انا عربيتي الحمد لله نالت حقها من الخرابيش و التجريح و كنت بفكر ارشها كلها نضافه علشان شكلها بقي مقرف انما بعد اللي قريتو هنا هأجل الموضوع ده 8 9 سنين لما ابيعها و المشتري الجديد يبقي يرشها علي مسئوليته
انما اللي احب اضيفه ان ساعات الواحد بيكحت عربيه و هو ماشي غصب عنه
و ده حصلي مره واحده بس في حياتي قريب في الكليه و انا بوسع لواحد جاي في وشي ميلت زياده علي اليمين و معرفتش كده الا لما جيت باكمل توسيع قدام لقيت الصوت الكريه اياه بتاع الاحتكاك
ركنت عربيتي و اول حاجه عملتها اني مسكت ورقه و قلم و كتبت اعتذار لصاحب العربيه و كتبتله نمرتي و لفيت الورقه علي المساحه الاماميه بتاعته
و مش عايز اقولكم قد ايه كنت مستني انه يتصل بيا لدرجه اني خفت ان حد يكون فضولي شويه قراها و رماها بعيد
بس كنت علي اتم استعداد لتحمل التكاليف
و لغايه النهارده لما بفتكر الموقف باتمني انه يكون قراها و سامحني احسن كتير من انه يدعي عليا
المفضلات