الموضوع: نيسان تيدا ولا سوزوكي Sx4

انا بصراحه مش عارف ليه ال sx4 مش واخده واضعها
كانت بتاعة والد صاحبي ولقيته بيقول لي خد سوق و قل لي ايه رأيك
بصراحه ما كنتش متحمس و ايامها كان لسه معايا باسات تربو
بس بصراحه لقيتها بتجري زي المجنونه رغم انها اوتوماتيك ومن ساعتها كل ما اشوفه لازم اسوقها

المشاركة الأصلية كتبت بواسطة formulator

+111
طبعا السوزوكى SX4, وياريت تبقى النسخة الـ4WD.. ثمنها حوالى 137-140 ألف iirc
الـ4x4 عفشتها Sophisticated أوى يا شهدى.. ناشفة سيكا (بالمقارنة بالتيدا), لكن ثبات عاااااااااالى جدا..
العربية دى Joint-Venture بين GM/Suzuki و فيات.. بتنزل فـ أوروبا باسم Fiat Sedici 16v.. و 120 حصان (Tuned Map عشان البنزين عندهم أعلى)..!!

على فكرة, الـ107/110 حصان على الـSX4 أجمد بكتيييييييير من الـ118 حصان المضروبين على التيدا..؟؟!!!

لو هنقارن العربيتين:
- الـSX4 تتفوق فـ الثبات, الهاندلينج والـ4WD.
- التيدا تتفوق فـ الوسع, التوكيل..
رأيى الشخصى: السوزوكى SX4 بشرط تجيب الـ4WD..

ازيك يا استاذ فورملاتور

على فكره SX4 ثباتها بيقل بدايه من 160 كم هل ده عشان ماكانتش 4X4؟

ايه حكاية 118 حصان المضروبين بتوع التيدا؟ هما بيخموا ولا ايه

4x4 بيفرق في السحب عن 4x2 ؟ ولا الفرق في الثبات بس

المشاركة الأصلية كتبت بواسطة formulator

أزيك يا هانى بيه,

الـ4x2 بتبقى fwd عادى, كبالن ودفع أمامى.. فـ بتبقى أسرع سيكا عن الـ4x4, لكن ثبات و traction أقل..!!

الـ4x4 بتبقى differential قدام فـ الجيربوكس, و كارونة صغيرة ورا.. فـ بتبقى أثقل فـ التسارع من الـ4x2.. لأن العزم بيفرق بين 4 عجلات, لكن الثبات أعلى بكتييييير.
يعيبها ان استهلاك البنزين (فـ الـ4wd) بيبقى أعلى من الـfwd/2wd.. عشان نظام الدفع.

أنا معرفش فيها الـsystem اللى بيغير من 4x4 الى 4x2 ولا لأ.. (طبعا لو موجود يبقى ميزة كبيرة جداااااااااااااااااا)..؟؟!!
عموما هى كـ عربية.. أفضل من التيدا بكتييييييييييييير..

ربنا ما يحرمنا من ذوقك