ولاء ام انتماء ام اهواء و .... مصالح شخصية

**Samah AbdAllah** · 08-02-2012 03:42 AM

المشاركة الأصلية كتبت بواسطة A7MED_PHARMA

هي القصة بتاعت الناس التانيين رجعت تاني ؟

انهى ناس وانهى تانيين ؟
المهم
متشكرين

بس متغيرش مسار الموضوع :)

**A7MED_PHARMA** · 08-02-2012 04:43 AM

المشاركة الأصلية كتبت بواسطة s a m a

انهى ناس وانهى تانيين ؟
المهم
متشكرين

بس متغيرش مسار الموضوع :)

ربنا يكرمك.. ويخفف عن المريض
الرابط بينا هنا في المنتدى ( أنا ) بعتبره زي رابط الدم.. وربنا يعلم
======
واضح من كلام كريم إنه إتقرص من أصحابه أو ماشابه

او صديق فضل مصلحته الشخصية على صديقه
ابوبيدو
تعرف
ماتلومش حد على انه فضل مصلحته عليك(لو ده ماوراء الموضوع)
الكل بيفضل مصلحته فوق الكل
التعساء فقط(وأنا منهم والله) هما إلي بيفضلوا مصلحة أصدقائهم على مصلحتهم
ولما يكون مستني نفس الشئ من صديقه.. ومايلاقيهوش
بتبقا صدمة .. وبيعيش في هم وتعب

ربنا يهيدك للي فيه الخير
ويباركلك في بيدو .. ده عندك بالدنيا

**Karim_Monir** · 08-02-2012 11:18 AM

authority973 ومعتز
تقريبا شبه لمستم كبد الحقيقة
مش ده قصدي من الموضوع لكن من تبعات 25 يناير ان الولاء بقي بيقوده الاهواء
وتلاقي كتير بيتغير ولائهم لوضع ما او مكان ما
اما تدخل الاهواء وتلاقي الكثير عندهم استعدا لتغيير الانتماء ايضا تبعا للاهواء
اسوء ما في الموضوع تدخل المصالح الشخصية
كلنا بشر وبيدور على مصالحة
لكن مش مصلحتك انك تدهس مصلحتي انا كمان
هنا يبقي دخلنا في شبهة سطو وسرقة وتعدي

كلامي عام مطلق وليس مخصص لوضع او حالة

**BassamHafez** · 08-02-2012 11:59 AM

الولاء والانتماء والاهواء

معادله صعبه والكلام مش ها يوضح اللي انا فاهمه وعايز اقوله بس هاحاول اقول جزء من اللي انا فاهمه

الفكرة كلها راجعه لاخلاق الانسان نفسه والتدرج بيبقى كالتالي:

1- الولاء لمكان او لشخص انت بتحبه وحاسس انك عايز تفيده بدون مقابل
2- مع العشرة والحب المتبادل بيتحول الموضوع لانتماء للشخص او المكان
3- دي بقى راجعه للاخلاق زي ما قولت لان مع الوقت ممكن الموضوع يبقى فيه منه فايده او مصلحه فا هنا بقى بيلعب الهوا دوره في اني احاول اخلى الولاء والانتماء دول وسيله لتحقيق مصالح

وعلى فكرة الموضوع سهل قوي كشفه للي بيقدر يقرا بين السطور لان الشخص اللي بيعمل ال 3 نقط اللي فوق دول بيبقى عنده قدرة على الاقناع وتبرير تصرفاته دايما بانها في مصلحه الطرف التاني

ومش هاقدر اقول اكتر من كده بصراحه لاني مش بحب الكتابه الكتير وبحس انها مش بتنقل الاحساس زي الكلام

**madyyuri** · 08-02-2012 12:18 PM

المشاركة الأصلية كتبت بواسطة karim_monir

authority973 ومعتز
تقريبا شبه لمستم كبد الحقيقة
مش ده قصدي من الموضوع لكن من تبعات 25 يناير ان الولاء بقي بيقوده الاهواء
وتلاقي كتير بيتغير ولائهم لوضع ما او مكان ما
اما تدخل الاهواء وتلاقي الكثير عندهم استعدا لتغيير الانتماء ايضا تبعا للاهواء
اسوء ما في الموضوع تدخل المصالح الشخصية
كلنا بشر وبيدور على مصالحة
لكن مش مصلحتك انك تدهس مصلحتي انا كمان
هنا يبقي دخلنا في شبهة سطو وسرقة وتعدي

كلامي عام مطلق وليس مخصص لوضع او حالة

ايه دخل 25 يناير في الموضوع ، هو كل حاجة بقت 25 يناير
متهيألي لو احد فتح علبة تونه ولقها بايظة هيقول التونة اتغيرت بعد 25

يا سيدي الفاضل : البشر هما البشر قبل 25 يناير وبعد 25 يناير ، والتغير والتقلب صفه انسانية اصيلة، وإلا ماكنش دعاء الرسول (يا مثبت القلوب ثبت قلبي علي ما تحبه وترضاه)

مشكلتنا كمصريين اننا فاقدين لثقافة الاختلاف، اللي رايه مش زي رأئي يبقي عدوي
واللي يوقف عربيته في الشارع قدام المحل يبقي هيمنع عني الرزق، واللي يفتح محل جنبي يبقي بيرازيني في اكل عيشي، ونسينا ان الرزاق هو الله

الحل بسيط ابدا بنفسك زكما قال الرسول علية افضل الصلاة والسلام فيما معناه
عامل الناس كما تحب ان يعاملوك، وابتغي وجة الله في كل عملك ولا تلقٍ للناس بالا

**aif** · 08-02-2012 12:18 PM

المشاركة الأصلية كتبت بواسطة karim_monir

authority973 ومعتز
تقريبا شبه لمستم كبد الحقيقة
مش ده قصدي من الموضوع لكن من تبعات 25 يناير ان الولاء بقي بيقوده الاهواء
وتلاقي كتير بيتغير ولائهم لوضع ما او مكان ما
اما تدخل الاهواء وتلاقي الكثير عندهم استعدا لتغيير الانتماء ايضا تبعا للاهواء
اسوء ما في الموضوع تدخل المصالح الشخصية
كلنا بشر وبيدور على مصالحة
لكن مش مصلحتك انك تدهس مصلحتي انا كمان
هنا يبقي دخلنا في شبهة سطو وسرقة وتعدي

كلامي عام مطلق وليس مخصص لوضع او حالة

بص يا كريم
برغم عدم رضاء الجميع على الوضع الحالي .... جميع الاطراف مش راضيين
وبرغم الفوضى الرهيبة التي نمر بها في شتى المجالات
وبرغم حزني على ما يحدث
لكن .....
ده متوقع .... بل ده شيء مؤكد الحدوث
انا عن نفسي كنت شبه متأكد منه
لو حد فكر مجرد تفكير ان اوضاعنا ممكن تتحسن بمجرد مرور سنة او سنتين او 3 سنين .... يبقى واهم
لكن برضو فيه نقاط مضيئة في وسط الظلام .... نقاط ضوء تبشر ببزوغ الفجر
وجود مجلس شعب منتخب ده نقطة ضوء ....( وح تلاقي اللي يقولك ده مجلس تعبان ومش بيعبر عن الشارع ... سيبه يقول )
قرب وجود مجلس شورى برضه نقطة ضوء ...( وح تلاقي اللي يقولك ده مالوش لازمة وضياع وقت ومال ... سيه يقول )
قؤب وجود دستور .... وقرب وجود رئيس منتخب ده نقطة ضوء ....( وح تلاقي اللي يشكك في كدة ... سيبه يشكك )
....
ومع اقتراب ذلك .... تقترب نهاية الاسباب العلنية لوجود فوضى
وطبعا دعاة الفوضى والمستفيدين منها سيفعلون كل ما بوسعهم لإطفاء هذه النقاط المضيئة رغبة منهم في استمرار الظلام ...... لأن الخفافيش لا تعيش الا في الظلام
توقع منهم ان يدفعو بكل طاقتهم لنشر الظلام كلما اقترب موعد الفجر
..
..
الذبيحة بتعمل ايه اول ما تتذبح ..... بترفص وتلوش وتخبط في كل ما حولها .... دي حلاوة الروح ..... هما دلوقت بيخبطو في كل الاتجاهات ..... حلاوة روح ...... لكن الروح لما تطلع مش بترجع
ابعد عن الدبيحة وسيبها تخلص اللي فيها وما تفربش منها عشان ما تتعرضش لأذاها .... مسألة وقت
....

سيتم الله نوره ولو كره الكارهون

-

-

-

الموضوع: ولاء ام انتماء ام اهواء و .... مصالح شخصية

LinkBack

أدوات الموضوع

عرض

-

-

-

-

-

-

المواضيع المتشابهه

الادا اللي حرمنا منها مصالح التوكيلات

بدل ولاء .. ؟؟؟؟؟؟؟

مقابلة حب ومفيش من وراها مصالح

/.::حرب " الأهرام" و "الأخبار" حول السيارة " إكسبلوجن الصينية"-حرب مصالح أم للمستهلك؟

تجارب شخصية

الكلمات الدلالية لهذا الموضوع

المفضلات

المفضلات

ضوابط المشاركة