الموضوع: اخر مفاجاة انهاردة مبروك القشقاى الاتوماتيك

المشاركة الأصلية كتبت بواسطة Hossam_Zaky

أسمحولي أتدخل
أولا بالنسبة للنتائج العالمية نيسان روج اللي هي رقم 8 هي القشقاي بتعديلات تتناسب و الأسواق المباعة فيها



يا ريت نتكلم علي الأعتمادية و الأقتصاد في البنزين و حجم العربية و الناحية العملانية فيها و هكذا


مع ملاحظة أن القشقاي و الكيا بيتنافسو في أوروبا و مبيعات الأتنين عالية جدا و الأتنين أدائهم معقول بس مقدرش أقول عليه رياضي أو واحدة أسرع من التانية لأن ده مش مطلوب منهم

العربيتين هما ستايل العربيات دفع الرباعي مع التمتع بموقع قيادة مرتفع و عملانية عربيات الSUV لكن بمحركات بتكاليف تشغيل معقولة و بدون أمكانيات الoff road اللي أصلا مش محتاجينها

كلام منطقى واتفق معاك فيه يا حسام
وفعلا الروج فى امريكا هى خليط بين القاشقاى والمورانو وبتنزل بمحرك 3.5 لتر وفيها فتيس x-tronic cvt من 2009 يعنى متجرب فى اكثر اسواق العالم صرامة

المشاركة الأصلية كتبت بواسطة ls1090

الموتور 1600= 140 hp ياااادوبك
حلوين من موتور 1600 و فتيس at 6
مشكلة القشقاى 1600=hp117 على عربية بالوزن ده و اتوماتك اعتقد مع التكيف والارتفاع هتكون بطة
سير الكتينة السبورتاج جنزير مش كوتش و السيراتو والانترا جنزير

ليا رجاء خاص عند حضرتك .. حاول فى اقرب فرصة تعمل تيست درايف للقاشقاى واحكم بنفسك على قوتها وتحملها لظروف قيادة مختلفة (تكييف وبدون - احمال وبدون - مطالع ومنازل مع الcvt) ومنتظر مشاركتك وحكمك بالتجربة العملية وليس النظرية من خلال المقارنة بين ارقام الاتنين

المشاركة الأصلية كتبت بواسطة Ahmazong

هو موتور السبوتينج كام مش 1600 برده ولا اييه !!!!!

بص يا عم محمد .. كلامك يبقى صح لو السبوتنج 2000 cc مثلا ولا حاجة .. طبعا هتكتسح القشقاي بدون منافس ..

عندك مثلا شوف السبوتنج بتاخد 95 .. لكن القشقاي بتاخد 92 ديه ميزة ..

عندك مثلا شوف سعر القشقاي و السبوتنج الفرق 30 ألف جنيه أو أكثر .. طبعا فرق جامد لصالح قشقاي ..

عنك إيه تاني .. توكيل نيسان اللي لا يقارن بتوكيل كيا تماما .. لانك كده هتظلم توكيل كيا .. و عارف المشكلة إيه .. ناس كتيييير قوي بتستهان بموضوع التوكيل ده .. والاسف ناس كتير مش عارفة إن العربية اللي بتشتريها اكنك بتشتري توكيل بالظبط ..

و طبعا عندك العفشة multi link بتاعت نيسان .. لا يعلى عليها طبعا ..

عربية ياباني تقفيل إنجليزي عايز إيه تاني ..

فتيس العربية cvt اللي عزمه أعلى من عزم فتيس 6 سرعات اللي في سبوتنج .. و كمان cvt موفر عنه جدا في البنزين ..

و حاجات كتير قوي لصالح مواتير نيسان ..

كفاية كده بقى ههههههههه .. نورت يا عم محمد

اوجزت فأنجزت .. وجبت الخلاصة يا دكتور احمد

المشاركة الأصلية كتبت بواسطة hollowmanegypt

و الله يا جماعة انا بشتري عربية اليومين دول و اتفرجت علي النيسان و الكيا و ملاحظاتي علي الاتنين ك التالي:

الكيا

1-شكلها الخارجي تحفة بس الكنبة الخلفية ضيقة يعني ركبيت انا و 2 في الكنبة الخلفيةالباب مقفلش
2-التقفيل الداخلي خامات ضعيفة اوي و رديئة اوي
3- مدة الحجز طويلة جدا و كمان سمعت انا الناس اللي حجزت و المفروض تستلم في شهر فبراير لسه مستلمتش
4-المفروض ان العربية دي ب 330 الف جنيه و التوكيل فضاها من كل حاجة غالية علشان يبقي سعرها رخيص فبقت بايخة اوي

النيسان

1-شكلها الخارجي جميل و كمان توحي انها اصغر من الكيا لكن ركبيت انا و 2 كمان كنا مستريحين
2-نفس السعر مع الكيا و كمان كماليات اكتر بكتير
3-شكلها الداخلي احلي بكتير و كمان فتحة السقف البانوراما تحفة بجد
4-المشكلة ان الاتوماتيك بتاعها لسه متجربش فممكن ان العربية تكون تقيلة شوية بس انا سالت في التوكيل قالولي ان الفتيس cvt فيهكون مختلف و كويس
5- حجز الاتوماتيك الاستلام كمان شهرين فقط

فمن راي المتواضع ان النيسان قشقاي افضل بكتير

و الله اعلي و اعلم

مقارنة موضوعية ومرتبة احيى حضرتك عليها