اخر مفاجاة انهاردة مبروك القشقاى الاتوماتيك

**Hossam_Zaky** · 06-02-2012 03:09 AM

أسمحولي أتدخل
أولا بالنسبة للنتائج العالمية نيسان روج اللي هي رقم 8 هي القشقاي بتعديلات تتناسب و الأسواق المباعة فيها

و علي الرغم من أغراء المقارنة بين القشقاي و السبورتج
لكن احب أقول ان العربيتين عاجبني جدا موووووت

و بلاش نتكلم في موضوع الأداء بتاع كل العربيات اللي بمواتير الـ1600 في مصر ( عدا التوربو زي المرسيدس C180 و البيجو 3008 مثلا و عدا عربيات العاتشباك الصغيرة ) لأن الموضوع ده بيضايقني

يا ريت نتكلم علي الأعتمادية و الأقتصاد في البنزين و حجم العربية و الناحية العملانية فيها و هكذا

و مبدأيا أحب أضيف أن نقطة مهمة لصالح القشقاي أن موتورها كاتينة جنزير حديد لا تتغير كمعظم الياباني و صياناتها زي صيانات التيدا تقريبا يعني البوجيهات مش حتتفك قبل الـ100 ألف كم تقريبا يعني مصاريف تشغيل تكاد تكون تغيير زيت موتور وفلاتر فقط و دوس بالعربية
بس حيكون أهم صياناتها اللي فيها تغيير زيت فتيس لأن الCVT لازم تغيير زيت تقريبا كل 40ألف كم و في التوكيل عشان بيتغير بأسلوب معين و حنبقي نعرف سعره كام

وفيما يخص السبورتج أعتقد أن الكاتينة كاوتش ككل الكوري ( حد يصححلي المعلومة لو جنزير ) و ده بينعكس لصيانات مكلفة علي ال40 ألف أو ال 60 ألف حسب مواعيد تغييرها بخلاف أن صياناتها المعتادة اللي فيها تغيير بوجيهات ممكن تكون مكلفة نسبيا عشان تكنولوجيا الموتور العالية و أن كان برضه علي فترات متباعدة

و برضه دي مجرد ملاحظة علي واحدة من نقاط الفروقات الجوهرية بين العربيتين و ليس أن واحدة حلوة و التانية لأن برضه السبورتج مغرية بكماليتها

مع ملاحظة أن القشقاي و الكيا بيتنافسو في أوروبا و مبيعات الأتنين عالية جدا و الأتنين أدائهم معقول بس مقدرش أقول عليه رياضي أو واحدة أسرع من التانية لأن ده مش مطلوب منهم

العربيتين هما ستايل العربيات دفع الرباعي مع التمتع بموقع قيادة مرتفع و عملانية عربيات الSUV لكن بمحركات بتكاليف تشغيل معقولة و بدون أمكانيات الoff road اللي أصلا مش محتاجينها

**Dr'AhmZZong** · 06-02-2012 06:27 AM

المشاركة الأصلية كتبت بواسطة ls1090

الموتور 1600= 140 hp ياااادوبك
حلوين من موتور 1600 و فتيس at 6
مشكلة القشقاى 1600=hp117 على عربية بالوزن ده و اتوماتك اعتقد مع التكيف والارتفاع هتكون بطة

سير الكتينة السبورتاج جنزير مش كوتش و السيراتو والانترا جنزير

هو موتور السبوتينج كام مش 1600 برده ولا اييه !!!!!

بص يا عم محمد .. كلامك يبقى صح لو السبوتنج 2000 cc مثلا ولا حاجة .. طبعا هتكتسح القشقاي بدون منافس ..

عندك مثلا شوف السبوتنج بتاخد 95 .. لكن القشقاي بتاخد 92 ديه ميزة ..

عندك مثلا شوف سعر القشقاي و السبوتنج الفرق 30 ألف جنيه أو أكثر .. طبعا فرق جامد لصالح قشقاي ..

عنك إيه تاني .. توكيل نيسان اللي لا يقارن بتوكيل كيا تماما .. لانك كده هتظلم توكيل كيا .. و عارف المشكلة إيه .. ناس كتيييير قوي بتستهان بموضوع التوكيل ده .. والاسف ناس كتير مش عارفة إن العربية اللي بتشتريها اكنك بتشتري توكيل بالظبط ..

و طبعا عندك العفشة multi link بتاعت نيسان .. لا يعلى عليها طبعا ..

عربية ياباني تقفيل إنجليزي عايز إيه تاني ..

فتيس العربية cvt اللي عزمه أعلى من عزم فتيس 6 سرعات اللي في سبوتنج .. و كمان cvt موفر عنه جدا في البنزين ..

و حاجات كتير قوي لصالح مواتير نيسان ..

كفاية كده بقى ههههههههه .. نورت يا عم محمد

**ls1090** · 06-02-2012 02:14 PM

المشاركة الأصلية كتبت بواسطة Ahmazong

هو موتور السبوتينج كام مش 1600 برده ولا اييه !!!!!
بس 140 والعزم 167

بص يا عم محمد .. كلامك يبقى صح لو السبوتنج 2000 cc مثلا ولا حاجة .. طبعا هتكتسح القشقاي بدون منافس ..

عندك مثلا شوف السبوتنج بتاخد 95 .. لكن القشقاي بتاخد 92 ديه ميزة ..

عندك مثلا شوف سعر القشقاي و السبوتنج الفرق 30 ألف جنيه أو أكثر .. طبعا فرق جامد لصالح قشقاي ..
علشان ديه كيا وديه نيسان لازم ...

عنك إيه تاني .. توكيل نيسان اللي لا يقارن بتوكيل كيا تماما .. لانك كده هتظلم توكيل كيا .. و عارف المشكلة إيه .. ناس كتيييير قوي بتستهان بموضوع التوكيل ده .. والاسف ناس كتير مش عارفة إن العربية اللي بتشتريها اكنك بتشتري توكيل بالظبط ..
النقطة ديه انا موافق عليه

و طبعا عندك العفشة multi link بتاعت نيسان .. لا يعلى عليها طبعا ..
والكيا ملتى لينك

عربية ياباني تقفيل إنجليزي عايز إيه تاني ..

فتيس العربية cvt اللي عزمه أعلى من عزم فتيس 6 سرعات اللي في سبوتنج .. و كمان cvt موفر عنه جدا في البنزين ..

و حاجات كتير قوي لصالح مواتير نيسان ..

كفاية كده بقى ههههههههه .. نورت يا عم محمد
ده نورك يا دكتور
و يا مرحب برجالة نيسان

**i_Am_Legend** · 11-02-2012 06:25 PM

عربية محترمة وهاتبيع كويس جدا

**E_Farid** · 16-02-2012 02:32 AM

السلام عليكم،
بخصوص المقارنة بين القشقاي والسبورتاج، فبعد مقارنة بينهم على موقع whatcar الانجليزي فالملاحظ كالتالي:

أداء السبورتاج أعلى من القشقاي وده واضح من مواصفات المحركين.
السبوتاج تعتبر أوسع من الداخل وخاصة في الكرسي الخلفي.
القشقاي تتفوق من ناحية عزل الصوت ووضعية القيادة.
استهلاك البنزين داخل المدينة في صالح السبورتاج في حين على الطرق السريعه في صالح القشقاي.
بالنسبة للسوق المصري فالقشقاي تتفوق من ناحية السعر والصغر النسبي للحجم عن السبورتاج لو الأسرة عددها صغير.

أعتقد الكلام ده منطقي، وفي النهاية العربيتين حلوين فعلا والاختيار هيكون على حسب الميل الشخصي لقوة العربية أو الراحة..

**hollowmanegypt** · 17-02-2012 12:28 PM

و الله يا جماعة انا بشتري عربية اليومين دول و اتفرجت علي النيسان و الكيا و ملاحظاتي علي الاتنين ك التالي:

الكيا

1-شكلها الخارجي تحفة بس الكنبة الخلفية ضيقة يعني ركبيت انا و 2 في الكنبة الخلفيةالباب مقفلش
2-التقفيل الداخلي خامات ضعيفة اوي و رديئة اوي
3- مدة الحجز طويلة جدا و كمان سمعت انا الناس اللي حجزت و المفروض تستلم في شهر فبراير لسه مستلمتش
4-المفروض ان العربية دي ب 330 الف جنيه و التوكيل فضاها من كل حاجة غالية علشان يبقي سعرها رخيص فبقت بايخة اوي

النيسان

1-شكلها الخارجي جميل و كمان توحي انها اصغر من الكيا لكن ركبيت انا و 2 كمان كنا مستريحين
2-نفس السعر مع الكيا و كمان كماليات اكتر بكتير
3-شكلها الداخلي احلي بكتير و كمان فتحة السقف البانوراما تحفة بجد
4-المشكلة ان الاتوماتيك بتاعها لسه متجربش فممكن ان العربية تكون تقيلة شوية بس انا سالت في التوكيل قالولي ان الفتيس cvt فيهكون مختلف و كويس
5- حجز الاتوماتيك الاستلام كمان شهرين فقط

فمن راي المتواضع ان النيسان قشقاي افضل بكتير

و الله اعلي و اعلم

**DarkMagician** · 17-02-2012 01:41 PM

المشاركة الأصلية كتبت بواسطة ls1090

الموتور 1600= 140 hp ياااادوبك
حلوين من موتور 1600 و فتيس at 6
مشكلة القشقاى 1600=hp117 على عربية بالوزن ده و اتوماتك اعتقد مع التكيف والارتفاع هتكون بطة:t_thum1[1]:
سير الكتينة السبورتاج جنزير مش كوتش و السيراتو والانترا جنزير

على فكرة احنا بنبصو للاحصنة وبننسو حااجاااات كتير مهمة يعني عندك التورك عندك الايرو دينامكس
وعندك حاجات كتير
انا سقت سبورتج 2000 سي سي حسيت اني سايق بطة مش فرنساوي بطة مسكووووووووفي
ههههههه
ثم عندك ابسط مثال الايفو صحيح انها 77 حصان بس فيها اداء يقارع عربيات هاتشباك اعلى في الاحصنة

-

الموضوع: اخر مفاجاة انهاردة مبروك القشقاى الاتوماتيك

LinkBack

أدوات الموضوع

عرض

-

-

-

-

المواضيع المتشابهه

كماليات القشقاى

سقف القشقاى

انا اريد القشقاى :) :)

مبروك فادي -- مبروك خالد ايمن -- مبروك محمد قاسم (تكريم المنتدى)

دلوقتى سعر الافيو الاتوماتيك 83000 وسعر النوبيرا الاتوماتيك 82500 يبقى انهى فيهم احسن

الكلمات الدلالية لهذا الموضوع

المفضلات

المفضلات

ضوابط المشاركة