تجربتي مع منظف الانجكشن ليكوي مولي

**hany63** · 14-02-2012 11:19 AM

هو الصوت بيهدي والسحب بيزيد في نفس الوقت و متهيألي لو كان لزوجه عاليه كان السحب قل

**hany63** · 14-02-2012 11:24 AM

استاذ سامح
ياترى درجه لزوجه شل ايه؟ وبيقعد اد ايه؟

**SAMEH_FOUAD** · 14-02-2012 11:59 AM

المشاركة الأصلية كتبت بواسطة hany63

استاذ سامح
ياترى درجه لزوجه شل ايه؟ وبيقعد اد ايه؟

درجة اللزوجة 10W-40 وبيقعد 7000 كم

وبجد يعنى مع احترامى لكل الشركات محركات ال SiR بتبقى محتاجة زيت يحافظ على خواصة مع درجات الحرارة العالية والصراحة الزيت دة ماشاء الله كويس جدا بيس انا عشان بجرى كتير بغيرة عند 5000 كم او 6000 كم وبيكون ناقص 200 جم فقط

**SAMEH_FOUAD** · 15-02-2012 09:29 AM

تمام هو نصف تخليقى مش تخليقى كامل

بس المشكلة انى لما كنت بحط الشيل الالترا صوت المحرك كان اعلى من دة وبعدين اصبح الشيل الالترا تجميع مصرى ودة قلقنى الصراحة عشان كدة مرتاح لدة

دة كمان فية نوع انواع جديدة نزلت من شيل فى الخارج معملوين للجرى فقط ودرجة لزوجتهم
5w-60 انت متخيل درجة الحرارة يعنى اجرى براحتك وماتقلقش على خواص الزيت مع السرعات او الحرق على الغيارات

كمان فية موديل نزل محسن من الشيل بلس hx7 ونزل بمواد اضافية يارب ينزلوة هنا اشترية فورا

**mohamed_mm** · 15-02-2012 12:10 PM

السلام عليكم
ممكن اعرف كيفيه استخدام منظف الرشاشات وسعرة كام شكرا

**SAMEH_FOUAD** · 15-02-2012 01:07 PM

المشاركة الأصلية كتبت بواسطة أبو عبدالله

انا معاك انها حاجه تقلق ولكن بصراحه الكاسترول جامد وحلو جدا
انا مجربه دلوقتي واداء ولزوجة انا عامل به اكتر من 10 الاف كم لحد الآن والله لزوجته نفس الجديد بالظبط الفارق لو الحرق بتاع الماتور يعني انا شوفت لزوجته وعندي منه شوية باقي في العلبة بتاعته جديد وقارنت بين الأتنين اللزوجة هيا بالظبط لحد الآن

طيب مش غريبة ان الزيت يكون محتفظ بنفس اللزوجة حتى بعد مرور اكتر من 10 الاف كيلو اكيد فية حاجة غلط انا مش بشكك فية بس انا فعلا قلقان من الزيوت الموجودة حاليا واشمعنى ظهرت فى مصر دلوقتى , كنا بنسمع عنها بس عمر محد فكر يشتريها

الشيل معروف وموثوق فية كل القلق فى الزيوت الجديدة انها تكون بتعتمد على مواد بتقلل الصوت بس بتضر المحرك , او بتنهار خواصها فى الحرق على الغيارات ودة اللى انا خايف منة

**SAMEH_FOUAD** · 15-02-2012 01:24 PM

المشاركة الأصلية كتبت بواسطة mohamed_mm

السلام عليكم
ممكن اعرف كيفيه استخدام منظف الرشاشات وسعرة كام شكرا

منظف الرشاشات يتم استخدامة عن طريق رشة فى المانيفولد بتاع السيارة

هو فى طريقتين : 1- والمحرك شغال

2- والمحرك مش شغال

بس ميزة الطريقة اللى بتتعمل والمحرك شغال انة بيحافظ على البوجيهات شوية عشان الحرق بيبقى شغال وانت بتنظف اول بأول

لكن الطريقة والمحرك لا يعمل بتبقى بعديها البوجيهات تعبت ولازم تتغير

وعموما انت بتفك ماسورة الهواء وبترش على البوابة من جوة وبعد كدة بتدوس بأيدك على بكرة الاكسراتير عشان المنظف يتسحب وهتلاقى طبعا العربية بتقطع معاك عشان انت دخلتلها نسبة مواد مشعلة اكتر , وهتلاقى دخان ابيض من الشكمان ماتقلقش

المهم تضغط وتسيب بالراحة لحد ماتلاقى العربية انتظمت تروح سايبها دايرة بتاع عشر دقايق لحد ماتقفل العمة تانى ثم تنطلق بالعربية شوية كدة

وفية نوع تانى بيتحط فى التانك وبيتحط مع التفويلة وتروح ماشى بية وطول شوية فى نقل الغيارات وماتمونش تانى غير لما التفويلة دية تخلص

السعر : منظف الانجيكشن : 45 جنية وفية 35 حسب المنتج طبعا احسن حاجة يأما الاصلى او شوف بتاع ليكوى مولى او الانواع الامريكية الصنع بلاش الكورى والصينى والحاجات دية مش فعالة زيهم

منظف دورة الوقود ( بيتحط مع البنزين ) : دة 35 جنية الى 40 جنية حسب البنزينة اللى هتشتريها منة