[بالفيديو] تجربة الشد مع الانوس " lanos2004 " من 100 - 175 KM

السلام عليكم ورحمة الله وبركاته

في الغالب متعود لما اشد مع عربية بكتب تقرير عن الموضوع في قسم تويوتا مش تباهي او تفاخر ولكن انا عن نفسي بحب شدة المواتير عشان الواحد على الاقل يكون على علم بقوة عربيته ولو عملت تعديل فيما بعد تعرف التعديل ده كان في محله وحسن الاداء ولا لاء :iloveu:

لكن الموضوع ده اصريت اني اكتبه هنا في قسم الدايو بعد ماشفت الموضوع التالي

http://www.nilemotors.net/Nile/270367-a.html

طبعا 8 صفحات تريقة ! واستهزاء ! وردود مش من المفترض انه تكون في موقع كبير زي نايل موتورز :no2:

المفروض لو فرضا واحد كتب موضوع وقال انه جاب وصل بعربيته لسرعة 300 كيلو متر في الساعة ! بدل مانكدبه نحاول نعرف منه التفاصيل

ممكن نطلب فيديو تسارع العربية بعدها نساله عن التعديلات اللى عملها وخلت عربيته تقدر توصل للسرعة دي

وبالتالي هنقدر نستفيد مافيش داعي لاننا نكدب بلعكس احنا هنا في نايل موتورز هدفنا اننا نستفيد من بعض ومن التجارب اللى كل واحد عملها :tumb:

--------

عموما هحكي تفاصيل الشدة من اولها لاخرها

في اثناء مانا بتناقش مع الزملاء هنا في المنتدى بخصوص الفلتر الجديد اللى ركبته عندي

http://www.nilemotors.net/Nile/270000-k-n.html

اصطادني العضو

lanos2004

وانا بقول اني طلعت من الانوس قبل كدة على الدايري وقالي ايه رايك لما تيجي نشد مع بعض وتجرب مع لانوس تاني ؟

قلت في دماغي ايه المشكلة يعني انا من قبل حتى ماركب الفلتر وانا عارف ان الانوس ماتطلعش مني على اي سرعة :U_thin1[1]:

واكيد بعد الفلتر هيكون الوضع اتحسن :wink:

رديت قلتله مافيش مشكلة اختار الطريق وننزل نشد انا موافق

لقيته بيقول انه بيجمع من 0-100 في 9 ثواني

قلتله لالالالالالالالالاء استنى بقى عليا شوية :what:

ماتفقناش على كدة لانوس ايه بالظبط اللى بتجمع في 9 ثواني دي ؟ ؟ :aloha:

انت متاكد ان عربيتك استوك ؟

قالي اه وراح باعتلي فيديو تسارع عربيته

شفت الفيديو ماصدقتش بصراحة قلتله لاء انت عامل حاجة في عربيتك ولازم تعرفنا انت عامل ايه عشان نستفيد

في الاخير فهمت انه الماتور اللى عنده 2 كامة بيطلع 105 حصان ! وده غير الماتور اللى بتنزل بيه الانوس هنا في مصر

قلتله لاء انا منسحب هشد ايه انا كدة هيتعلم عليا :shyy:

قالي مش هنخسر حاجة لما نجرب

وبالفعل

اتفقنا واتقابلنا عند ميدان سفنكس

وبصراحة كان يوم جميل جدا جدا

وكانت شدة رائعة بصراحة وانا اتبسطت منها جدا بغض النظر عن النتيجة بس كان يوم جميل

اتفقنا اننا نشد على المحور والشدة تكون مواتير فقط اول مالطريق يبقى فيه عربيات احنا الاتنين نهدي وممنوع غرز نهائيا مهما كانت سواء واسعة او ضيقة وده حفاظا على سلامتنا وعشان اليوم مايقلبش بنكد ولان الموضوع في الاول وفي الاخر مش مستاهل :36_3_18[1]:

وبالفعل طلعنا على المحور على الساعة 1 بليل تقريبا

اخدنا المحور من عند سفنكس لحد اكتوبر رايح جاي :bump1:

كررنا الشدة كتير حوالي 6 او 7 مرات

مرة نبدأ من سرعة 80 ومرة من 100 ومرة من 120 واول مالطريق مايزحم نهدي ونرجع نشد تاني

طبعا انا مش هتكلم عن تفاصيل الشدة لان الفيديو موضح كل حاجة ولو ان كنت مصور فيديو تاني بس للاسف مش عارف راح فين يظهر اتمسح بالغلط

كل اللى هقدر اقوله انا كنت بعدي تحت ال 130

فوق ال 130 فرق واضح لصالحه وعربيته بسم الله ماشاء الله اكنها بتتحول

فوق ال 140 بيبعد عني

فوق ال 160 انسى بقى :019F3B~14:

وعلى الرغم اني اتعلم عليا الا اني مبسوط من اداء العربية عندي الحمد لله الاداء جميل والتسارع حلو اوي لحد 140 ومعقول من 140-160 بعد كدة بتبدأ العربية تتقل :bump1:

انا اقصى سرعة وصلتلها 170 (طبعا العربية تجيب اكتر بس مافيش مجال اني ازود عن كدة لاننا اول مابنشوف عربيات والطريق بدا يزحم بنهدي علطول :018A1D~146: )

هو اقصى سرعة وصلها 200

وبصراحة الراجل فعلا ماكدبش لما قال انه بيزحف السيراتو والالنترا والفيرنا وحتى الجيتز طلع منها

بسم الله ماشاء الله ربنا يباركله في عربيته

كان يوم جميل وكانت شدة اجمل وختمنا اليوم بصورة تذكارية للعربيتين :36_3_18[1]:
اخدناها في شارع السودان اول مانزلنا من المحور

ودي صورة العربيتين

http://img715.imageshack.us/img715/3708/10022012537.jpg

وفي النهاية احب اقول اتمنى اننا مانلاقيش حد كاتب حاجة عن عربيته ونكدبه الاحسن نسال ونستفسر لعل نستفيد منه

والف شكر ليكم جميعا ونشوفكم في شدة تانية ان شاء الله <<<<<<<<< رايح فين ! ! فين الفيديو :bump1:

ادي الفيديو اهو يا جماعة ومستنين تعليقاتكم

Toyota Yaris 1.3L Vs Daewoo Lanos 1.5 Dual cam 12V Drag Race - YouTube

يا خبر لحقت تنزل الفيديو وتعمل تقرير كمان
بس شوفت من 70 الى 130 مقدرتش عليك بس بعد 130 عربيتى بتتحول دة انا بخاف منها وشكرا على التقرير الجميل وصباح الفل وبعدين فكرتنى يا راجل بالتريقه الى اخدتها فى قسم الانوس دة انا كنت نسيت

اقتباس:

---

المشاركة الأصلية كتبت بواسطة lanos2004

يا خبر لحقت تنزل الفيديو وتعمل تقرير كمان
بس شوفت من 70 الى 130 مقدرتش عليك بس بعد 130 عربيتى بتتحول دة انا بخاف منها وشكرا على التقرير الجميل وصباح الفل وبعدين فكرتنى يا راجل بالتريقه الى اخدتها فى قسم الانوس دة انا كنت نسيت

---

انا والله النت عندي فيه مشكلة فماكنتش عارف ارفع الفيديو لولا كدة كنت هتلاقي التقرير ده من بليل :bump1:

وانت لازم تقولي على سر التحول اللى بيحصلك بعد ال 130 ده تفسيره ايه عشان مش فاهم بصراحة :aloha:

وعادي مايهمكش التريقة اصل بصراحة يعني احنا مش واخدين على ان يكون فيه لانوس من 0-100 في 9 ثواني وبتعدي الفيرنا والجيتز ! ! المعروف انها تسارعها كويس بس مش للدرجة عشان كدة الكل مستغرب بس مش اكتر

وكان يوم جميل بصراحة وفرصة سعيدة يا باشا ويارب تتكرر تاني في اقرب وقت

انته شوفت الماتور التعديل الوحيد الفلتر السيموتا الصينى غير كدة ولا حاجه ---بس العربيه عندى قوتها بتطلع بعد rpm 4 قبل كدة بتكون عاديه جداا تقريبا الماتور متصمم ان طاقته كلها تخرج بعد rpm4 علشان يكون اقتصادى فى البنزين لان مكتوب فى الكتالوج 100 كيلو 6.5 لتر

ما شاء الله ربنا يبارك في العربيتين

عاااااااااااااااااااش :)

اقتباس:

---

المشاركة الأصلية كتبت بواسطة Ahmod

انا والله النت عندي فيه مشكلة فماكنتش عارف ارفع الفيديو لولا كدة كنت هتلاقي التقرير ده من بليل :bump1:

وانت لازم تقولي على سر التحول اللى بيحصلك بعد ال 130 ده تفسيره ايه عشان مش فاهم بصراحة :aloha:

وعادي مايهمكش التريقة اصل بصراحة يعني احنا مش واخدين على ان يكون فيه لانوس من 0-100 في 9 ثواني وبتعدي الفيرنا والجيتز ! ! المعروف انها تسارعها كويس بس مش للدرجة عشان كدة الكل مستغرب بس مش اكتر

وكان يوم جميل بصراحة وفرصة سعيدة يا باشا ويارب تتكرر تاني في اقرب وقت

---

التفسير ان في الوقت ده بيكون عدي علي ال max torque
عزم الموتور ده عالي جدا بس متأخر شوية بيبقي عند 4200
مجرد ما بيقرب من ال 4200 الوحش بيتغابي وعينك ما تشوف الا النور :tongue32:
عشان كدة اللي يحب يعمل أحسن تسارع للموتور ده ... يحافظ علي مكان ال rpm في المنطة فوق ال 4000
لو واحد فاهم الموتور ده ... مش هيخلي حد يعدي منه بالساهل

اقتباس:

---

المشاركة الأصلية كتبت بواسطة lanos2004

انته شوفت الماتور التعديل الوحيد الفلتر السيموتا الصينى غير كدة ولا حاجه ---بس العربيه عندى قوتها بتطلع بعد rpm 4 قبل كدة بتكون عاديه جداا تقريبا الماتور متصمم ان طاقته كلها تخرج بعد rpm4 علشان يكون اقتصادى فى البنزين لان مكتوب فى الكتالوج 100 كيلو 6.5 لتر

---

لأ معلش أسمحلي
الموتور ال 1600 بيخرج عزمه بدري عن ال 1500 كامتين
ومع ذلك ال 1500 عزمه أكبر وقوته كمان أكبر
وكل ما كان ال العزم بيخرج عند rpm عالي كل ما زاد أستهلاك البنزين والعكس صحيح
طبعا أحسن حاجة تبقي العربية عزمها كبير وبخرج بدري عشان مجرد ما تدوس تلاقيها طارت ... بس المشكلة انه بعد كدة لازم هيقل ... يعني تلاقي العربية راحة ناطة وبعدين الموتور يموت ... وكان الحل في التربو
عامة
الطبيعي ان يكون الموتور ال1600 الكامتين أفضل في كل حاجة من ال 1500 الكامتين
بس هنا فرقت حاجة .... ال map بتاعة الموتور وتوقيت خروج العزم والقوة
ال 1600 لو ماشي ب map ال 1500 .... هتطيييييييييير
عايزك صحيح تجرب تشيل الفلتر وتطلع تجرب وقولي الفرق
أصل الصيني ده زي قلته ! وخطر عالعربية

هوة الى بيحصل وانا طالع مع اى عربيه ممكن يسبقنى وخاصه لو بنتحرك من مطب بعد كدة بقله باى باى وعلى الصحراوى عربيات كتير تعبتنى لحد 140 بعد كدة بدور عليهم فى المرايا انا طلعت من سيراتوا بعد 190 والكروز بعد 180 والجيتس تعبتنى جدا فى الاول بس من 160 الى 170 قلت له باى باى جيتز بس دى او ل تجربه حقيقه للمقارنه لان ممكن الى كنت بجرى معاهم على الصحراوى مش جايبين اخر عربياتهم
غير انى بوصل 200 بسهوله جدااا والفلتر ممكن اركب القديم تانى دى سهله جدا على اما اشترى نوع نضيف

اقتباس:

---

المشاركة الأصلية كتبت بواسطة lanos2004

هوة الى بيحصل وانا طالع مع اى عربيه ممكن يسبقنى وخاصه لو بنتحرك من مطب بعد كدة بقله باى باى وعلى الصحراوى عربيات كتير تعبتنى لحد 140 بعد كدة بدور عليهم فى المرايا انا طلعت من سيراتوا بعد 190 والكروز بعد 180 والجيتس تعبتنى جدا فى الاول بس من 160 الى 170 قلت له باى باى جيتز بس دى او ل تجربه حقيقه للمقارنه لان ممكن الى كنت بجرى معاهم على الصحراوى مش جايبين اخر عربياتهم
غير انى بوصل 200 بسهوله جدااا والفلتر ممكن اركب القديم تانى دى سهله جدا على اما اشترى نوع نضيف

---

يا ريت بسرعة تجيب حاجة كويسة
وبلاش الأصلي بتاع العربية
صغير ومابيجيبش هوا ساقع
لو في ميزانية كويسة يفضل تجيب زي بتاع ahmod
K&N conical وأهم حاجة وأهم من الفلتر نفسه .... انك تحطه في مكان كويس
أفضل مكان وفاضي بيبقي ورا ال fog
زي ما محمد ممدوح حاطه كدة
http://img853.imageshack.us/img853/3530/dscf1476k.jpg
بس لازم تكون الكرتيرة سليمة والأكصدام سليم عشان ميخشش مية وتراب جوة
بس أبقي أعمل الفرامل لحسان كدة هيبقي خطر
والرحمة عالناس شوية :tongue32:

الفرامل عندى ممتازة انا كنت مركب ماستر نوبيرا من زمان مقاس 22 وبركب تيل اصلى gmوالعربيه بتقف على اى سرعه

اقتباس:

---

المشاركة الأصلية كتبت بواسطة lanos2004

الفرامل عندى ممتازة انا كنت مركب ماستر نوبيرا من زمان مقاس 22 وبركب تيل اصلى gmوالعربيه بتقف على اى سرعه

---

يا باشا انت عربيتك بسم الله ماشاء الله

هي بس ناقصة تتظبط من برة يعني حاول تلمعها

تغسلها ترشها :aloha:

يعني اهتم بيها من برة شوية :bump1:

اقتباس:

---

المشاركة الأصلية كتبت بواسطة lanos2004

الفرامل عندى ممتازة انا كنت مركب ماستر نوبيرا من زمان مقاس 22 وبركب تيل اصلى gmوالعربيه بتقف على اى سرعه

---

طب حلو
ربنا يحميك ويحميها

اقتباس:

---

المشاركة الأصلية كتبت بواسطة eng.geo

طب حلو
ربنا يحميك ويحميها

---

شكرا ليك وعلى فكرة التيل الاصلى الوحيد الى بيوقف الانوس غير كدة بيهدى بس عن تجربه

اقتباس:

---

المشاركة الأصلية كتبت بواسطة lanos2004

شكرا ليك وعلى فكرة التيل الاصلى الوحيد الى بيوقف الانوس غير كدة بيهدى بس عن تجربه

---

انا مجرب كله في لانوس ... مش بتاعتي طبعا
كلهم وحشين
ال gm أحسن الوحشين
العيب مش في التيل
العيب في الطنابير والمساتر
الطنابير صغيرة وفرملتين حلوين بيسخنوا وشكرا بقي !
هتهدي بس حتي لو التيل الأصلي
اللانوس لازم يتغيرلها طنابير قدام بدسكات أكبر
والدرامز اللي ورا بديسكات كبيرة
وطبعا مساتر أكبر زي اللي عندك
بس انت بتقول انك بتقف علي أي سرعة كويس !
لو أكيد وده مش مجرد أحساس يبقي فل قوي

انا تعرضت لمواقف كتير وسرعات عايله جدا ونقل قفل عليا ووقفت الحمد لله دة غير انى قدرت اوقفها على الصحراوى يوم الشبورة الحادثه الى اتحطم فيها اكتر من 30 عربيه انا كنت رابع عربيه وربنا سترها معايا كل الى حصل خدش فى الجنط والله العربيه وقفت وكانت بتزحف قول على الجليد بسبب الشبورة كان يوم صعب جدا اول مرة اعيش جوة

حادث ضخم


على فكرة اعتقد ان الجنوط الالمنيوم بتبرد الطنابير علشان كده معنديش مشكله

اقتباس:

---

المشاركة الأصلية كتبت بواسطة lanos2004

انا تعرضت لمواقف كتير وسرعات عايله جدا ونقل قفل عليا ووقفت الحمد لله دة غير انى قدرت اوقفها على الصحراوى يوم الشبورة الحادثه الى اتحطم فيها اكتر من 30 عربيه انا كنت رابع عربيه وربنا سترها معايا كل الى حصل خدش فى الجنط والله العربيه وقفت وكانت بتزحف قول على الجليد بسبب الشبورة كان يوم صعب جدا اول مرة اعيش جوة حادث ضخم

---

ألف حمدالله علي سلامتك
ربنا يستر طريقنا جميعا

يا باشا مكناش بنتريق انت لو قولت من الاول ال2 كامه
كنا سكتنا

لكن بتقول 1500 طبيعي كله هيفتكر ال1 كامه

ربنا يباركلك فيها

اقتباس:

---

المشاركة الأصلية كتبت بواسطة lanos2004

انته شوفت الماتور التعديل الوحيد الفلتر السيموتا الصينى غير كدة ولا حاجه ---بس العربيه عندى قوتها بتطلع بعد rpm 4 قبل كدة بتكون عاديه جداا تقريبا الماتور متصمم ان طاقته كلها تخرج بعد rpm4 علشان يكون اقتصادى فى البنزين لان مكتوب فى الكتالوج 100 كيلو 6.5 لتر

---

بعد 4000 RPM بوابات الVGIS بتفتح و المكنة بتسحب هوا بشكل افضل

نصيحة غي الفلتر الصينى و هات K&N... انا جربت فلترين صينى واحد كان زى الفلتر الاصلى (مكتوم) و التانى حسن الاداء شوية.... و الاتنين فى الضياع مقارنة بالK&N

سؤال تانى و دة الاهم.... العربية فراملها زى اللانوس ال1600.... صح؟

MMamdouh

اقتباس:

---

المشاركة الأصلية كتبت بواسطة Ahmod

لكن الموضوع ده اصريت اني اكتبه هنا في قسم الدايو بعد ماشفت الموضوع التالي

http://www.nilemotors.net/Nile/270367-a.html

طبعا 8 صفحات تريقة ! واستهزاء ! وردود مش من المفترض انه تكون في موقع كبير زي نايل موتورز :no2:

المفروض لو فرضا واحد كتب موضوع وقال انه جاب وصل بعربيته لسرعة 300 كيلو متر في الساعة ! بدل مانكدبه نحاول نعرف منه التفاصيل

ممكن نطلب فيديو تسارع العربية بعدها نساله عن التعديلات اللى عملها وخلت عربيته تقدر توصل للسرعة دي

وبالتالي هنقدر نستفيد مافيش داعي لاننا نكدب بلعكس احنا هنا في نايل موتورز هدفنا اننا نستفيد من بعض ومن التجارب اللى كل واحد عملها :tumb:

---

خللى بالك انه قال كدة و صبر 6 صفحات لحد ما قال ان دى المكنة ال2 كامة مش الكامة واحدة بالتالى اللى حصل طبيعى... زى ما انت كدة تقول انك بتجيب 250 كيلو فى الساعة باليارس و تحلف على المصحف ان موتورها 1300.... و بعد كدة نكتشف انك مركب فيها تربو

انا مش بقول ان التهكم حاجة كويسة لكن مينفعش تدينا ربع او نص المعلومة فقط و تزعل لما الناس تشكك فى كلامك

MMamdouh

اقتباس:

---

المشاركة الأصلية كتبت بواسطة Eng.Geo

http://img853.imageshack.us/img853/3530/dscf1476k.jpg

---

دى على فكرة صورة الفلتر الصينى المكتوم اللى كنت مركبة

MMamdouh

اقتباس:

---

المشاركة الأصلية كتبت بواسطة Eng.Geo

انا مجرب كله في لانوس ... مش بتاعتي طبعا
كلهم وحشين
ال gm أحسن الوحشين
العيب مش في التيل
العيب في الطنابير والمساتر
الطنابير صغيرة وفرملتين حلوين بيسخنوا وشكرا بقي !
هتهدي بس حتي لو التيل الأصلي

---

الله ينور عليك.... انت كدة شرحت المشكلة بالضبط

MMamdouh

اقتباس:

---

المشاركة الأصلية كتبت بواسطة lanos2004

انا تعرضت لمواقف كتير وسرعات عايله جدا ونقل قفل عليا ووقفت الحمد لله دة غير انى قدرت اوقفها على الصحراوى يوم الشبورة الحادثه الى اتحطم فيها اكتر من 30 عربيه انا كنت رابع عربيه وربنا سترها معايا كل الى حصل خدش فى الجنط والله العربيه وقفت وكانت بتزحف قول على الجليد بسبب الشبورة كان يوم صعب جدا اول مرة اعيش جوة

حادث ضخم


على فكرة اعتقد ان الجنوط الالمنيوم بتبرد الطنابير علشان كده معنديش مشكله

---

حسب السايت بتاع brembo اللانوس ال1500 2 كامة بتنزل بالفرامل الكبيرة زى اللانوس ال1600

لو جنوط عربيتك الاصلية 14 و بتركب تيل نوبيرا يبقى فعلا انت عندك الفرامل الكبيرة

MMamdouh

اقتباس:

---

المشاركة الأصلية كتبت بواسطة ahmed_mido1889

يا باشا مكناش بنتريق انت لو قولت من الاول ال2 كامه
كنا سكتنا

لكن بتقول 1500 طبيعي كله هيفتكر ال1 كامه

ربنا يباركلك فيها

---

اقتباس:

---

المشاركة الأصلية كتبت بواسطة mmamdouh

خللى بالك انه قال كدة و صبر 6 صفحات لحد ما قال ان دى المكنة ال2 كامة مش الكامة واحدة بالتالى اللى حصل طبيعى... زى ما انت كدة تقول انك بتجيب 250 كيلو فى الساعة باليارس و تحلف على المصحف ان موتورها 1300.... و بعد كدة نكتشف انك مركب فيها تربو

انا مش بقول ان التهكم حاجة كويسة لكن مينفعش تدينا ربع او نص المعلومة فقط و تزعل لما الناس تشكك فى كلامك

mmamdouh

---

المشكلة يا استاذ ممدوح ان ماحدش حاول يستفسر او حتى على الاقل يسال

انا عارف والله ان فيه ناس كتير معندهاش خلفية عن موضوع ال 2 كامة ده وانا كنت واحد منهم

ولما سمعت لانوس 0-100 في 9 ثواني ! بدات استغرب بس سالت انت عامل ايه في عربيتك وايه التعديلات

لكن الموضوع للاسف ماشفت فيه الا ردين او تلاتة بالكتير اللى حاولو يستفسرو الباقي كانت ردود استهزائية ! !

منا بقولك دة حصل لاننا عارفين العربية اللانوس ال1500 العادية اخرها اية فا الموضوع مكنش محتاج استفسار لان اى واحد فى قسم الدايو عارف الكلام دة زى مهو عارف اسماء اولادة

و عشان كدة قولتلك على مثل فية عربية يارس لانك عارف كويس اليارس اخرها اية و تقدر تعمل ايه و متقدرش تعمل ايه فا لما حد قولك "انا معايا يارس 1300 بتجيب 250 كيلو" و يسكت و ميقولش اى حاجة تانية اكيد الكلام مش هيخش دماغك

MMamdouh

انا كمان مكنتش اعرف ان العربيه بتعمل كدة الا لما الفلتر بقه كله تراب رحت لابو غالى اشترى فلتر معدش عنده فلتر اصلى اشتريت فلتر مكتوب عليه الدكتور وكورى كتم العربيه جدا اشتريت فلتر صينى 75 جنيه وركبته ومسافر فى امان الله اسكندريه انا عاده فى السفر بجرى بس المرة دى لقيت نفسى بعدى كل العربيات خير ايه الى حصل قلت اكمل يا خبر 200 يا خبر 210 وما فيش حد قادر يحصلنى وقتها عرفت ان الماتور كان مكتوم ومكبوس على نفسه ولقتنى راكب عربيه غير الى راكبها من 4 سنين ولعلمك كان فيه عربيات لانوس كانت بتعدى منى قبل اما اركب الفلتر الصينى بعدة لا لانوس ولا فيرنا وباسات ولا اوكتافيا ولا سيراتو ولا كروز ولا لانسر شارك ولا لانسر مكواه كله ورا بس بعد 140 مش ورا وبس لا كمان بيختفوا من ورايا ومعرفش ازاى

انا كنت في اللانوس دي لما كان ماشي علي 200 ودي كانت اول تجربة والعداد بتاع السرعة بيمشي كانو عامل زي المساحة بتاعت العربية يعني سرعة عالية
بس رغم كده عربيتي رينو ميجاا 2000 كانت صامدة معاهااا وقريب هنعمل تصارع سوي
مستعد يا لالالالالالالالالانوس 2004
واوعي تنسي ان العربية بتاعتك معمولة علي ايدي وعند الميكانيكي بتاعي

اقتباس:

---

المشاركة الأصلية كتبت بواسطة fesalfesal23

انا كنت في اللانوس دي لما كان ماشي علي 200 ودي كانت اول تجربة والعداد بتاع السرعة بيمشي كانو عامل زي المساحة بتاعت العربية يعني سرعة عالية
بس رغم كده عربيتي رينو ميجاا 2000 كانت صامدة معاهااا وقريب هنعمل تصارع سوي
مستعد يا لالالالالالالالالانوس 2004

---

براحه ياعم فيصل وكفايه علينا القطر الى انته راكبه

هههههههههههههه
ماشي
في حد جي يشد معاك ولا خلاص مابقاش فية منافسين

انا من الناس التريقت
مانا لازم اتريق لانك ادتنى معلومه ناقصه
من الامانه انك تقول عربيتى فيها ماتور كذا علشان سعتها اصدقك
و صدقنى لو معيا سيراتو كنت شديت معاك بس للاسف بعتها
فرصه سعيده يا كبير

انا قبل كده شديت مع لانسر شارك اوتوماتيك وبنطلع من الثبات في الاول كانت بتسبقنى حاجة بسيطة جدا وبعد ال100 عيننك ماتشوف الا النور فعلا ماكنتش بشوفه في المرايا وصاحبي كان مستغرب ازاي اللانوس تطلع من لانسر بعد 100

اقتباس:

---

المشاركة الأصلية كتبت بواسطة mmamdouh

بعد 4000 rpm بوابات الvgis بتفتح و المكنة بتسحب هوا بشكل افضل

نصيحة غي الفلتر الصينى و هات k&n... انا جربت فلترين صينى واحد كان زى الفلتر الاصلى (مكتوم) و التانى حسن الاداء شوية.... و الاتنين فى الضياع مقارنة بالk&n

سؤال تانى و دة الاهم.... العربية فراملها زى اللانوس ال1600.... صح؟

mmamdouh

---

استاز ممدوح هو الفلتر k&n رياضي ولا زي بتاع العربية؟
لو زي بتاع العربية بيتباع فين k&n اصلي ويعمل كام ؟

فيه رياضى و فية زى الاصلى.... السعر فى حدود 400 جنية

MMamdouh

طب سؤال هوة الفلتر الصينى خطر وبيدخل تراب فعلا جوة العربيه مع العلم انى من يوم ما ركب البوابه لسه بتلمع وما فيش تراب نهائى

اقتباس:

---

المشاركة الأصلية كتبت بواسطة wael_power

انا قبل كده شديت مع لانسر شارك اوتوماتيك وبنطلع من الثبات في الاول كانت بتسبقنى حاجة بسيطة جدا وبعد ال100 عيننك ماتشوف الا النور فعلا ماكنتش بشوفه في المرايا وصاحبي كان مستغرب ازاي اللانوس تطلع من لانسر بعد 100

---

انت عربيتك برضوا 1500 2 كامة ؟ ؟

اقتباس:

---

المشاركة الأصلية كتبت بواسطة ahmod

انت عربيتك برضوا 1500 2 كامة ؟ ؟

---

اعتقد كامه واحدة لان عربيتى الماتور اتنين كامه لانه متغير بماتور لانوس اتنين كامه طبعا بسبب حادث الماتور اتدغدغ ربنا يكيفيكوا شر الحوادث --مش انا صاحب الحادث دى كانت عربيه
صديق وصلحناها وهوة كرة يركبها تانى فاشترتها منه والفلتر هوة الى اظهر قوة الماتور الحقيقيه

قفشتك :)
كنت بتعمل ايه النهاردة في شارع دمشق :)
لقيت عربيتك راكنة قدام ليكوي مولي
بس مكنش حد بيشتري
واستنيت شوية وملقيتكش جيت فمشيت
كنت عايز أتعرف عليك :)

جربت تشد مع سيراتو او النترا مانيوال ؟
كيا شوما مانيوال ؟
ميجان 2001 :2003 مانيوال ؟

معقوله بجد مش مصدق وعرفت العربيه طبعا من كتر الخدوش الى فيها والخبط يا راجل بيت العيله فى شارع دمشق هههههههههههه

اقتباس:

---

المشاركة الأصلية كتبت بواسطة lanos2004

معقوله بجد مش مصدق وعرفت العربيه طبعا من كتر الخدوش الى فيها والخبط يا راجل بيت العيله فى شارع دمشق هههههههههههه

---

عرفتها علي طول من الجريدة اللي واقعة ورا والجنط والخدوش :)
انا مش عارف ليه شكيت ان العربية اسود مط .... بس طلع انها كدة !