الموضوع: يا اهل قسم المقارنات مقارنه حيويه بين اللوجان و الفيرنا الاتوماتيكيه

شكرا على الرد يا اخ محمد

موتور اللوجان المانيوال 1600 سي سي 8 صباب 90 حصان اما موتور اللوجان الاوتو 1600 سي سي 16 صباب حوالي 105 او 106 حصان تقسيمة الحوض في العربيتين مختلفة و كذلك شكل الموتور أما بالنسبة للصيانة انا بمشي باللوجان حوالي 20000 كم في السنة التكلفة السنوية حوالي 1200 جنيه أي بمعدل 100 جنيه شهري المبلغ ده شامل الزيوت و المصنعيات و الفلاتر و جميع قطع الغيار المقررة للصيانة الدورية.
أنا زميلي في الشغل معاه فيرنا و عمل صيانة ال 10 في التوكيل دفع حوالي 550 جنيه في حين إني دفعت للوجان 440 جنيه فلو هاتصين في التوكيل الفيرنا و اللانوس و اللوجان كله واحد مش هيفرق كتير.
في ميزة كبيرة في اللوجان ان المكونات الداخلية كلها تقريبا اوروبية لكن هتلاقي من مكونات الفيرنا او اللانوس مكونات صيني او مصري

المشاركة الأصلية كتبت بواسطة matschuck

موتور اللوجان المانيوال 1600 سي سي 8 صباب 90 حصان اما موتور اللوجان الاوتو 1600 سي سي 16 صباب حوالي 105 او 106 حصان تقسيمة الحوض في العربيتين مختلفة و كذلك شكل الموتور أما بالنسبة للصيانة انا بمشي باللوجان حوالي 20000 كم في السنة التكلفة السنوية حوالي 1200 جنيه أي بمعدل 100 جنيه شهري المبلغ ده شامل الزيوت و المصنعيات و الفلاتر و جميع قطع الغيار المقررة للصيانة الدورية.
أنا زميلي في الشغل معاه فيرنا و عمل صيانة ال 10 في التوكيل دفع حوالي 550 جنيه في حين إني دفعت للوجان 440 جنيه فلو هاتصين في التوكيل الفيرنا و اللانوس و اللوجان كله واحد مش هيفرق كتير.
في ميزة كبيرة في اللوجان ان المكونات الداخلية كلها تقريبا اوروبية لكن هتلاقي من مكونات الفيرنا او اللانوس مكونات صيني او مصري

كلامك مضبوط انا لما قارنت بين اسعار صيانه اللوجان و اسعار صيانه فيرنا بتاعت واحد صاخبى عامله 50 الف دلوقتى

لقيت الفرق مش كبير اوى . طبعا اللوجان اعلى فى الصيانات الزوجيه زى ال 20 و ال 40 و ال 60

و اقل فى الفرديه زى ال 10 و 30 بس الفرق مش عالى اوى يعنى تقريبا من 15 ل 25 % زياده

يعيب اللوجان قله عدد مراكز الخدمه مقارنه ب الفيرنا

بس طبعا لو بتتكلم على قطع الغيار بره التوكيل حتلاقى الفرق راح للفيرنا على طول

المشاركة الأصلية كتبت بواسطة ashouhdy

للاسف اختلف معاك كليا

عفشة الفيرنا انعم جدا من عفشة اللوجان ولو حتتكلم على الفئة السعرية بتاعتها فيمكن تقول من افضل وانعم العفشات

لو حنتكلم عن الثبات : هل مطلوب من عربية ب 70 الف انها تتقارن بالثبات بعربيات ب 140 الف و 150 الف مثلا ؟

ولو مفهومك على الثبات انا كنت مجنطها 15 وباخد غرز قطم على 160 وكان ثباتها بالنسبة ليا مرضى جدا على 160 كمان وبالغرز

غير ان لا فى عيب تصميم ولا عيب شاسية ! انا مش فاهم جبت الكلام دة منين ومن انهو موقع ... العربية دى اخدت جوائز كتير accent 2004 ومنها افضل عربية اعتمادية وافضل استهلاك بنزين فى فئاتها

ثالثا : هى اية اللى بتكركر دة ! هى تريسيكل يابوب ولا اية ؟ ولية عمرها مكركت معايا ؟! وهو فى حد بيشغل تكييف ويطلع على التانى اساسا ؟!!!

رابعا اية موتور الفيرنا معمر جدا جدا واسأل الليبين اللى الفيرنا عندهم بتكسر العداد (مليون) كيلو من غير عمرة اساسا ! زائد ان موتور الفيرنا ال 1600 معروف يعنى قوتة 2 كامة وعزمة 142 نيوتن على 3000 ار بى ام (بس) !

رابعا : نيجى للفرامل ! انا كنت رافع فيديو من 100 الى 0 وقفت فى خط مستقيم اهو

Hyundai Accent Verna Brake Test on less than idle road surface - YouTube

عربتى دى على فكرة ! وانا اللى سايق ! يعنى لا قلبت ولا لفت ولا عومت ! وكبسة فرامل على فكرة !


كلمنى انت بقى عن !

اسعار قطع غيار اللوجان خشونة اللوجان وكلمنى عن اعتمادية موتور الميجان ولا اقولك اعتمادية الميجان كلها !

ياراجل دة احنا جايبين لعربية كليو طقم اسطوانة دبرياج ب 1100 وكل شوية مشاكل واعطال وعربية صاحبى ميجان 2008 كلها مشاكل دة بيخاف يمشى بيها فى المطرة لتضرب حساس !

اعتمادية رينو اية بس ياباشا خليك واقعى !

بقولك 3 سنين و 70الف ومغيرتش غير تيل فرامل !! والتانية الاوتو 240الف وغيرت طقم دبرياج بس و تيل !

مع الفيرنا متتكلمش على اعتمادية ابدا !

مش بقولك احسن عربية ولا افضل الافاضل ... بس بديها حقها ... ولو حد فى الشريحة السعرية دى كل همة عربية ناعمة بلا اعطال واتوماتيك وقطع غيارها رخيصة جدا وسعر اعادة بيع رائع وتتباع هوا وانت بتشرب كوباية الشاى يبقى الفيرنا من افضل الاختيارات

هو دة الكلام والله..

انا معايا لوجان مانيوال فول ابشن 2011 و بصراحة العربية جميلة جدا و تتفوق على الفيرنا المانيوال فى كل حاجة ماعدا:
1- الفيرنا انعم و سحبها افضل .
2- قطع غيار الفيرنا رخيصة و موجودة فى كل حتة .
3- اعادة البيع افضل .
4- انعم من اللوجان .
5- تكيفها بيرطب الجو اسرع .
لكن اللوجان :
1- ثبات افضل .
2- اعتمادية افضل .
3- توكيل افضل .
4- عالية عن الأرض .
5- واسعة و ركوبة اريح من الفيرنا .
6- شكل افضل سواء من الداخل و الخارج و اسم افضل و كمان برستيج .
7- صاج و عفشة اقوى .
8- ابشنز اكتر " كمبيوتر رحلات " .
9- وسائل امان افضل بكتر من الفيرنا اللى بتخلوا تماما من وسائل الأمان و بالنبة للعضو المحترم اللى بيقول انها واخدة 3 نجوم من 5 نجوم فى اختبار السلامة الأوروبى احب اقوله الكلام دة مس صحيح و ان اللوجان هى اللى واخدة 3 نجوم من 5 نجوم فى الأختبار .
10- فرامل افضل كتير من فيرنا و على الطرق السريعة و المفتوحة بتشعرلها فرامل بس .
11- كمان تقفيل و خامات اللوجان افضل كتير من الفيرنا .
12- مصفحة من تحت .
" من الأخر لو عاوز عربية ركوبة محترمة و تريحك و فى نفس الوقت برستيج هات اللوجان لكن لو عاوز عربية سوق هات فيرانا و السرعة مش كل حاجة و يا فرحتى بعربية طلقة مع ثبات ضعيف و وزن خفيف و فرامل رايحة فى داهية و كمان يا فرحتى بعربية قطع غيارها رخيصة و مضروبة "
فى النهــــــــــــــــــــت اية انا قولت رأيى بصراحة و نقلته عن تجربة و مش عاوز حد يزعل منى .
و يا ريت كمان نضم الساجا للمقارنة بدلا من الفيرنا .
و متنساش انك بتقارن عربية اوروبى تقفيل مغربى بعربية كورى تقفيل مصر و متنساش انك بتقارن رينو عامة بهيونداى .

المشاركة الأصلية كتبت بواسطة M_SALLAM

انا معايا لوجان مانيوال فول ابشن 2011 و بصراحة العربية جميلة جدا و تتفوق على الفيرنا المانيوال فى كل حاجة ماعدا:
1- الفيرنا انعم و سحبها افضل .
2- قطع غيار الفيرنا رخيصة و موجودة فى كل حتة .
3- اعادة البيع افضل .
4- انعم من اللوجان .
5- تكيفها بيرطب الجو اسرع .
تكيفها افضل و اقوى
لكن اللوجان :
1- ثبات افضل .
ماشى موافق

2- اعتمادية افضل .
لا الاتنين واحد
3- توكيل افضل .
ماشى
4- عالية عن الأرض .
اكيد
5- واسعة و ركوبة اريح من الفيرنا .
فعلا
6- شكل افضل سواء من الداخل و الخارج و اسم افضل و كمان برستيج .
لالالالالالالالالالا لا من الخارج ولا من الداخل و كفايه موضوع زارير الزجاج و بعدين هو فين البرستيج فيها كفايه لما الناس تخش العربيه تقعد تقولك هو ايه اللى جاب زرار الازاز هنا
7- صاج و عفشة اقوى .
صاج واحد الاتنين ضعاف عفشه ماشى (بس الفيرنا عفشتها انعم )
8- ابشنز اكتر " كمبيوتر رحلات " .
+ مالتى فانكشن كمان
9- وسائل امان افضل بكتر من الفيرنا اللى بتخلوا تماما من وسائل الأمان و بالنبة للعضو المحترم اللى بيقول انها واخدة 3 نجوم من 5 نجوم فى اختبار السلامة الأوروبى احب اقوله الكلام دة مس صحيح و ان اللوجان هى اللى واخدة 3 نجوم من 5 نجوم فى الأختبار .
الامان انا شايف الاتنين واحد فى الحته دى تتفوق اللوجان فى الايرباج

10- فرامل افضل كتير من فيرنا و على الطرق السريعة و المفتوحة بتشعرلها فرامل بس .
ماشى
11- كمان تقفيل و خامات اللوجان افضل كتير من الفيرنا .
فعلا
12- مصفحة من تحت .
الاتنين كده
" من الأخر لو عاوز عربية ركوبة محترمة و تريحك و فى نفس الوقت برستيج هات اللوجان لكن لو عاوز عربية سوق هات فيرانا و السرعة مش كل حاجة و يا فرحتى بعربية طلقة مع ثبات ضعيف و وزن خفيف و فرامل رايحة فى داهية و كمان يا فرحتى بعربية قطع غيارها رخيصة و مضروبة "
فى النهــــــــــــــــــــت اية انا قولت رأيى بصراحة و نقلته عن تجربة و مش عاوز حد يزعل منى .
و يا ريت كمان نضم الساجا للمقارنة بدلا من الفيرنا .
لا طبعا الساجا عربيه لاتقارن بيهم
و متنساش انك بتقارن عربية اوروبى تقفيل مغربى بعربية كورى تقفيل مصر و متنساش انك بتقارن رينو عامة بهيونداى .

اولا العربيه اوروبى شرقى (لازم بس تقول النقطه دى ) و برضه اللوجان مش عربيه رينو دى داتشيا المملوكه لرينو

زى كده ال byd عفشه كورولا و موتور متسوبيشى بس ماقدرش اقول عليها يابانى

الرد فى الاقتباس