الموضوع: ارفع عربية 127 من ورا بورقة ولا سوستة انا محتار

الاخوة الاعزاء تحية طيبة وبعد ارجو افادتى ، انا معايا سيارة 127 فيورا موديل 85 من حوالى 8 شهور بس لاحظت الفترة اللى فاتت ان العربية بقت واطية قوى من ورا بعد لما العربية تعرضت لخبطة بسيطة من الظهر وانا واقف فى اشارة ، فى ناس شافت العربية قالتى الشاسية فية مشكلة من الخبطة لازم تظبطة المهم روحت لسمكرى ربنا يسامحة قالى حعمل علب واظيتها وحتبقى تمام المهم لهف منى 450 ج وبعد حوالى 10 ايام لقيت العربية رجعت حوالى 70 بالمائة الكلام دة من شهر دلوقتى حاسس ان العربية بتخبط فى المطبات فكنت عايز ارفعها من ورا عشان ساقطة لحد كبير من ورا

روحت لعفشجى قالى : حركبلك ورقة وحتبقى تمام وانسى وحياخد 40 ج ورقة و20 مصنعية

روحت لواحد تانى قالى : انفخلك السوستة حتبقى تمام , قولتلة على الورقة قالى لا حتقع فى مشاكل كتير بلاش منها وحياخد 20 مصنعية

ارجو الافادة اة الصح واسف جدا جدا للاطالة

اة يارجالة مفيش رد خالص