الموضوع: هل تم تجريح عربيتك عن قصد؟طبعا ..تفتكر ليه؟ قول رايك

انا مرة نزلت لقيت واحد رميلي زيت باكم(زيت فرامل) علي القايم اليمين و نازله لغاية المرايه و الرفرف اللي في الجنب الكلام ده في اول اسبوع جبتها
العربيه دلوقتي بقي شكلها غريب من كتر الخبطات الغريبه بزل الاقيها كده
حسبي الله و نعم الوكيل مش عارف الناس بتعمل كده ليه

المشاركة الأصلية كتبت بواسطة ahmed_m_w

انا كنت لسه فى الاسكندريه وماشى عادى فى مداخل الاسكندريه ومره وحده لقت واحد راح مدى المرايه بالرجل وانا كنت ماشى على سرعه 80 كيلو والمرايه بقت 60000000حتى والباب اتفخس منه حتى وغير كده العربيه 30 %منه متخربش واحيانا انزل القيها مخبوطه واحد ابن حلال بيركن يخبط فى الاكصدام ووواحد يكسر فانوس وخصوصا لما يكون عربيه كبيره هو مش هيجرالو حاجه انت الى هتتكسر وهو زى مهو وعلى فكرا الموضوع مش موضوع خربشه بس ده موضوع غباوه حتى انت ماشى ومش وانت واقف بس الحقد والكره وخصوصا لما يكون شاب هو الى سايق العربيه يبقى الحقد باين فى عيون الناس الى انت ماشى فى وسطوهم وكائننا سرقنا فلوس منه ورحنا اشترينا عربيه مش تعبنا واشتغلنا ليل ونهار على شان نجيب عربيه ولسه بنقسط فيها او الى راكب عربيه مش بتعته مثلا بتاعت ولد او ولدته او خاله او عمته اى حاجه او مئجرها لا هو الطبيعى الى الناس فهما انت انت حرامى وسرقته وجبت العربيه وليه الله اعلم بس هما عموما بيكونو بيئه وطيه وناس معفنه وخلاص
الحمد لله والواحد بيقول احسن متيجى فيه حاجه من الحقد ده الحمد لله

و الله يا اخي انت جيت علي الجرح الناس فعلا بتبص لينا كاننا اخدنا الفلوس من جيبهم و اشترينا العربية او كاننا تجار مخدرات او اللي بيخدوا مليارات من البنوك و يشتروا بيها عربيات انا كان معايا شروكي و كنت كل يوم الاقي فيها حاجة مرة خرابيش و مرة واحد رمالي بوية صفراء علي الكبوت(العربية زيتي غامق) و مرة واحد شال علامة الجيب و مرة ال4*4 و اخر حاجة واحد لصق علي كل زجاج العربية قداو و وارا و الشبابيك الاعلان بتاع لا للمخدرات و انا بحاول اشيله اتجرح الزجاج مني.ده غير لو اديت كلاكس لواحد بيتمختر في وسط الشارع كان اللي يقول مانتوا اشتيرتوا الشاع و اللي يشتم و يدعي علي..و كان اصحابي بيقوللولي معلش اصل الشروكي بتستفز الناس ...المهم بعد زيادة البنزين قلت ابيعها و جبت هوندا سيتي و قولت خلاص عربية معقولة مفيش فيها مشاكل و محدش هيزعل بس برضه مفيش فايدة لو حتي بعتها و جبت توك توك برضه هتلاقي اللي يقول لك انت جبته منين يا حرامي يا ابن ال.........

والله بقت حاجه مش معقوله فعلان وحاجه تقرف انا حاسس انى مش معايا عربيه حاسس انى بقيت معايا واحده متجوزها وسيبها فى الشارع كل يوم خربشه وخبط وياريت هى بيحصل فيها كده وهى ماشيه لا كل ده وهى واقفه كنت عاوز اجيب لانسر مش جايب هى البلد دى حللها الادا ال 110 فعلان اهى فيها تكيف وكويسه وبنت حلال ومش هجيب غيرها رغم انى حاسس انى معايا مرسيدس من حقد الناس ليه مش عارف دى لادا ياناس حتى من القرايب برده تلاقى الحقد وبقت حاجه اخر قرف فعلان وحرام الى بيتعمل فى الناس ده وانت ماشى الى يقولك خلى بابا وماما ميزعلوش لو خبطهالك وخليهم يصلحوهالك رغم انى انا الى جيبها ولسه بقسط فيها وكنت بحوش القرش على القرش من لما كنت بشتغل وانا فى الثانوى وادينى دلوقتى سايب الشوغل وحتى مش عارف اجيب الاقساط منين وليه الحقد ده الله اعلم بس فعلان منهم لله الى بيبوظو حاجه الناس بقصد وربنا يحرقهم كلهم يارب وانا مش مسامح اى حد العربيه بقت لوحه اعلانات من اقزر اللوحات مطموسه بس لو بصيت كويس هتلاقى الاعلانات عليها كتير الى كاتب اسمه والى مخربش وخلاص والى بيرسم وحاجه قرف