الموضوع: يا اهل قسم المقارنات مقارنه حيويه بين اللوجان و الفيرنا الاتوماتيكيه

المشاركة الأصلية كتبت بواسطة drosamaragab

انا اشتريت لوجان بلاك لاين مانوال وبصراحه انا كانت الناس بتنصحني ب فيرنا او لانوس انا قلت ليه قالوا علشان سعر اعادة البيع مش حلو في اللوجان وحلو في الفيرنا و اللانوس
رديت وقلت انا لما اتجوزت مكنتش بفكر في الطلاق يعني انا ناوي العربيه إن شاء الله مش اقل من عشر سنوات وربنا يكفينا شر الحوادث
موضوع السحب مفيش طرق في مصر يخليك تجري بسرعه ف سيبك من الاونطه دي انا مبلحقش ادي الخامس يقابلني مطب ارجع من الاول
الارتفاع عن الارض في اللوجان حدوته كنت مسافر انا ووالدي واختي ومعانا 100 كيلو في الشنطه والمطبات مش هقلك وحششششششششششششش والدي كان قاعد يضحك على كل العربيات اللي ماشيه قدامي بلا استثناء كلهم بياخدو المطب بالورب ما عدا المحروسه
نيجي للتقفيل بصراحه اللوجان روعه والمالتي فانكشن اللي في الطاره حدوته
قطع الغيار متوفره بس في المحافظات الكبيره يعني في كفر الشيخ عندنا مش متوفره قوي لكن خلي بالك العربيه مبقلهاش كتير وفي انتشار زايد وكمان انت مش محتاج قطع غيار قبل 5او 6 سنين يعني هتكون انتشرت اكتر واكتر
نيجي للصاج والشاسيه دول حديد مش صاج صاج 2 ملل يعني حاجه ولا كلمه
التكييف انا جربته بس بصراحه مش هفيدك قوي لان احنا في الشتا وانا شغلته للتجربه ممتاز وشغلت السخن بتاعه بالليل كان رائع
الاتساع والفرش للوجان
كنت واقف مع سمكري وبسأله عن الفيرنا قالي معظم العربيات المقلوبه بتجيني فيرنا
وفي الاول والاخر استخير ربنا وكل واحد له ظروف مختلفه عن التاني وكل واحد له حساباته
وربنا يوفقك في الاختيار لانه فعلا صعب

اسمحوا لى بتعليق صغير بصفتى راكب و ليس سائق سيارة .. لما باركب تاكسى فيرنا باحس إن العربية مش موزوونة كأنى فى ملاهى وذلك عند السرعات العالية فقط

انا دايما منحاز للاوربي و فيه نقطه حطها في بالك ان اللوجان تقفيل مغربي و مفيش عليها جمارك يعني سعرها في اروبا 7500 يورو يعني الفرق بسيط جدا الشحن تقريبا بس ده غير الامان فيها اعلي و الثبات اعلي بفارق كبيييير و توكيل رينو احين توكيل في مصر

لاكن السحب في صالح الفيرنا و قطع الغيار و سعر اعاده البيع للفيرنا بس مش فرق كبير