تقرير صيانة 5000 بمركز القطامية

**drpeter** · 11-02-2012 11:19 PM

مساء الخير
حبيت اشارك بتقرير بسيط عن صيانة ال 5000 بمركز القطامية وهذه اول تعامل مع هذا المركز
انا الاول حجزت الميعاد بالتليفون وكان ميعادى 9 صباحا
ذهبت انا برضوا بدرى شوية
والسيارة دخلت الساعة 9 وربع
هناك ملحوظة هامة بخصوص الامور اللى بتضبط في الصيانة هقولكم عليها في الاخر
لكن انا طلبت التالى
اولا تغيرالزيت والفلتر
ثانيا تربيط العفشة
ثالثا ضبط الزوايا
رابعا اصلاح الشنطة لانى لازم ارزعها علشان تقفل
خامسا الكشف عن زيتت الفارمل والدبرياج

طبعا طلعت فوق وشوفت العربية وهى بتتعمل
انا لاقيت ان موضوع الشنطة لم تاخذ معه بتاع دقيقة فاتمننى ان اثناء عمل السيارة بالمصنع يتفادوا المشكلة دى طالما انها سهلة وبتتحل على طول
السيارة ساعة الا ربع وخرجت ونده على المسؤل الفنى وورانى الشنطة وفعلا بقت مية مية
وقالى غيرنا الزيت والفلتر وربطنا العفشة وضبطنا الزوايا
لكن للامانة انا لم اركز في الكلام هل قاموا بالكشف عن سائل الفرامل والدبرياج ام لا بس انا اعتقد انى سمعت كشفنا على الزيوت وانا بصراحة اتعجلت وقولت علشان اخشس ادفع واتكل على الله

المعاملة جيدة ولم يطلب منى احد اى اكراميات وادونى بقية الزيت

دخللت ادفع وبيديك وصلين صوغيرين واحد منهم بديه للى بيسلمك العربية وواحد بتسلمه لبتاع الامن وانت طالع

السيارة سحبها رائع
حسيت انها مشدودة فعلا على الطريق
كنت ماشى على 120 وسبت الدريكسون والسيارة كانت مسطرة

بعض الملاحظات الهامة
الزيت المستخدم هم موبيل xhp وللاسف دا محدش عارف فعلا بيقعد 5000 ولا 3000 بس
وانا نفسى اساسا مش احط زيت موبيل بس مش عراف نتغاضى عن المشكلة دى ازاى

الملاحظة التانية الهامة
ان مكتوب على الحائط اللى بيعموله في صيانة الخمسة
هم مش بيعملوها كلها هم بيعملوا اللى انت بتقوله فقط
يعنى مثلا انا بصيت لاقيت انهم يضبطوا زوايا
لم يكتبها في الورقة الا لما قولتهاله
مثلا تنظيف فلتر الهواء والتكييف
انا مش طلبتها ومش اتعملت ومش كتبها
فلازم تقرا مثلا الموجود بهذه اليفطة جيدا وتشوف اللى محتاجه وتخليه يكتبها ويعملوها
ونتمنى لهم مزيد من التقدم

**rti** · 13-02-2012 12:36 AM

مبروك وعقبال صيانة المليون و ديما مستمتع بالجميلة ولكن لي سؤالين هل مركز القطامية بقى للملاكي فقط ؟
وهل وضعوا السيارة على الجهاز الخاص بأظهار الاعطال ؟و شكرا

**drpeter** · 13-02-2012 09:16 AM

شكرا لحضرتك
لا مركز القطامية كان فيه سيارت تاكسى معانا بس هم بيخلوا طابور للملاكى واخر للتاكسى

من حيث الوضع على جهاز الاعطال فلم الاحظ السيارة تم وضعها على جهاز الاعطال بصراحة
يمكن علشان مكنش في اى مشكلة بشتكى منها في السيارة
لكن في اليفطة مكتوب ان جهاز الاعطال بيحطوا عليه السيارة اذا لزم الامر لكن مش في كل المشاكل غالبا
على ما اتذكر

**elmanahry** · 13-02-2012 02:13 PM

مبروك على الصيانة وسلامتك وسلامة السيارة زيت xhp لاتعول عليه لانه 3000 كم وميعاد الصيانة الجاية على عشرة الاف وسوف تشعر ان الاداء تغير بعد استعمال زيت LIQUI MOLI يكفى ليس فقط ادائه ولكن تحطه وتنساه 15 الف وارجو فى صيانة العشرة الاف ان سائل الفتيس ايضا يتغير وهذا عن خبرة عملية

**drpeter** · 13-02-2012 02:46 PM

شكرا دكتور المناهرى
على توضيح موضوع تغير زيت الفتيس وانا فاكر انك نبهت ان زيت الفرامل يتغير بالكامل بعد عام فلو في اى خطا ياريت تنبهنى
لكن المشكلة فعلا في الزيت لانى عاوز احط ليكوى مولى ومش هيرضوا انا مش عراف احل المشكلة دى ازاى هل اشتريه واروحلهم بيه وخلاص ولا ايه اللى المفروض اعمله ياريت تنصحنى
كمان هل في ا ىشئ تانى اغيره في صيانة العشرة بوجيهات او اى سيور او اى شئ ؟

**elmanahry** · 13-02-2012 03:49 PM

المشاركة الأصلية كتبت بواسطة drpeter

شكرا دكتور المناهرى
على توضيح موضوع تغير زيت الفتيس وانا فاكر انك نبهت ان زيت الفرامل يتغير بالكامل بعد عام فلو في اى خطا ياريت تنبهنى
لكن المشكلة فعلا في الزيت لانى عاوز احط ليكوى مولى ومش هيرضوا انا مش عراف احل المشكلة دى ازاى هل اشتريه واروحلهم بيه وخلاص ولا ايه اللى المفروض اعمله ياريت تنصحنى
كمان هل في ا ىشئ تانى اغيره في صيانة العشرة بوجيهات او اى سيور او اى شئ ؟

الزيت يغيره اى ميكانيكى خارج التوكيل مع فلتر زيت جديد ومركز الصيانة لايمانع فى الزيت الليكوى مولى والبوجيهات على 20 الف وافضل بوجيه للسيارة كان ngk iridium ولكن بعد اتصالى بوكيل ال ngk وطلبت من البائع رقم الكود للبوجيه الذى يبيعوه ولكن املانى رقم غير الذى موجود واحسن بوجيه كما تعلمت من الاستاذ عبد الرؤف رخا هو ngk v power وسعره خمسون جنيها فقط للاربع شمعات لاتفكر فى بوجيهات قبل عشرين الف ولا تفكر فى سيور قبل 40 الف
رابط موقع البوجيهات ال ngk وكود البوجيهات ال ngk السيارة

NGK Spark Plugs

**ehabpopo** · 13-02-2012 03:51 PM

مبروك الصيانة ... وعقبال صيانة ال 1000000

**drpeter** · 13-02-2012 06:08 PM

شكرا لك د المناهرى

**drpeter** · 13-02-2012 06:08 PM

شكرا لك استاذ ايهاب

**rti** · 15-02-2012 12:13 AM

المشاركة الأصلية كتبت بواسطة drpeter

شكرا دكتور المناهرى
على توضيح موضوع تغير زيت الفتيس وانا فاكر انك نبهت ان زيت الفرامل يتغير بالكامل بعد عام فلو في اى خطا ياريت تنبهنى
لكن المشكلة فعلا في الزيت لانى عاوز احط ليكوى مولى ومش هيرضوا انا مش عراف احل المشكلة دى ازاى هل اشتريه واروحلهم بيه وخلاص ولا ايه اللى المفروض اعمله ياريت تنصحنى
كمان هل في ا ىشئ تانى اغيره في صيانة العشرة بوجيهات او اى سيور او اى شئ ؟

اخي العزيز التوكيل مش هيمانع انك تجيب زيت من بره انا اخذت زيت ليكوي مولي وغيرته فى التوكيل فى اسكندرية و مفيش مشاكل .
وسؤال للدكتور المناهري يعني محطش بوجيهات من التوكيل اية رأي حضرتك وخصوصا اني بسافر لفرع اسكندرية و مش عايز اخد معايا بوجيهات ويطلع فيها مشكلة زي الترطيب وما الى ذلك وياريت حضرتك تقولنا ماركة تيل الفرامل الامامي و اجيبه منيين واقول اية للبائع وشكرا