مش عارف اجيب لانسر ولا لأ

**Mohamed Bander** · 04-02-2012 04:48 PM

السلام عليكم

اولا تحياتى لجميع اعضاء المنتدى لان اول مشاركه ليه من 4 سنين تقريبا كانت فى المنتدى ده

قصة حبى للانسر من زمااان من ايام الكريستاله وكان حلمى ان يكون عندى العربيه دى فى يوم من الايام ، ولما جيت اجيب عربيه المبلغ اللى توفر معايا للاسف مكملش تمنها 1600 اوتو فتوكلت على الله وجبت اوبترا اوتوماتيك

الحمد لله اختيارى كان فى محله ، العربية ممتازة جدا موديل 2008 عمرها ما زعلتنى ، سافرت بيها كتير فى الصحراوى الغربى والشرقى ،، فاضية او مليانه ناس وشنط وعمرها ما قصرت ،، ملفات على 170 فى الطرق الصحراوية ماتهزتش منى ،، شنطتها بتشيل كتير جدا ودى حاجه انا مجتاجها،، عزلها لما كانت جديده ممتاز رغم انه بدا يقل دلوقتى يمكن فراملها مش اد كده بس كويسه برضه

رغم ده كله لا يزال عشقى للانسر مستمر ،، مش قادر انساها ونفسى يبقى عندى لانسر

بفكر ابيع الاوبترا ،، رغم انى خايف من كده وخايف احسن اندم على القرار ده وتكون عربيتى القادمه لانسر ان شاء الله بس انا خايف احسن ملقاش الحاجات اللى فى الاوبترا (اللى انا شايفها مميزات) فى اللانسر

طبعا انا بصيت للاسعار، هى اسعارها مبالغ فيها جدا،، كانت عاجبانى الشارك بس مشكلتها معايا صغر حجم الشنطه اللى انا حاسه تقريبا 75% من حجم شنطة الاوبترا ده بجانب ان مافيهاش كماليات عاليه (بلوتوث،مرايات ضم،بارك سنسور)

الكماليات ممكن اغض النظر عنها لكن موضوع الشنطه بالنسباللى هو اللى اهم لانى بسافر كتير وبيبقى معايا حاجات كتير

فبقت الخيارات اللى قدامى:

1-لانسر بومه هاف سبورت - رغم ان مش هعلى اوى عن العربية اللى معايا + سعرها مبالغ فيه

2-سيراتو هاى لاين - بس طبعا السيراتو سمعتها سابقاها فى موضوع سرقتها وثباتها وعيوبها الفنيه

3- كروز - مش هتفرق كتير عن الاوبترا هو بس شكل وكام اوبشن زياده

الحقيقه انا محتار جدا ومش عارف اعمل ايه وزى ما قلتلكم انا خايف جدا اندم بسبب التخلى عن الاوبترا

ياريت اهل الخبرة يساعدونى فى الاختيار

شكرا

**elpasha1** · 04-02-2012 04:51 PM

خلى عربيتك معاك طالما انها عجباك

**Mohamed Bander** · 04-02-2012 05:03 PM

شكرا لرد لحضرتك .

بس العربيه اللى معايا موديل 2008 وداخله على 85000 كيلو وانا عايز اغير مش لانى زهقت منها بس عايز التغيير للاحسن فعلشان كده بسال الناس اللى معاها الانواع التانيه واللى عندهم خبره لانى مش معقول اجيب اوبترا 2012 مثلا

تحياتى

**lenasam** · 04-02-2012 05:18 PM

المشاركة الأصلية كتبت بواسطة elpasha1

خلى عربيتك معاك طالما انها عجباك

**Mohamed Bander** · 04-02-2012 06:09 PM

يعنى هو مفيش حل تانى يعنى؟!

**ahmedShafie** · 04-02-2012 06:31 PM

يا استاذنا الفاضل المساله كلها انك تكون مرتاح للعربيه اللى انت راكبها لو عاوز تركب لانسر شوف واحد صحبك معاه لانسر واركبها شويه وشوف هتعجبك ولا لا لو مفيش اجر عربيه لانسر وجربها يوم

دى نصحيتى علشان تجرب قبل ما تشترى

**bassem_sams** · 04-02-2012 09:39 PM

المشاركة الأصلية كتبت بواسطة m_bander

السلام عليكم

اولا تحياتى لجميع اعضاء المنتدى لان اول مشاركه ليه من 4 سنين تقريبا كانت فى المنتدى ده

قصة حبى للانسر من زمااان من ايام الكريستاله وكان حلمى ان يكون عندى العربيه دى فى يوم من الايام ، ولما جيت اجيب عربيه المبلغ اللى توفر معايا للاسف مكملش تمنها 1600 اوتو فتوكلت على الله وجبت اوبترا اوتوماتيك

الحمد لله اختيارى كان فى محله ، العربية ممتازة جدا موديل 2008 عمرها ما زعلتنى ، سافرت بيها كتير فى الصحراوى الغربى والشرقى ،، فاضية او مليانه ناس وشنط وعمرها ما قصرت ،، ملفات على 170 فى الطرق الصحراوية ماتهزتش منى ،، شنطتها بتشيل كتير جدا ودى حاجه انا مجتاجها،، عزلها لما كانت جديده ممتاز رغم انه بدا يقل دلوقتى يمكن فراملها مش اد كده بس كويسه برضه

رغم ده كله لا يزال عشقى للانسر مستمر ،، مش قادر انساها ونفسى يبقى عندى لانسر

بفكر ابيع الاوبترا ،، رغم انى خايف من كده وخايف احسن اندم على القرار ده وتكون عربيتى القادمه لانسر ان شاء الله بس انا خايف احسن ملقاش الحاجات اللى فى الاوبترا (اللى انا شايفها مميزات) فى اللانسر

طبعا انا بصيت للاسعار، هى اسعارها مبالغ فيها جدا،، كانت عاجبانى الشارك بس مشكلتها معايا صغر حجم الشنطه اللى انا حاسه تقريبا 75% من حجم شنطة الاوبترا ده بجانب ان مافيهاش كماليات عاليه (بلوتوث،مرايات ضم،بارك سنسور)

الكماليات ممكن اغض النظر عنها لكن موضوع الشنطه بالنسباللى هو اللى اهم لانى بسافر كتير وبيبقى معايا حاجات كتير

فبقت الخيارات اللى قدامى:

1-لانسر بومه هاف سبورت - رغم ان مش هعلى اوى عن العربية اللى معايا + سعرها مبالغ فيه

2-سيراتو هاى لاين - بس طبعا السيراتو سمعتها سابقاها فى موضوع سرقتها وثباتها وعيوبها الفنيه

3- كروز - مش هتفرق كتير عن الاوبترا هو بس شكل وكام اوبشن زياده

الحقيقه انا محتار جدا ومش عارف اعمل ايه وزى ما قلتلكم انا خايف جدا اندم بسبب التخلى عن الاوبترا

ياريت اهل الخبرة يساعدونى فى الاختيار

شكرا

السلام عليكم انا قرات موضوع حضرتك و كان لى راى يمكن يساعدك
انا فهمت من كلامك ان فلوس فى رنج 130 الف الى 140 الف و ده انا خمنته من سيارة سيراتو هاى لاين لأنها فى رنج ده و ان سافرك كتير يعنى محتاج سيارة مريحه فى قيادتها و ثابته و شنطه واسعه و صالون واسع و يا سلام لو فيها كماليات انا فى رنج ده فى دماغى بيجى لانسر شارك او النترا 2012 او فورد فوكاس او سكودا اوكتافيا لكن انا بصراحه شايف على حسب مواصفاتك خطر على بالى رينو فلونس العربيه انتشرن و قطع غياره سعرها معقول و توكيلها محترم و عربيه سعرها معقول و مليانه كماليات و شنطه واسعه و فخامه و ثبات و العيب اللى سمعته عنها ان عوامه بنزين لما تحط 92 بتتأثر و قراة بتختلف و سبب وجود نسبه كبريت عاليه فى بنزين 92 بيأثر على قراءة عوامه انما بنزين 695 مفيش حاجه انما بعد فترة اكتشفوا و بعت توكيل لرينو فى فرنسا و صمموا عوامه مناسبه لبنزبن مصر لكن مش عارف عوامات نزلت و لا لسه و فى توكيل بتتصل بهم تستفسر عن موضوع عوامه و احجز اختبار قياده و سوقها و جربها الخدمه دى متوفرة فة توكيل رينو
و مهما كان اختيارك صلى صلاة استخارة و توكل على الله و ربنا يوفقك

**Mohamed Bander** · 05-02-2012 12:55 AM

المشاركة الأصلية كتبت بواسطة bassem_sams

السلام عليكم انا قرات موضوع حضرتك و كان لى راى يمكن يساعدك
انا فهمت من كلامك ان فلوس فى رنج 130 الف الى 140 الف و ده انا خمنته من سيارة سيراتو هاى لاين لأنها فى رنج ده و ان سافرك كتير يعنى محتاج سيارة مريحه فى قيادتها و ثابته و شنطه واسعه و صالون واسع و يا سلام لو فيها كماليات انا فى رنج ده فى دماغى بيجى لانسر شارك او النترا 2012 او فورد فوكاس او سكودا اوكتافيا لكن انا بصراحه شايف على حسب مواصفاتك خطر على بالى رينو فلونس العربيه انتشرن و قطع غياره سعرها معقول و توكيلها محترم و عربيه سعرها معقول و مليانه كماليات و شنطه واسعه و فخامه و ثبات و العيب اللى سمعته عنها ان عوامه بنزين لما تحط 92 بتتأثر و قراة بتختلف و سبب وجود نسبه كبريت عاليه فى بنزين 92 بيأثر على قراءة عوامه انما بنزين 695 مفيش حاجه انما بعد فترة اكتشفوا و بعت توكيل لرينو فى فرنسا و صمموا عوامه مناسبه لبنزبن مصر لكن مش عارف عوامات نزلت و لا لسه و فى توكيل بتتصل بهم تستفسر عن موضوع عوامه و احجز اختبار قياده و سوقها و جربها الخدمه دى متوفرة فة توكيل رينو
و مهما كان اختيارك صلى صلاة استخارة و توكل على الله و ربنا يوفقك

استاذ باسم شكرًا لردك وتحياتي ليك، انت اللي فهمت قصدي ايه

انا كان قصدي من الموضوع ده اني أخد راي الناس اللي جربت الماركات اللي انا حددتها لاني مش معقول أأجر عربيه واخدها في طريق سفر او أخد عربية حد زي كده برضه

نيجي لرد حضرتك، بالنسبه للشارك مشكلتي الوحيده معاها شنطتها الصغيره جدا

اما الفلونس او الرينو بشكل عام مشكلتها في سعر اعادة البيع زائد مش عارف هل فيها نفس مشكلة الميجان بتاعت السخونه

فانا مش عارف ومحتار جدا هل اروح للبومه علشان موضوع الشنطة ولا اغير علي الكوري وطبعا مش هيبقي فيه غير الكروز او السيراتو واسيبني من الكلام اللي طالع عليها من حيث الاتزان وبعض العيوب الفنيه ولو ان منتدي السيراتو مليان بصراحه

اسف للاطاله وارجو الافاده.

**Mohamed Bander** · 05-02-2012 01:12 AM

بالاضافة لما سبق بالنسبه للالنترا مش فارقه كتير عن السيراتو لانهم نفس المصنع والاكتافيا لو رينج السعر هتبقي مستعمله وبصراحه المستعمل مش مضمون لان مش ناقصه ندفع المبلغ ده كله وتطلع حاجه مش تمام

بالنسبه للفوكاس اعتقد بالمبلغ ده هتبقي مستعمله وزائد ان سعر اعادة البيع مش تمام ومش عارف ايه ظروف قطع الغيار او الوكيل

انا عارف انها حسبه معقده بالنسبه لجمع كل المميزات بس فحاول اوصل معاك ومع الأخوة لانسب حل

وشكرا

**bassem_sams** · 05-02-2012 08:37 AM

متنساش نيسان تيدا من حساباتك و يردوا روح المعارض و اتفرج على فلونس عربيه تستاهل

الموضوع: مش عارف اجيب لانسر ولا لأ

LinkBack

أدوات الموضوع

عرض

-

-

-

-

المواضيع المتشابهه

عايز اجيب منظم كهرباء ومش عارف اجيب اى نوع وبكام

مش عارف اقرر اجيب اكسنت rb مانيوال عالزيرو ولا اجيب نيسان صني اتوماتيك 2011 عالزيرو

اجيب لانسر مستعمل 2001 حالة ممتازة ولا اجيب فيرنا2010 او اجيب لانوس2010

عايز اجيب Gm و مش عارف اجيب ايه

عايز اجيب بوجيهات ومش عارف اجيب ايه واركبهم عند مين

الكلمات الدلالية لهذا الموضوع

المفضلات

المفضلات

ضوابط المشاركة