200 وكانت عاملة 134000 كم موديل 90 وأقسم بالله كل مكانيكي شافها وكمان التجار اللى شافوها كانوا عايزين يشتروها بأي سعر . أنا دفعت وقتها 120000 ألف وكانت فابريكة بالكامل وجميع الكماليات ماعدا فتحة السقف .

ولذلك من وجهة نظري المتواضعة إن الثلاث موديلات اللى وضحتهم فوق من أفضل الموديلات في هذه الفئة ولو هشتري إنهارده هفكر فيهم ولو في إمكانيات مادية ممكن أفكر في الـ S Class وأخيراً أنا أسف للإطالة .

المشاركة الأصلية كتبت بواسطة MASERATI

السلام عليكم ورحمة الله و بركاته

يا باشا, سيادتك اللى محترم و ابن أصول, أنك دخلت و حكيتلنا على تجربتك.

و بلغ سلامى و احترامى لابن عمك, لأن أنا بحترم أوى الناس اللى بتجيب استيراد من سويسرا, لأن العربيات اللى فى سويسرا, من نضافتها, الواحد ممكن عينه تدمع لو شفتها بتتقطع, كان معانا هنا واحد فى المنتدى, عضو اللى هو iCaeser , كان شغال فى الحاجات دى و كان فى سويسرا من زمااااااااااااان و بيقطع عربيات و يبعتها مصر.

و ابقى خليك على اتصال بينا عشان لما ربنا ييسر الأحوال و أجيب E200 مو 1997 ألمانى, أبقى آخد رأيكم.

شكرا و جزاكم الله كل خير.

ياباشا ده شرف لينا الحوار مع حضراتكم ، لك كل إحترام وتقدير على كلامك
أما بخصوص سويسرا عايز أقولك إني لما كنت آخد قطعة غيار وأروح أركبها عند الميكانيكي بتاعي كان بيفتكر إنها جديدة ولما أقوله إنها إستيراد ماكانش بيصدق ، فعلاً قطع الغيار الوارد من سويسرا حاجة تانية خااالص .
ربنا يكرمك ياباشا وتجيب الـ e200 وحط 100 شرطه تحت كلمة ألماني لأن معاك كل الحق وربنا يوفقك

المشاركة الأصلية كتبت بواسطة mbhead

,و الله حضرتك اللي محترم و كلك ذوق ...w124 عربية عظيمة ربنا يبارك لحضرتك

ربنا يبارك في سعادتك ، وعلى فكرة أنا من الناس المعجبة بالـ w126 و w116 ربنا يبارك لحضرتك فيها ويكفيك شرها

المشاركة الأصلية كتبت بواسطة mahmoudelkhatib

السلام عليكم جميعاً
على فكرة أنا كتبت نفس الموضوع في المنتدى بس بصراحة أنا حابب أساعد
ياجماعة بجد أنتم ناس أفاضل ومحترمين وده شجعني أني أحكيلكم عن نفس التجربة ولكن من ثلاثة سنوات وبرده كنت عايز أجيب حاجة في حدود 150000 ألف وبصراحة أكتر كان نفسي أركب BMW ولكن أبن عمي جزاه الله خيراً نصحني بالمرسيدس وتحديداً E200 وعلى فكرة هو خبرة في السيارات المرسيدس والـ BMW لمدة تزيد عن 30 سنة بالإضافة أنه شغال في المرسيدس والـ BM الإستيراد من سويسرا وجميع قطع غيارهم خلال نفس الفترة ، أنا أسف إني هطول عليكم بس أنا حابب أنقلكم الصورة بوضوح عسى أن أفيد حضراتكم .
في البدايه كنت مصمم عل الـ BMW وإنتظرت أكثر من 4 شهور علشان يجيبلي حاجة نضيفة لكن زي ما وضح بعض السادة الأفاضل إن معظم العربيات وخاصة المرسيدس والـ BM اللى بتشوفوها في الشارع نصين أو على الأقل مغيرة ربع والحقيقة أني كنت محظوظ لأن أبن عمي هو اللى كان بيكشف على العربية وأقسملك بالله إن في بعض العربيات كان بيبص عليها وهي واقفه من غير مايفتح حتى الباب وكان بيقوللى إن العربية دى ماتنفعش (الخبرة الطويلة) وكنت أستغرب لأني شايف العربية زي الفل ، وأخيراً سمعت نصيحته وقلت أشتري مرسيدس وكانت وجهة نظره صائبة ومن الآخر الـ BM بتصرف كتيييييييييييييير ومشاكلها كتير ولما سألته هنشتري إيه قاللي E200 أو E230 أو E300 وعلى فكرة الثلاثة شكل واحد والفرق في الـ cc صالون واسع والصاج محمِل والأجمل من ده كله مفيش مشاكل في العربية ولا في مصاريف إلا مصاريف السرفيس وده عن تجربة ياجماعة المهم إني ربنا وفقني وإشتريت وقتها الـ E200 وكانت عاملة 134000 كم موديل 90 وأقسم بالله كل مكانيكي شافها وكمان التجار اللى شافوها كانوا عايزين يشتروها بأي سعر . أنا دفعت وقتها 120000 ألف وكانت فابريكة بالكامل وجميع الكماليات ماعدا فتحة السقف .

ولذلك من وجهة نظري المتواضعة إن الثلاث موديلات اللى وضحتهم فوق من أفضل الموديلات في هذه الفئة ولو هشتري إنهارده هفكر فيهم ولو في إمكانيات مادية ممكن أفكر في الـ S Class وأخيراً أنا أسف للإطالة .

يا فندم انا متشكر جدا لرد حضرتك وربنا يكتر من امثالك حضرتك ريحتنى كتير جدا انت والعضو المخضرم MBhead ومتشكرجدا ان حضرتك حكيتلنا خبرتك معا المرسيدس وال bmw لانى فعلا كنت محتار ما بينهم
وخاصة ان فى ناس بتفضل ال bmw على المرسيدس لكن انا كنت واثق ان المرسيدس اقوى واحسن كاعتمادية والصيانة واعادة البيع