اقتباس المشاركة الأصلية كتبت بواسطة mohammedabdallh مشاهدة المشاركة
علشان تختار شريك حياتك طول العمر
اكتب المواصفات الى انت عاوزها فى ورقه مثلا
وشوف ايه المواصفات الى تقدر تستغنى عنها وايه المطلوبه
وكدا هتقدر تختار شريك حياتك
فكرة حلوة ....
طب أية رأيك أكتب المواصفات اللى أنا عايزها فى فتاة أحلامى هنا ....

1.طبعآ لازم تكون حلوة فى عينيا و فى عين الناس ....
مش هقوللك بقى أنا عايزها ملتزمة و متدينة و مش مهم الجمال زى ما رجالة كتير بتقول و أول ما يشوفوا واحدة حلوة يتجننوا عليها وينسوا كل الكلام دة ....

2. وبجانب أنها حلوة لازم تكون مهذبة ولبسها محتشم و من بيت ناس محترمين ....
3. الطول لا يقل عن 170 سم عشان مابحبش القصيرين ....
4. ماتكونش رفيعة أوى ولا مليانة أوى ....
5. تكون خريجة مدارس لغات عشان هى اللى هتذاكر للأولاد ....
6. تحبنى و أحبها ....
7. تكون بيتوتية زيى كدة يعنى ماتحبش الخروج و السهر والسرمحة علطول ....
8. يكون صوتها حلو و متزعقش و تسرسع لما تكلم وماتضحكش بصوت عالى ....
9. تكون عاقلة و مدبرة و مطيعة وتسمع الكلام ....
10. يكون فى ما بينا أنسجام و حوارنا مع بعض يكون لذيذ مش ممل ....
11. تكون مثقفة ومش من النوع اللى يحب يقعد قدام التلفزيون تتفرج على مسلسلات عربى تافهة ....
12. ماتكونش من النوع الغيور زيادة عن اللزوم عشان ماتخنقش ....

أية اللى أنا كاتبة دة؟؟!!
هو فى كدة؟؟!!
أنا أتسطلت باين ولا أية؟؟!!