هل تم تجريح عربيتك عن قصد؟طبعا ..تفتكر ليه؟ قول رايك

**blackeagle** · 06-06-2008 09:42 AM

المشاركة الأصلية كتبت بواسطة knightmido

السؤال ده رائع فعلا انا راييى ان ده شغل عيال الشوارع مش كبار يعنى لا حقد ولا يحزنون الناس ماشية تكلم نفسها مش فايقة انها تمشى تجرح العربيات ..... انا عن نفسى العربية قدام العمارة وفيها انذار وفيه بواب ومع ذلك عيل رسملى نجمة خماسية بمسمار (يمكن العربية عجبته فحب يديها درجة حلوة الحمد لله مصححش باقى البيبان) ... والتانية فى سفر عيل 10 سنين تخيلو عنده هواية يسرق علامات العربيات (اللى فوق الشبكة) وكمان اى حلية زى الزعانف وبعدين لما يزهق يبعها)... دى مشكلة تربية فى الشوارع مش حقد .. ده رايي المتواضع

يا اخي انا شفت المنظر ده اثنين رجاله عمرهم لا يقل عن 35 سنة تقابلوا في الشارع و سلموا علي بعض و اخدوا يتكلموا شوية ركنوا علي عربية عشان الحديث طول و واحد فيهم طول ما بيتكلم قاعد يخربش بالمفتاح في شنطة العربية بتاعة جارنا (عربية اوكتفيا سوداء) فذهبت لجارنا و قولت له و نزلنا معنا للناس للي قعدوا يحلفوا انهم لم يلمسوا العربية و ان التجريح ده كان من الاول و لكن لما قولت له اني شايفة بعيني رد علي ببجاحة يا بيه لو خايفين علي عربياتكو ما تحطواها في جراج و هذة كان الكلمة اللي خلت جاري يضرب الراجل في الشارع علي الرغم من انه شخص مسالم جدا
هل سن العيال وصل ل35 سنة لا اعتقد ...انا معاك ان الناس ماشية تكلم نفسها لكن اول ما بتيجي لها فرصة لاذي الغير و الحقد عليه لاتتاخر

**MoToRiZeR** · 07-06-2008 12:10 AM

و الله الفراعنة لو كانوا يعرفوا ان احفادهم هيبقوا بالمنظر ده كانوا عزلوا عند نهر الامازون

انا عندي خرابيش و خبطة صغيرة في الرف رف الشمال نفسي اعرف حصلوا ازاي
و كمان عندنا في اخر الشارع قهوة .. و عندنا محل سمكري بييجي عنده تاكسيات كتير
و هوايتهم يشربوا شاي و هما ساندين عالعربية .. فالقهوجي تقريبا اعتبر العربية جزء من القهوة .. و بقي يسيبلهم صينية الشاي فوق العربية

رحت كلمته بالذوق مرة منفعش .. نبهي عليه تاني .. ثتبني بكلمتين و كررها برده

نزلت مرة رحت دالق كل الكبايات في الارض و كسرتها عالرصيف و خت الصينية معايا رميتها في صندوق زبالة في الطريق

**3mr Farrag** · 12-06-2008 06:46 PM

انا بقي دلوقتي في قمه النرفزه....
انا كنت مصوت علي التجريح مره واحده...
دلوقتي ممكن اقول 10 ولا 15 مره....
لسه نازل و لقيت العربيه عباره عن لوحه تجريديه ...
علي الشنطه و الكبوت....
دانا لو مسكت اللي عمل كده ....هعمل نفسالتجريح ..بس علي وشه

**Eng.Osama.Afifi** · 12-06-2008 06:57 PM

والله ده حصل معايا

معايا لانسر 2007 ... لقيت واحد حب يسرق الشعار إللي على الشنطة ... معرفش ... راح كاسرهولي

بجد حسبي الله ونعم الوكيل فيه

أنا ذنبي إيه في حاله ؟؟؟

الناس بتاكل في بعض ... بيعاقبوا الناس العادية .... وتلاقيهم عاملين زي الكتاكيت وخدم إللي كانوا السبب في الضنك إللي هما فيه

**mmolazem** · 12-06-2008 07:38 PM

لسه و الله من حوالى نصف ساعه ، ماشى فى شارع ، وفيه شوية عيال بيلعبوا (8-10) سنين كده ......... المهم انا مهدى خالص ، والشباك اللى جانبى والثانى مفتوحين نصف فتحه.
لقيت ولد منهم اقترب من الشباك الثانى ورمى حاجه كانت فى يده ..... وقفت اشوف رمى ايه ... لقيتهم شوية ورق مقطعين ( زباله يعنى ).

مش مهم انا عملت ايه ............ المهم هو عمل كه لييييييييييه.
ولو احنا فى ايام مواسم الألعاب الناريه ، كان رمى اييييييييييه.

معذره لو كان الموقف ده خارج الموضوع ....... ( اهه فضفضه).

.

**Eng_aly** · 14-06-2008 09:45 AM

المشاركة الأصلية كتبت بواسطة blackeagle

معلش الاخ اللي صوت و قال لا ممكن يقولنا هو بيركن فين عشان نروح نركن معاه

لأ المفروض نروح نجرحهاله ههههههههههههههههههههههههه هههه

**Eng_aly** · 14-06-2008 10:12 AM

والله الواحد مش عارف يقول ايه طيب ايه رأيكوا باقى فى حالى انا بركن عند البيت فى جراج ولما باروح الشغل بركن فى جراج ولما بروح عند حماتى بردة والله بركن فى جراج اعمل ايه انا اتخئنت والعربية خبطات وهى وافقة وخرابييشششششششششش وكل ماقول للسايس يقعد يحالف ويتحالف ان انا جى بيها كدة "كلهم على فكرة" وان العربيه نايمه فى حضنة وعلى سريرة لدرجة انى بقيت عايز اجيب لهم بنبرز وحسبى الله ونعم الوكيل

**vw3** · 14-06-2008 04:31 PM

طبعاً انا صوت على نعم كتير متعدش بس اللي أعلى من كدة حد دهنلك عربيتك هدية باللون اللي يعجبه ؟....انا :)
جنب عربيتي بالزجاج اتدهن بالاحمر و العربية دهبي :)

**michohat** · 14-06-2008 05:03 PM

اه تصدقوا العربية كانت لسه طالعه من الفرن وبتلف على الصنايعية بتتقفل بعد ما تيجى الاقى واحد ابن حلال جارح الرفرف الخلفى والباب الامامى بشئ زى الموس كده بالاضافه لكام تجريحه من السمكرى وهوا بيركب المقابض ع كام تجريحه من السروجى اللى اتفوق على الكل وشال لوحده حته دوكو طول 1 سم فى عرض 2 سم

وفى الاخر لما استلمت لقيت نفسى مغشوش فى الدوكو و الدوكو الجديد بتاع العربية مشعر زى تشعيرة الجلد كده

رحت من شوية رميتها فى وش الراجل اللى كان بيشدها لى و هيصلحها على حسابة

**ahmed_m_w** · 14-06-2008 05:25 PM

انا كنت لسه فى الاسكندريه وماشى عادى فى مداخل الاسكندريه ومره وحده لقت واحد راح مدى المرايه بالرجل وانا كنت ماشى على سرعه 80 كيلو والمرايه بقت 60000000حتى والباب اتفخس منه حتى وغير كده العربيه 30 %منه متخربش واحيانا انزل القيها مخبوطه واحد ابن حلال بيركن يخبط فى الاكصدام ووواحد يكسر فانوس وخصوصا لما يكون عربيه كبيره هو مش هيجرالو حاجه انت الى هتتكسر وهو زى مهو وعلى فكرا الموضوع مش موضوع خربشه بس ده موضوع غباوه حتى انت ماشى ومش وانت واقف بس الحقد والكره وخصوصا لما يكون شاب هو الى سايق العربيه يبقى الحقد باين فى عيون الناس الى انت ماشى فى وسطوهم وكائننا سرقنا فلوس منه ورحنا اشترينا عربيه مش تعبنا واشتغلنا ليل ونهار على شان نجيب عربيه ولسه بنقسط فيها او الى راكب عربيه مش بتعته مثلا بتاعت ولد او ولدته او خاله او عمته اى حاجه او مئجرها لا هو الطبيعى الى الناس فهما انت انت حرامى وسرقته وجبت العربيه وليه الله اعلم بس هما عموما بيكونو بيئه وطيه وناس معفنه وخلاص
الحمد لله والواحد بيقول احسن متيجى فيه حاجه من الحقد ده الحمد لله

مشاهدة نتائج الإستطلاع: هل تم تجريح عربيتك عن قصد؟يعني ب مسمار او مفتاح او مفك مثلا

الموضوع: هل تم تجريح عربيتك عن قصد؟طبعا ..تفتكر ليه؟ قول رايك

LinkBack

أدوات الموضوع

عرض

-

-

-

-

-

-

-

المواضيع المتشابهه

تكملة تعديل جنوط النيو سيراتو بالكاربون قول رايك(سلسلة عدل عربيتك بنفسك). الجزء 2

تفتكر اية اللي ممكن يحصل لو ركنت عربيتك بعرض الشارع تحت بيتك ؟؟؟

تفتكر عربيتك الزيرو تم اختبارها ازاى ؟

تفتكر فيك ايه من عربيتك

الكلمات الدلالية لهذا الموضوع

المفضلات

المفضلات

ضوابط المشاركة