الموضوع: يا اهل قسم المقارنات مقارنه حيويه بين اللوجان و الفيرنا الاتوماتيكيه

اولا انا سعيد بالمناقشه فى الموضوع برغم انى شايف ان الموضوع محسوم لصالح لالوجان اله لو بتدور على قطع غيار ببلاش ومش مهم الكفائه واعادة بيع وده برد بيه عله البيقول انا الوجان مش برستبج وكل ارتكازه على مكان الازاز الهو لو كان شاف مرسيديس كان عرف ان الزجاج لحد وقت قريب كان فى النص
ولمعلومه بسببكم اصبح عندى عداوه بينى وبين الفرنا وماشى احط دماغى بدماغهم على الطريق وطبعا كلهم بيغرهم فى الاول انهم فكرين ان 90 حصان ويفجه بالقنبله ههههههههههه

انا جاى اضيف كام نقطه لافادة اى حد هيخش يقره المقارنه دى "مش عايز اعادى ملاك الفرنا ولا عايز ازعلهم وبعتزرهم والهى وعلى راسى كلهم انا يهمنى الفيده العامه وكل واحد ربنا يبارك ليه فى العربيه بتاعته "

1- مسالت تفوق سحب الفرنا على الوجان اختلف معه الماتور 110 حصان 16 صاب 2 كامه الجديد هو اه ممكن تفوق الفرنا فى طلعتها مجربتش لكن الماتور فعلا قوى ومدى لعربيه سحب جميل معه ثبات جيد جدا فمبقاش فى الفرق الكبير اليحسسك انك عجوز ولا حاجه

2- الناس البتكلم عل ميزة علوها عن الارض انها حاجه مش مهمه وان وطى الفرنا الفظيع يبقى مش بيسوق فى بلدنا يجماعه فى راى دى ميزه اهم من اى ميزه ممكن تميز بيها غيرها يجماعه هو انته مش بتحسه بحرقه لما تبقى جايب عربيتك جديده وتمشى على مطب عبقرى من بتوعنا وتحك وتحس كانها بتحك فى قلبك ولا تبقى محمل العربيه اهلك ولا قريبك وتحك وهما يحسه كانهم تقال عليك وعلى عربيتك وانته فى نص هدومك وطبعا مينفعشى تقولهم انزله

3- الناس الشيفه ان الفرنا وغيرها مفهاش اير باج دى حاجه عاديه ياجماعه هو فى اهم من سلامتنا يعنى انا مثلا راى ان مجلس الشعب قبل ميفكر يقفل المواقع الاباحيه كان يفكر فى قانون يمنع الناس البتهرج وتدخل عربيات البلد بدون ولا اير باج دنا فىر اى مفروض يكون فى قانون ان اقل من 2 ممنوع دخوله مصر لسلامة شبابنا وانا شوفت بعينى فى حادث فى عيلتنا بعيد عن كل الناس يارب ازاى الار باج بعد رحمة ربنا امقظ واحد ف حين الجمبه جاله انكسار فى العمود الفقرى بسبب مكنشى عنده اير باج فعايز افهم ازاى عادى تبقى عربيه ب 80 الف ومفهاش اير باج وزاى يتقال عليها اعتماديه واليجننك عربيات ب 100 الف ومفهاش اير باج ويقولك اعتماديه فين الاعتماديه دى

4- مش عارف ازاى عربيه كورى بتجمع فى مصر والمكان الوحيد السه بيصنع شكلها ده هو الهند بيشتمه عربيه فرنسى بتجمع فى المغرب يقولك اصل اصلها داتشا يجماعه هى داتشا دى ولا رومانيا دى صفت البن دنا سمعت ان الفلونس اصلها داتشا الدلوقتى بتقارن باكتافيا وان الداتشا فى تقدمها فى اوربا بيعتبروها شركه واعده ممكن توصل يوم من الايام زي اوكتافيا وبعدين هو فى بعد التقفيل المصري التقيل الصينى احسن منه

5- انا مش عارف جبته منين ان عفشتها نشفه انا شيفها ناعمه جدا لكن يمكن خبرتى ضعيفه لكن فى راى ايه فيدة النعوميه قدام انها مش مناسبه لاى طريق عندنا وبتحك ومفيش ثبات

دى كانت ملاحظات حبيت اضفها ربنا يوفق كل واحد فى اختياره بالنسبه لناس الجابت سيرة الساجا فى راى الساجا هى العربيه الوحيده التوضع فى جمله واحده قدام الوجان فى الفئه دى وعمتن انا بحضر لمقارنه شامله لانى سوقت الاتنين عندى الوجان اوتماتيك 2012 ربنا يبارك فيها وعند ولاد خالتى الساجا 2012 ربنا يبارك ليهم فيها

تحياتى
محمد رسمى

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازاز فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/