الموضوع: هي النفسنة و الشلللية من بعض الاعضاء وصلت للدرجة دي !!!؟؟

السلام عليكم

بصراحة عمري ما كنت اتمنى و لا اتخيل ان يجي يوم و اكتب موضوع زي دا عن بعض اعضاء المنتدى اللي استفدت منه كتير جدا و احترمت اعضاؤه جدا جدا جدا للي شفته منهم خلال فترة مشاركاتي في المنتدى و اللي تقريبا وصلت تلات سنين مشفتش فيها غير كل تعاون و احترام متبادل و حب للخير بين كل الاعضاء

لكن للاسف دوام الحال من المحال و مؤخرا اصبح فيه بين بعض الاعضاء خليط من النفسنة و الغل و الحقد و العداوة - سموها زي ما تسموها لان المسميات كتير - لدرجة ان بعضهم يتجمعوا مع بعض في رابطة او شلللية ضد اللي مش عاجبهم او اللي مختلفين معاه في الرأي و هااااااااااتك يا تقارير مشاركة بالاتفاق مع بعض طبعا اما عن طريق الرسايل الخاصة او عن طريق الشات في مواقع تانية و طبعا سيرة اللي هما مختلفين معاه مابتجيش بكل ادب و احترام - و دي تيجي - بالطبع الامر لا يخلوا من شتيمة كدا و تريقة كدا و الامر وصل في بعض الاحيان لاختراع اسامي مستعارة للشخصيات دي على وزن اساميهم اللي على المنتدى و لكن بطريقة استهزائية و معيبة

و الاسواء من كل دا ان بعض الاشخاص دول ممكن يكون عامل صاحبك و معاه تليفونك و تكون خدمتوا قبل كدا و عندك عالفيس و كل ما يشوفك يقولك حبيبي ازيك واحشني موووت و من ضهرك بيشتم فيك و بيتريق عليك و اضعف الايمان مابيردش غيبتك

السؤال بقى ليـــــــــــــــــــــــ ـــــــــــــــــــــــــ ــــــــــــــه؟؟؟؟؟؟؟؟؟

هل احنا اشتركنا في المنتدى عشان توصل علاقتنا ببعض للمستوى دا ؟؟ ولا عشان بنفيد و نستفيد و نتبادل الاحترام و الثقة ؟

هل اختلافنا مع بعض في الرأي ايا كان الموضوع سياسي ولا اجتماعي ولا في العربيات ولا اي حاجة يستدعي ان الناس تعمل كدا في بعض و تطعن بعض في الضهر و تغتاب بعضها بالمنظر دا ؟

هل لو عضو زميل ليك في المنتدى حصل و اختلف معاك او حتى ضمنيا غلطتوا في بعض و ماتوقفش ولا ماتعقبش و انت اتوقفت يبقى كدا هوا يستاهل اللي يجرالو و اللي يتقال عليه و انكم تعملوا عليه حفلة و تتصيدولوا الاخطاء و تتفقوا عليه ؟

هل لو بينك و بين اي شخص من الادارة او الاشراف خلاف دا يديك الحق انك تسخر منهم و تعمل بوستات تتريق فيها عليهم انت و اللي موافقينك في الرأي ؟؟

هل لو في منافسة بينك و بين اي عضو في المنتدى في مجال ما دا يديك الحق انك تعيب فيه و تجيب في سيرته بما لا يرضي الله و تدعي عليه ما ليس فيه ؟؟

هل لو في عضو محترم بيرد غيبة عضو تاني بيحبوا و بيحترموا و مايرضاش يسمع شتيمتوا و يسكت يستاهل انه يتشبه باحد الحيوانات اللي تتصف بالاخلاص لصاحبها ؟؟

مليون هل و هل و هل و هل ممكن تتقال و الاجابة متروكة لحضراتكم بس اخيرا احب اقول لهؤلاء الاشخاص كلمة اخير و مش هاستشهد بحديث ولا باية قرانية عشان ماتبقاش التريقة اللي جاية ( دي جاية تعمل شيخة علينا ) هاقولهم بس كما تدين تدان و باهديلهم الجملة اللي في توقيعي

ملحوظة : المنتدى دا قايم على الناس اللي بيحبوه و الناس اللي بيحبوا و يحترموا بعض من خلاله مش على الناس اللي داخلة تنفسن

و ربنا يهدي النفوس

تم اغلاق الموضوع بناء علي طلب صاحبته
مشرف عام 1