طريقة لمنع القطط من الصعود على السيارة

**vampero** · 17-02-2012 06:07 AM

على الكبوت عادى جدا انما جوا حوض المكنه عندى وكل ما اجى ادور اسمع تك تك بوم اطلع وانزل افتح الكبوت الاقى الاخت نايمه ورا المكنه خالص مش عارف بتدخل ازاى وخد عندك بقى العذاب على ما تطلع والله مره راح عليا مشوار وانا بحاول اخرجها ادور وابطل وادور وابطل عشان تنزل وشكلى هحرق المارش بسببها

**م/مصطفى محمود** · 17-02-2012 09:41 AM

من كام يوم كنت نايم فى العنبر (فى الجيش) لقيت واحد بيصحيني الساعه 6 ويقولي فى قطة نايمة معاك :d (فعلا كانت نايمة على البطانية فى آخر السرير) المهم صعبت عليا وقولت حرام الدنيا برد فعلا وسبتها ، البايخ إني صحيت الساعه 9 وفضلت أرغي مع زمايلي لحد 11 وهي قاعدة وطلع بعد كده انها مش نايمة ومفتحة عنيها :d

فبجد القطط دي بتصعب عليا جدا (انا بقف خدمة فى الجيش بالليل وبيبقى الجو برد جدا والله وأسمنا منطقة مركزية ، بنقف جمب أى عامود علشان يشيل عننا شوية من الهوا ، مش بعيد لو لقيت حد راكن عربيتة وعليها غطا أطلع انا شخصيا انام فوقيها :d :d ) ففعلا احتسبوها عند ربنا

**nonetta** · 17-02-2012 11:12 AM

المشكلة يا جماعة مش ان القطة بتقعد
يا سيدي ما تقعد اهلا وسهلا يا ريتها بتقعد وبس
المهم انها بتنط تتهبد عالكبوت والموتور مش دافي ولا حاجة لاني مش باخرج بيها كتير
دي غير انها بتقضي حاجتها عليه وبيبقى ريحته بشعة
زمان كانت القطط مؤدبة
دلوقتي لا
بس عامة هيا ارحم من الكلاب
انا بصراحة مش باحب الحيوانات خالص

**د.أحمد السعيد** · 17-02-2012 11:54 AM

تقعد و نهبد ماشى ........
المشكلة لما اكون راكن العربيه فى الجراج من غير غطاء و الاقى الصبح اثار الخرابيش من رجول القطط و فى الكبوت خصوصا

و طبعا بكسل اغطى العربيه لانى ممكن اخرج مرتين فى اليوم

و القطط بتدخل الجراج من تحت الباب الصاج !!

**BUNSH** · 17-02-2012 04:57 PM

وفيها ايه لما تنام عالكبوت وتدفي مهي مخلوق زينا من لحم ودم,,,ورحمتنا ليها باجر وصدقة عند ربنا قال صلي الله عليه وسلم "الراحمون يرحمهم الله يوم القيامة ارحموا من في الارض يرحمكم من في السماء" والضرر الواقع علينا(غطاء العربية) هي ماكسرتش ازاز ولا سرقت فرده جنط ولا سرقت فوانيس يعني شيء طبيعي اللي بيحصل منها وبعدين لو يجوز (اننا منششفش ولا قطة ولاكلب فالشارع) فنقتل كل الحيوانات اللي بنكرهها وناخد الاجر!!!!! انا شايف ان اللي في مصر كبلد بسبب كل واحد يلا نفسي وكلامي مش موجه ليكي عالخصوص يانونيتا انا متعاطف معاكي لكن كلامي بوجه العموم علي احوالنا في كل مكان وابسطها الشارع واحد يلبسك في عربية وانت مستعجل بمجرد انت جريت من جنبه وعايز تدخل في حارته(حصلت معايا من يومين) مبدأ انا ومن بعدي الطوفان....هدينا في الحياة وطريقنا للجنة سنة الرسول عليه الصلاة والسلام واللي غير مسار الجيش وده كان ممكن يعرض الجيش للهزيمة والهلاك بسبب كلبة بتولد لكي لا يخيفها في ولادتها واحاديث كثيرة بتدل عالرفق بالحيوان ومنع تعذيبه والله المستعان ولاحول ولا قوة الا بالله

+1111111

المشكلة يا جماعة مش ان القطة بتقعد
يا سيدي ما تقعد اهلا وسهلا يا ريتها بتقعد وبس
المهم انها بتنط تتهبد عالكبوت والموتور مش دافي ولا حاجة لاني مش باخرج بيها كتير
دي غير انها بتقضي حاجتها عليه وبيبقى ريحته بشعة
زمان كانت القطط مؤدبة
دلوقتي لا
بس عامة هيا ارحم من الكلاب
انا بصراحة مش باحب الحيوانات خالص

شوية نشادر وهتقلب دنيا عليهم ومحدش هيهوب تانى ,, أنا بصراااحة اوقات مبخدتش بالى وانزل ادور وامشى عادى وارووووح مشوارى وبصدفة ولو فتحت اوقات بلاقى انسة صغنتوطة فى سابع نومة فى حوض موتور !!

**nonetta** · 17-02-2012 05:56 PM

المشاركة الأصلية كتبت بواسطة mohamedgafar

ههههههههههه انت جيتلي على الجرح!!!!!!!!!!

فى الجراج 3 قطط منهم واحدة والدة بتاع 4 قطط...المهم إنهم بيناموا على سقف عربيتي أنا فقط!!!!!!!!!! جراج فيه بتاع 50 أ 60 عربية ومابيختاروش غير عربيتي أنا!!!!

طبعا بلاقي اماكن رجليهم على الكابوت والزجاج كل يوم وصاحب الجراج كل ما ينظفها يستغرب ويقوللي القطط ما بتختارش غير عربيتك والظاهر انها بتحب عربيتك لأني مابشوفش علاماتها على عربيات تانية!!!

الغريب فعلا ومش لاقيله تفسير إن الموضوع مش مرتبط بالعربية أو مكانها فى الجراج لأنهم كانوا بيناموا على الأوبل فيكترا قبل مأجيب البي إم وساعات عربية المدام بتركن فى المربع بتاعي ، لكن فى جميع الأحوال بيناموا على عربيتي سواء غيرت مكانها أو بعتها وجبت غيرها!!!!!!!!!!!!

الموضوع مش مضايقني على الرغم من وجود بعض الخرابيش اللى على الكابوت والسقف، على العكس أنا والمدام والأولاد بنحب القطط جدا والظاهر أنهم بيحبونا كمان!!!!

تحياتي.

ربنا يحبب فيك قططه هههههههههه

اللي بيحصل لك زي زوجي بالضبط .. يبقى البواب ماسح له العربية وغاسلها وفل الفل وتلاقي اثار رجلين القطة عليها ابص على كل العربيات مالاقيش اي اثار
حتي في جراج الشغل القطط تسيب كل العربيات واثار رجليها على عربيته
سبحان الله

**Khaled Seif** · 18-02-2012 09:31 AM

المشاركة الأصلية كتبت بواسطة nonetta

والغطا بيبقى ريحته شنيييعة كل شهر اطلعه انقعه في ايريال في البانيو يوم كامل واغسله في الغسالة بعدها ..

السلام عليكم ورحمة الله وبركاته

الأخت الفاضلة / nonetta

ياريت بلاش موضوع أن حضرتك تنقعي الغطا في البانيو وتضعيه في الغسالة

تجنبا لبعض الطفيليات التي تصيب بعض القطط وتتكاتر في أمعائها وتفرز ضمن برازها

مما قد يتسبب - بقدر الله - ( نسأل الله العفو والعافية ) - في الإصابة ببعض الأمراض

جزاك الله خيرا - وصل اللهم وسلم على الحبيب محمد

**SYD** · 18-02-2012 11:39 AM

بارك الله فيك شيخ خالد

يا جماعة

انا كنت عامل موضوع عن الكلاب والموضوع تطور للقتل مع سبق الأصرار والترصد

احنا مش عايزين نقتلهم وفي نفس الوقت مش عايزينهم يقعدوا علي عربياتنا
بس انا شخصيا مش فارق معايا العربية انا مش عايزهم في الشارع من اساسه مع انهم مرة كسرولي المساحة دة غير انهم بتبقي رجليهم متوسخة وبطنهم والاقيهم بيتزحلقوا علي زجاج عربيتي وموسخينه

شكرا مدام / نونيتا علي موضوعك

والله المستعان
،
،

**bmya** · 18-02-2012 02:09 PM

دي مشكله عامه كلنا كده حاجه تقرف
الابشع بقه لما تدخل تقعد في الماتور وتيجي تدور تلاقي تخبيط وعفرته جوه العربيه وممكن تقطع سلك ولا تحرك فيشه حاجه تقرف انا قبل مدور لازم ادي كلاكسات عشان لو في حد جوه يطلع ده غير انها ممكن اصلا تموت جوه ودي حصلتلي ربنا ما يكتبها على حد
جيت من كام شهر لقيت في ريحه وحشه في العربيه بس كانت خفيفه قلت اكيد دوست في كيس زباله من اللي ماليه الشوارع وطنشت قلت هروح اغسلها يومين كده والريحه زادت لحد ما الريحه بقيت زي ريحه الفسيخ المعفن البايظ ريحه مقرررررررررررررفه بشمها بره العربيه جمب العجله الشمال وانزل ابص تحت العربيه مفيش حاجه وريحه لا تطاق لدرجه اللي كان بيعدي جمب العربيه كان بيقرف منها كل ده واانا مش واخد بالي ولا في دماغي انها ممكن تكون حاجه ميته
لحد ما في يوم وانا نازل الصبح قابلت جار ليا وبطاريته نايمه وعاوز وصله قلتلته ماشي المهم بيقولي ايه الريحه الوحشه دي قلتله مش عارف تقريبا في كيس لازق في العربيه من تحت المهم فتحت الكابوت لقيت الخير كله طالع وبرده مفيش حاجه باينه الكابوت عندي صغير ومزنوق جدااااااا (عربيتي سيريون 2008) المهم هو لمح القطه وقالي الحق ده في قطه ميته عندك انا تنحتتتتتت القطه ميته في مكان منزنووووووووق بغباء تحت الموتور في مكان غبي جدااااا واكمان مش قطه صغيره لاءه دي كانت كبيره وتملا العين :) وكمان متللح ومنفوخه واجه اخر قررررررررررررف فضلت ماشي يومين مش عارف اعمل فيها ايه مكان مش هعرف اوصله الا لو شيلت الموتور او روحت لعفشجي شال العفشه فطه غبيه اعت احاول ازوقها بعصايه بس طبعا كمزنوقه ولازقه كمان
المهم جيت يوم جمعه كان معيا واحد صحبي قلتله بقولك ايه انا لازم اشيل الزفته دي الريحه وحششه جداااااااااااا والمكشله الاكبر بقه ان انا كنت اركن العربيه اجي الائيها مردوووووووووووووووومه ذباب بجد محدش متخيل كميه الذباب اللي كان بيقف على العربيه كنت بخاف اقرب من العربيه :)) قبل ما اعرف ان في قطه ميته اصلا كنت انا نفسي هموووت واعرف الذباب ده بيقف على عربيتي ليه :@:@:
المهم قعدنا ندور ونبص ونطلع وننننزل ونتشقلب لحد ما لقيت ديل القطه في حته منو باينه من وره الجنط الشمال قدام يعني ممكن امسكها واشدها توكلنا على الله فرفعت العربيه وفكيت الجنط ولبيست في ادي جوانتي ود 4 اكياس بلاستيك وكمامه ومديت ايدي مسكت ديلها وصحبي جاب عصايه وقعدنا بقه انا اشد من الديل وهو يزق من فوق بالعصايه لحد ما هووووووووووب طلعت بنص القطه بس :((((((( :@@@@@:@:@ والريحه بقه بقيت للرككككككككككككككب والله الناس كانت ماشيه في الشارع اول ما تقرب من عربيتي تجري تبعد عنها من الريحه وانا كنت خلاص هيغم عليه من الريحه ومن المنظر نص القطه طلع في ايدي والنص التاني لسه في العربيه راسه محشوره في دراع الاسكاترا انا نفسي افهم اصلا هي دخلت في المكان ده ازاي ؟!!!!!
اعدت بقه الف الدركسيون يمين وشمال وصحبي يزق بالعصايه من فوق لحد ما رشها خرجت من تحت دراع الاسكاترا ومديت ايدي تاني جبت النص الباقي وحطيتها في كيس جوه كيس جوه كيس جوه كيس ورميتها في مقلب الزباله واعدت اروش مايه وديتول في العربيه مكان القطه وكنت ناوي اقطع ايدي مش متخيل اني مسكت قطه ميته ومتحلله على نصين خاجه ربنا ما يوريها لحد والريحه فضلت في العربيه شهر مثلا بتخف لحد ما اختفت او انا اتعودت عليها ودي حكايتي مع القطط اللي كرهتني فيهم بجد ده غير بقه طبعا الخرابش اللي ماليه الكابوت عندي كائنات متطفله القطط دي مبحبهاش ابداااااااااا

-

الموضوع: طريقة لمنع القطط من الصعود على السيارة

LinkBack

أدوات الموضوع

عرض

-

-

-

-

-

-

-

المواضيع المتشابهه

طريقة مبتكرة وعجيبة لمنع الكلاب من الصعود فوق السيارة

(الدليل بالفيديو) على صحة طريقة سبعاوى المبتكرة لمنع الكلاب من الصعود فوق السيارة

اختراع : طريقة فعالة لمنع سرقة السيارات @@

طريقة لمنع سرقة الجين 2

طريقة لمنع سرقة غطاء السيارة

الكلمات الدلالية لهذا الموضوع

المفضلات

المفضلات

ضوابط المشاركة