هي النفسنة و الشلللية من بعض الاعضاء وصلت للدرجة دي !!!؟؟

**aly_hosny** · 12-02-2012 05:32 AM

في ناس مبتحترمش الاختلاف في الراي
وشايفها انها لما تتريق او تشتم الشخص ال بتكلمه كدا هو حصل على مراده
انا الاول كنت برد على ال يغلط فيا "بكلم على النت فقط" دلوقتي بقيت اتجاهله لاني عارف ان دا هيخليه ياكل في نفسه
يعني مثلا لو اقدر بكل بساطة امسح الكومنت بتاعه و اعمله بلوك لو على الفيس
لو هنا على المنتدى بعمل تقرير و استنى رد الادارة عشان لو مش كدا اقدم شكوى
وفي كل الاحوال حقي هاخده

و بصراحة انا شايف ان الادارة مش زي ما الناس بتصور
هو ممكن الاختلاف معاها حصل عشان الادارة مطبقتش القوانين بحذافيرها في موضوعات"Themes" معينة كنوع من التخفيف على الاعضاء و زي ما الاستاذ كريم كان ذكر انه قال للمشرفين يخفو ايديهم في الايقاف في الموضوعات السياسية ف دا ادى ان ممكن مشرف يخف ايده اوي ومشرف لأ

**ahmad--ezzat** · 12-02-2012 06:22 AM

اعتقد معظم الكلام والنفسنه والحجات دى فى المنتدى الاجتماعى غير كده لا
المنتدى الاجتماعى سبب المشاكل
المنتدى الاجتماعى سبب وقف 98% من الاعضاء الموقفين
المنتدى الاجتماعى على طول خناقات وبقيت بخاف ادخله اصلا الا لو هسال عن شىء معين فقط
المنتدى الاجتماعى كله سياسه ومشاكل دة غير العلاقات الزوجيه والعلاقات الغير مشروعه اللى كانت فى فتره من الفترات. والدليل...الجمل حيوان اليف ياكل العشب..بصراحه كانت حاجه تقرف
اصبح نايل موتورز منتدى اجتماعى اكتر من انه منتدى سيارات
ياريت نمنع اننا نتكلم فى السياسه دة مش منتدى سياسى ومن زمان بنحكى فى القصه دى

**hobiko** · 12-02-2012 08:10 AM

الموضوع اللى بتقولى عليه يا أنسه دونزى بسيط

فى اللى أكبر من كده

ايه رأيكم فى اللى شغال مخبر على الناس اللى فى المنتدى و عنده استعداد يبعت فيهم تقارير أمنية خصوصا المشاركين فى قسم أحوال الشارع الثورجية من مناهضى حكم العسكر ؟؟؟!!!

ده المفروض نقول فيه ايه ؟؟؟!!!!

**ezzatfox** · 12-02-2012 08:44 AM

[QUOTE=hobiko;3874107483]الموضوع اللى بتقولى عليه يا أنسه دونزى بسيط

فى اللى أكبر من كده

ايه رأيكم فى اللى شغال مخبر على الناس اللى فى المنتدى و عنده استعداد يبعت فيهم تقارير أمنية خصوصا المشاركين فى قسم أحوال الشارع الثورجية من مناهضى حكم العسكر ؟؟؟!!!

ده المفروض نقول فيه ايه ؟؟؟!!!![/QUOTE

و الشخص دة موجود هنا ؟

**human** · 12-02-2012 08:54 AM

اولا

هو العضو بيعرف منين ان فية تقارير مشاركة اتبعتت فية ممكن كدة نعرف العضو مين الى بلغة بكدة ؟؟؟؟؟؟؟؟؟؟؟؟
و مين الى ممكن يمسح بوست معين لعضو ما علشان ما يتحاسبش مش دة العدل برضو و لا هو نسبى

المشاركه ديه من العضو العزيز هشام زكى فى بوست لدونزى
المشاركه ديه مش لاقيها فى الموضوع

اتمسحت ازاى؟؟!!!

المشاركة الأصلية كتبت بواسطة hobiko

الموضوع اللى بتقولى عليه يا أنسه دونزى بسيط

فى اللى أكبر من كده

ايه رأيكم فى اللى شغال مخبر على الناس اللى فى المنتدى و عنده استعداد يبعت فيهم تقارير أمنية خصوصا المشاركين فى قسم أحوال الشارع الثورجية من مناهضى حكم العسكر ؟؟؟!!!

ده المفروض نقول فيه ايه ؟؟؟!!!!

اللى عايز يبلغ يبلغ ... انت بتعمل حاجه غلط؟؟؟ ده احنا هنا ماسكين نفسنا فى الكلام ... لو على كده الفيسبوك بتاعنا ممكن يدخلنا جهنم

-
ثانيا
بالنسبه للموضوع المطروح من قبل دونزى

انا مش عارف انت زعلان ليه؟ ماللى يبعت يبعت و اللى يعمل يعمل .... اعمل انت الصح و ماتتفاجأش ان الانسان مجرد انسان
عشان كل ما هتحط امل كبير على الانسان كل ما هتتعب

كلنا بنخطى و نصيب و مافيش حد وحش طول الوقت ولا حل طول الوقت

وانت ممكن تبقى شايف الموضوع من زاويه الضحيه و ممكن يكون اللى بتتكلموا عليهم شايفين نفسهم ضحيه برضه

و الاعضاء اللى بيقولوا المشاكل ده مكانتش موجوده و زمان و مش زمان
انتم نسيتم اللى حصل فى 2008 و 2009؟؟ ده كان مهرجان الوقف للجميع و شلل فعليا و اعتراضات بالجمله و بانرز للاعتراض فى التوقيع
يعنى اللى احنا فيه دلوقتى لا يرقى للمستوى السابق فى ااختلاف لسه

ولا نسيتوا اللى حصل 2010؟ و الوقف اللى حصل و التراشق فى كل مكان فى المنتدى ده احنا روحنا وراهم منتدى تانى!!

**hobiko** · 12-02-2012 09:09 AM

المشاركة الأصلية كتبت بواسطة human12

اللى عايز يبلغ يبلغ ... انت بتعمل حاجه غلط؟؟؟ ده احنا هنا ماسكين نفسنا فى الكلام ... لو على كده الفيسبوك بتاعنا ممكن يدخلنا جهنم

اللى عايز يبلغ طبعا براحته و لا تفرق خالص اذا كنا بننزل المظاهرات قدام وزارة الدفاع و قدام المنطقة الشماليه فى اسكندرية

حنخاف من الكلام اللى بنقوله على المنتدى أو على الفيس بوك :)))))

أنا بس مستغرب من اللى عنده استعداد يعمل كده فى زمايله فى المنتدى و فى المنتدى نفسه و هو عارف ان ممكن حد تانى مالوش ذنب رجله تيجى فى الموضوع

أنا بس بستغرب على نفوس الناس مش أكتر

**shadygalal669** · 12-02-2012 09:10 AM

انا عندي 22 يعني اصغر من اغلب الناس هنا
بس ردي علي اللي مكتوب ده .. نفوس ضعيفه فعلا وعيب لما تبقي شخص المفروض مسئول وتخطيت المرحله دي ويصدر منك الافعال اللي الاستاذه دونزي بتقول عليها

**A7MED_PHARMA** · 12-02-2012 09:29 AM

المشاركة الأصلية كتبت بواسطة charming

من وجهة نظرى وقناعتى الشخصية انا بقول ان الادارة الحالية هى افضل و اصلح ادارة فى تاريخ المنتدى :)

أنا مش معاك في دي
الإدارة مش فعل واحد .. يتحكم عليه بإنه كويس في المطلق .. أو سئ في المطلق
مواقف ومواقف
كريم نفسه مش بقا موجود زي الأول .. عنده إهتمامات تانية
=====
النقطة الأهم وسبب مشاركتي في الموضوع
الــشــلللــية
مين قال إنها عيب .. أصحاب أو أصدقاء بقوا شلة بموقف موحد
دي مش عيب

العيب إنهم يتحيزوا ضد شخص بعينه لسبب تافه أو خلافه
النفسنة بقا حاجة تانية خالص..مش هتكلم فيها أساسا

جوايا كلام كتير يخص أعضاء كتير .. لكن مش عاوز أخسر حد
صباح الخير

**A7MED_PHARMA** · 12-02-2012 09:46 AM

ولا نسيتوا اللى حصل 2010؟ و الوقف اللى حصل و التراشق فى كل مكان فى المنتدى ده احنا روحنا وراهم منتدى تانى!!

دي تحديدا أنا كنت طرف كبير فيها
وربنا يعلم إني لما كونت هناك(وإنتوا شوفتوا الكلام ده).. لما كنت بروح هناك أحاول أهدي النفوس
إتشتمت وأخدت كلام في إجنابي من شباب .. مش عندها فكرة في دماغها غير الإنتقام لصديق ليهم بدون وعي لأبعاد المشكلة .. وبدون مايكون عندهم خلفية
وإعتبروني دسيسة .. وراجل (بارد) ومعنديش دم ...إلخ ... إلخ

ودي حاجة حرقت دمي
كان صعبان عليا والله أشوف خناقة بين شباب حتى مايعرفوش بعض.. لكن لمجرد إنك تنتمي لموقع منافس.. بقيت وحش .. و... و.... و .....

**nevozaky** · 12-02-2012 09:53 AM

المشاركة الأصلية كتبت بواسطة donzi

اللهم امين

بس فرق كبيييييييييييييير بين الرأي او النقد المحترم و بين الغيبة و النميمة و الاستهزاء

على الاقل اللي غلط على العام دا مكنش بوشين و قال اللي في قلبه صراحة بدل ما يغتاب حد او يشتم فيه من ورا ضهرو

محدش عارف ايه اللى بيتقال على الخاص او العام
يعنى ممكن اللى بيغلط فى حد على العام .بيعمل اكتر من كده على الخاص .
الله اعلم بنوايا البشر

المساْلة مش وشين او وش واحد .احيانا بتحصل مواقف وكلام بيخلى الواحد يغير راْيه فى انسان كان شايف اسلوب كلامه كويس وذوق وفجاْة اكتشف ان اسلوب كلامه مش كده وبيغلط فى الناس
فطبيعى وقتها هيغير راْيه .

وتغيير الراْى ده مش شتيمة .ممكن حد يبقى الانسان اللى اودامه انسان هوه من وجهة نظره شايفه مش لطيف او غلس او بيتكلم باسلوب مش كويس .لما يقول كده مثلا ده مش بيشتمه

دى وجهة نظره .هوه مش بيعيب فى اخلاقه مثلا علشان نقول ده شتمه .
واكيد الغيبة والنميمة موجودة بس المهم انها تبقى مقصودة واكيد ربنا اللى هيحاسب الناس ويعلم ببواطن الامور ونوايا البشر

وتعبيره عن راْيه ده مش غلط فيهم بقدر ما ان ده وجهة نظره

فى الحالة دى مش هيبقى بوشين .بالعكس ده انسان صريح مع نفسه ومتفق مع ارائه

جايز بس الناس ما بتحبش تجرح حد علشان كده مش بتقول ارائها على العام

مفيش حد هيعجب كل الناس ولا اسلوبه يعجب كل الناس

ده الانبياء الناس اختلفت عليهم .امال احنا بقى كافراد عاديين هيحصل ايه .