الموضوع: ولاء ام انتماء ام اهواء و .... مصالح شخصية

المشاركة الأصلية كتبت بواسطة aif

ازيك يا ابو عمر
رحلة الشرقية كانت ناقصاك فعلا
...
العلاقة موجودة
بل العلاقة اصيلة ومتوطدة
25 يناير شبيهه باللي حصل في مسرحية سكة السلامة
وضعتنا في موقف اجبر كل واحد على اظهار حقيقته بدون تجميل
25 يناير جعلتنا بدون رتوش .... بدون قانون .... بدون مؤسسات ..... كل واحد بيعمل اللي على هواه .....كل واحد بيطلع اللي جواه
......
زجاجة كوكاكولا بقالها قرون بتترج ومقفولة ..... وكل ما تترج يسيبوها لغاية ما تهدى وبعدين يرجوها تاني
وفجأء الضغط المتراكم من ايام الفراعين زاد وزاد .... واتفتحت الزجاجة فجأة .... وطلعت كل الرغاوي منها ........ احنا دلوقت في وسط الرغاوي والفقاقيع والصودا
ولما الرغاوي والفوران يخلص .... الزجاجة ح ترجع تهدى من تاني
لكن ما تتوقعش تلاقيها بنفس حجمها ..... ح تلاقيها نقصت كتييير ..... وكتير منها وقع ع الارض وراح

الله يخليك يا حج احمد، وانا كمان كان نفسي احضر معاكم، بس عمر عملها معايا واتحجز في المستشفي فمقدرتش اجي، تتعوض المره الجاية ان شاء الله.

موضوع الرغاوي ده شكلة مش هيخلص قريب فلازم نستحمل شوية، بس انا متفائل خير وان اللي جاي أحسن بإذن الله لأن مش هيجي أسوأ من اللي كنا فيه

المشاركة الأصلية كتبت بواسطة karim_monir

واضح ان كلامي اتفهم اني مخالف ل 25 يناير
بالعكس انا كنت احد صناعها وسيبت وصيتي قبل مانزل عشان لو مارجعتش
لكن انا بتكلم عن الطرف الاخر اللي فهم ان بعد 25 يناير اكتسب كل الحقوق ولو جار على حقوقي انا

يا استاذ كريم انا مبشككش فيك ولا حاجة ولا فهمت انك ضد الثورة، بس مينفعش كل شي يحصل في حياتنا نلقي باللوم علي الثورة.