لقدر الله والكاوتش انفجر هتعمل ايه؟؟

**me_medoo** · 12-02-2012 11:58 AM

انا كنت دايما بنصح الناس ان لو حصل معاهم كده ما يضغطوش نهائي على الفرامل ، لكن ساعة ماحصلي الموقف ده ، أول حاجه عملتها مسكت فرامل هههههههههههههههههههه من الخضة .

بس انا عاوز أقول كلمتين ... نصيحة لوجه الله ... البلد دي مش بتاعت سرعة أبداً أبداً أبداً حتى لو الطريق فاضي ... الا ماتلاقي واحد حمار يقولك طيب ماهو الطريق فاضي خليني اخش عكس ههههههههههههههههههه وتيجي حضرتك وتقوم ضارب فيه ولا بس فيه .

وحتى لو كانت عربيتك زيرو وحديثة وكوتشاتك كويسين هتلاقي الي جمبك أو الي قدامك كوتشاتو متنيلين ... وتبقى جي تعدي من جمبو وبالصدقة كوتشاتو تفرقع يقوم يفقد السيطرة ويلبس فيك ... وطبعاً بعد الشر عليكم ربنا يحميكو لشبابكو ولأهليكو ولمراتتكم وعيالكم .

ده غير أقفاص المنجا والاوطة والبرتقان واليوستفندي ... محدش يقول ده حتت قفص هخبطو ويطير ... لأن ساعتها بيبقى القفص عبارة عن حجر كبيررررررررر ممكن يقلبك ... ومن كتر العربيات الي هتدوس على الاوووطة أو الطماطم بتخليها صلصة على الاسفلت ويزحلق أم العربيات الي هتعدي عليها ... ده غير مرات تبقى عاوز تعدي وتطلع من العربية الي قدامك تلاقي واحد عبقري عربيتو عطلانة وواقف في أقصى شمال الشارع ده أذا مكنش واقف بيصلح عربيتو في نص أم الشارع الهاي واي السريع وكأنو واقف وراكن قدام بيتهم وقاعد عمال بيصلحها . وطبعاً تكون جي بتجري ومش واخد بالك أن في كام عبقري كده مكسل انو يركن عربيتو على جنب وساعتهاااااااااااااا زغرطي يأ أم أحمد وعليه العوض ومنو العوض ... وممكن الي واقف في نص الشارع ده بيصلح عربيتو يضربك ويقولك انتا الي خبطني وانتا الي جي بتجري ... وينسى أساساً أن ده مش مكان وقفه أساساً . هههههههههههههه وعجبي . وربنا يستر طريقكم يارب .

**Youssef.Awad** · 12-02-2012 12:16 PM

المشاركة الأصلية كتبت بواسطة me_medoo

انا كنت دايما بنصح الناس ان لو حصل معاهم كده ما يضغطوش نهائي على الفرامل ، لكن ساعة ماحصلي الموقف ده ، أول حاجه عملتها مسكت فرامل هههههههههههههههههههه من الخضة .

بس انا عاوز أقول كلمتين ... نصيحة لوجه الله ... البلد دي مش بتاعت سرعة أبداً أبداً أبداً حتى لو الطريق فاضي ... الا ماتلاقي واحد حمار يقولك طيب ماهو الطريق فاضي خليني اخش عكس ههههههههههههههههههه وتيجي حضرتك وتقوم ضارب فيه ولا بس فيه .

وحتى لو كانت عربيتك زيرو وحديثة وكوتشاتك كويسين هتلاقي الي جمبك أو الي قدامك كوتشاتو متنيلين ... وتبقى جي تعدي من جمبو وبالصدقة كوتشاتو تفرقع يقوم يفقد السيطرة ويلبس فيك ... وطبعاً بعد الشر عليكم ربنا يحميكو لشبابكو ولأهليكو ولمراتتكم وعيالكم .

ده غير أقفاص المنجا والاوطة والبرتقان واليوستفندي ... محدش يقول ده حتت قفص هخبطو ويطير ... لأن ساعتها بيبقى القفص عبارة عن حجر كبيررررررررر ممكن يقلبك ... ومن كتر العربيات الي هتدوس على الاوووطة أو الطماطم بتخليها صلصة على الاسفلت ويزحلق أم العربيات الي هتعدي عليها ... ده غير مرات تبقى عاوز تعدي وتطلع من العربية الي قدامك تلاقي واحد عبقري عربيتو عطلانة وواقف في أقصى شمال الشارع ده أذا مكنش واقف بيصلح عربيتو في نص أم الشارع الهاي واي السريع وكأنو واقف وراكن قدام بيتهم وقاعد عمال بيصلحها . وطبعاً تكون جي بتجري ومش واخد بالك أن في كام عبقري كده مكسل انو يركن عربيتو على جنب وساعتهاااااااااااااا زغرطي يأ أم أحمد وعليه العوض ومنو العوض ... وممكن الي واقف في نص الشارع ده بيصلح عربيتو يضربك ويقولك انتا الي خبطني وانتا الي جي بتجري ... وينسى أساساً أن ده مش مكان وقفه أساساً . هههههههههههههه وعجبي . وربنا يستر طريقكم يارب .

**egyptiandiver** · 12-02-2012 12:27 PM

سرعة 140 + إنفجار = انك واللي معاك تتشهدو ! أول حاجة شيل رجلك من على البنزين تاني حاجة امسك الدركسيون باحكام, تلاتة شعر فرامل و إدي الجير الاقل و أكيد شغل الرباعي، و أولاً و أخيراً متمشيش أساساً كدة إنت فاكر نفسك في سويسرا اللي الحارة اللي الإتجاه الواحد فيها على الاتوستراد 8 حارات منهم حارة للسرعات إلي فوق 200 كم في الساعة، هناك الاسعاف طائر علشان الانسان هناك غالي! هنا لما تعمل حادثة عقبال لما الاسعاف تتحرك و تجيلك تكون إتشليت أو مت و لا جتلك عاهة مستديمة ! و مين هيصرف على علاجك و يصرف على أسرتك و عليك? التأمين الصحي ولا التأمينات الاجتماعية؟ ماهو طبعاً المعاش مهيقلش عن 10,000 جنيه مش كدة؟ ربنا يسترها علينا جميعاً.

**Land_Cruiser** · 12-02-2012 12:31 PM

المشاركة الأصلية كتبت بواسطة eng.m mahran

محدش يقدر يقول هيعمل ايه كل واحد و نصيبه و الى ربنا هيلهمه بيه

**egyptiandiver** · 12-02-2012 12:35 PM

على حسب معلوماتي نص شعب مصر أو 42% من الشعب ما يعرفوش الالف من كوز الدره! يعني عربيات اديما و قطع غيار كتير مضروبة و مكانيكية كتير مش كلهم طبعاً شغالين بنظام الفتي! و طرق ذي ما حضرتك شايف و 140 كم و مستني إيه بعد كدة حضرتك؟

**agwaa** · 12-02-2012 02:47 PM

المشاركة الأصلية كتبت بواسطة egyptiandiver

على حسب معلوماتي نص شعب مصر أو 42% من الشعب ما يعرفوش الالف من كوز الدره! يعني عربيات اديما و قطع غيار كتير مضروبة و مكانيكية كتير مش كلهم طبعاً شغالين بنظام الفتي! و طرق ذي ما حضرتك شايف و 140 كم و مستني إيه بعد كدة حضرتك؟

العناية الإلهية

**agwaa** · 12-02-2012 02:58 PM

المشاركة الأصلية كتبت بواسطة hosar

انا مرة حصلت معايا و انا راجع من مطروح بالليل و داخل على كمين ( الحمام ) و كان تحت منحدر فوجئت بالعجلة اليمين الامامية انفجرت .... و طبعا يا أقف بالفرامل يا أشيل الكمين ...
بس الظابط شال الساتر بسرعة و عدانى و يادوب وقفت بعد الكمين ب 50 متر تقريبا و عدت سليمة

طبعاً ربنا كتب لك الخير وسخر لك الظابط إبن الحلال ( سريع البديهة ومتعاون كمان )

**hosammoner** · 12-02-2012 03:18 PM

اللهم اللطف بنا فى قضائك وقدرك لطفا يليق بكرمك يا ارحم الراحمين

مشكلتنا اننا بنستخف بعمر الكاوتش يبقى عمر الكاوتش مثلا 40 الف كيلو تلاقى ناس ماشية بيه لغاية80 الف واكتر ويقولك ماهو شغال زى الفل اهو ما فيهوش لحمات وهو مش عارف ان السلك ضارب جواه والنقشة اتمسحت وعالى وواطى انا عارف طبعا ان الكاوتش غالى جدا لكن احنا كمان اغلى بكتير وربنا يسترها معانا كلنا

**Ramyhamdy** · 12-02-2012 08:31 PM

حصلت معايا بعد ما خرجت من بوابات مارينا الصيف الي فات كنت ماشي علي ١٦٠ و العجله الخلفيه يمين انفجرت بس الحمد لله كانت العربيه محمله جامد جدا و كانت علي الارض اصلا فا يمكن ده الي خلاها متتقلبش و الحمد لله ده ستر ربنا عليا انا و ولاد عمي و مسكت فرامل براحه جدا و نزلت في الرمله الي علي يمين الطريق .. فبصراحه في المواقف الي زي ديه بيبقي ستر ربنا عليك هو الاصل بعد كده المفروض بيبقي تقدير لسرعتك و سرعه تصرفك

نفس الموقف حصل لابن عمي علي الصحراوي و كانوا ٣ في عربيتوا و انفجرت العجله الاماميه يمين و اتقلبوا بالعربيه بس الحمد لله طلعوا باصابات خفيفه .

فا ياريت محدش يثق في عربيتوا حتي لو bmw . انا دايما و انا ماشي علي سرعات ببقي متوقع اي حاجه تحصل و خصوصا من الكاوتش .. يلا ربنا يسترها علينا كلنا يارب

-

الموضوع: لقدر الله والكاوتش انفجر هتعمل ايه؟؟

LinkBack

أدوات الموضوع

عرض

-

-

-

-

-

-

المواضيع المتشابهه

تم بحمد الله تغيير الجنوط والكاوتش للانوس

حد عاوز اكصدام نيو انترا مستعمل خفيف لا حد عامل حادثه لقدر الله

الكاوتش الامامى انفجر !

كاوتش الجيتا انفجر

لو حصل شىء لقدر الله اياك و الاتصال على 112

الكلمات الدلالية لهذا الموضوع

المفضلات

المفضلات

ضوابط المشاركة