الموضوع: سؤال بخصوص اختلاف الألوان في الطباعه

المشاركة الأصلية كتبت بواسطة SYD

بصراحة انا الحاجة الوحيدة الي افهم فيها هو الجزء الأخير من اخر سؤال وفي الطباعه يكون مطابق لألوان الشاشه ؟

صعب جدا حضرتك تقدري تطلعي علي الورق نفس درجة اللون علي الشاشة

وللأسف دي مشكلة عند الكثير من المصممين لما بيوروا الزبون الشغل علي الكمبيوتر وبعد كدة تتم الطباعة الزبون بيتخانق ويقول مش هي دي درجة اللون الي اتفقنا عليها

اعتقد صعب شوية توحيد الدرجة بين الشاشة والطباعة علي الورق

والله المستعان
،
،

شاكره لحضرتك محاولة المساعده
هي مشكله فعلا لو العميل بيتفق على الوان ويجدها مختلفه عند الطباعه بس اعتقد الأعمال الدعائيه ممكن يكون لها تقنيات مختلفه في الطباعه

المشاركة الأصلية كتبت بواسطة beshomilan

اعتقد ان دى راجعة للمكن بتاع الطباعة
ولو مكن بيقدر يطبع على كثافه بيكيل عاليه و dpi عالى هتقدرى توصلى لاقرب لون للتصميم
بس ده هيكون مكلف جدا ومش فى اى مكان

شكرا لحضرتك
انا فكرت في كده فعلا لأني طبعت قبل كده في زيروكس بس كانت اعمال مصممه على 3d max
وكانت الألوان تقريبا مطابقه بدرجه كبيره للتصميم المقدم
والحقيقه مش عارفه إذا كان ده فرق مكنة الطباعه ولا ممكن يكون اختلاف نوع الورق او البرنامج نفسه مطلوب يتعدل حاجه فيه

المشاركة الأصلية كتبت بواسطة madyyuri

شوفي بروفايل المكنة بتاعة الطباعة اللي هتطبعي عليها ايه وبتستخدم انهي نوع من فصل الالوان
واستخدمي نفس البروفايل ده في البرنامج اللي بتصممي بيه، دا طبعا بعد ما تعملي معايرة للشاشة بالبروفايل الجديد

لو ممكن توضيح اكتر لموضوع بروفايل الطابعه والبرنامج
وازاي اعمل معايره للشاشه
ومتشكره جدا لحضرتك