الموضوع: يا اهل قسم المقارنات مقارنه حيويه بين اللوجان و الفيرنا الاتوماتيكيه

المشاركة الأصلية كتبت بواسطة formulator

@ ashouhdy
يعنى انت يا شهدى عايز تقنعنا ان الفيرنا لو اتركبلها جنط 14" بدل الـ13".. هتحل مشكلة الثبات الضايع..؟؟!!!
يا راجل ده عيب شاسيه وتصميم عفشة.. مالهوش حل.
طب وفرامل "البسكلته" نعمل فيها أيه..؟!!
والصاج الكرتون والأمان الصفر.. هيتحل مشكلته أزاااااااااااااى..؟؟؟!!
والموتور اللى بيكركر على نفسه, فـ المطالع وعلى الـ2nd ومع التكييف.. بيتلكك عشان يكركر..؟؟!!! ههههههههههههههههه
وماتقوليش بنزين, بيحطوا 92 وبيطلعوا من البنزينة يكركروا.. ههههههههه
btw: بالنسبة لتجربة فتيس اللوجان..
مين قال انه مش متجرب فـ مصر؟؟ ماهو راكب فـ الميجان II من 2005-2010 وشغال تمام..!!
يعنى حاطينلك موتور وفتيس ميجان II على شاسيه كليو.. وبيبيعوها بـ 80-85 ألف..؟؟؟!!

يا جدعان ده الميجان هاتش الفرنساوى كانت بتتباع بـ160 ألف جنيه..؟؟!!
فيرنا أيــــــــــــــه اللى بتتكلموا فيها بس..؟؟؟!!!!!!

للاسف اختلف معاك كليا

عفشة الفيرنا انعم جدا من عفشة اللوجان ولو حتتكلم على الفئة السعرية بتاعتها فيمكن تقول من افضل وانعم العفشات

لو حنتكلم عن الثبات : هل مطلوب من عربية ب 70 الف انها تتقارن بالثبات بعربيات ب 140 الف و 150 الف مثلا ؟

ولو مفهومك على الثبات انا كنت مجنطها 15 وباخد غرز قطم على 160 وكان ثباتها بالنسبة ليا مرضى جدا على 160 كمان وبالغرز

غير ان لا فى عيب تصميم ولا عيب شاسية ! انا مش فاهم جبت الكلام دة منين ومن انهو موقع ... العربية دى اخدت جوائز كتير accent 2004 ومنها افضل عربية اعتمادية وافضل استهلاك بنزين فى فئاتها

ثالثا : هى اية اللى بتكركر دة ! هى تريسيكل يابوب ولا اية ؟ ولية عمرها مكركت معايا ؟! وهو فى حد بيشغل تكييف ويطلع على التانى اساسا ؟!!!

رابعا اية موتور الفيرنا معمر جدا جدا واسأل الليبين اللى الفيرنا عندهم بتكسر العداد (مليون) كيلو من غير عمرة اساسا ! زائد ان موتور الفيرنا ال 1600 معروف يعنى قوتة 2 كامة وعزمة 142 نيوتن على 3000 ار بى ام (بس) !

رابعا : نيجى للفرامل ! انا كنت رافع فيديو من 100 الى 0 وقفت فى خط مستقيم اهو

Hyundai Accent Verna Brake Test on less than idle road surface - YouTube

عربتى دى على فكرة ! وانا اللى سايق ! يعنى لا قلبت ولا لفت ولا عومت ! وكبسة فرامل على فكرة !


كلمنى انت بقى عن !

اسعار قطع غيار اللوجان خشونة اللوجان وكلمنى عن اعتمادية موتور الميجان ولا اقولك اعتمادية الميجان كلها !

ياراجل دة احنا جايبين لعربية كليو طقم اسطوانة دبرياج ب 1100 وكل شوية مشاكل واعطال وعربية صاحبى ميجان 2008 كلها مشاكل دة بيخاف يمشى بيها فى المطرة لتضرب حساس !

اعتمادية رينو اية بس ياباشا خليك واقعى !

بقولك 3 سنين و 70الف ومغيرتش غير تيل فرامل !! والتانية الاوتو 240الف وغيرت طقم دبرياج بس و تيل !

مع الفيرنا متتكلمش على اعتمادية ابدا !

مش بقولك احسن عربية ولا افضل الافاضل ... بس بديها حقها ... ولو حد فى الشريحة السعرية دى كل همة عربية ناعمة بلا اعطال واتوماتيك وقطع غيارها رخيصة جدا وسعر اعادة بيع رائع وتتباع هوا وانت بتشرب كوباية الشاى يبقى الفيرنا من افضل الاختيارات