طريقة لمنع القطط من الصعود على السيارة

**abdalah_hashem** · 21-03-2012 11:50 AM

المشاركة الأصلية كتبت بواسطة إبراهيم المصرى

أزازة مياة معدنية بلاستيك قديمة ومليانة ميه من الحنفية ومغلقة بأحكام وتوضع على السقف او الكبوت لن تقترب منها القطط وعن تجربه اكييييد بس الكلاب ملهاش فى الكلام ده والله اعلم

هههههههههههههههه منفعتش معايا

كان فى قطط بتنام قدام باب الشقة عندنا على الاحذية فى الشتاء
والاطفال الصغيرين كل لما يطلعوا يتخضوا وساعات القطط ممكن تاذيهم
قالولنا الناس على قصة الزجاجة والمياة

عملناها وبنفتح الباب نلاقى القطة نايمة فى حضن الازازة

ههههههه
يعنى نايمة لزقة فى الازازة

الحل الوحيد هو نفس الحل بتاع مشكلة الكلاب

**إبراهيم المصرى** · 24-03-2012 02:27 AM

المشاركة الأصلية كتبت بواسطة abdalah_hashem

هههههههههههههههه منفعتش معايا

كان فى قطط بتنام قدام باب الشقة عندنا على الاحذية فى الشتاء
والاطفال الصغيرين كل لما يطلعوا يتخضوا وساعات القطط ممكن تاذيهم
قالولنا الناس على قصة الزجاجة والمياة :f_eyeb1[1]:
عملناها وبنفتح الباب نلاقى القطة نايمة فى حضن الازازة

ههههههه
يعنى نايمة لزقة فى الازازة :b4_282:

الحل الوحيد هو نفس الحل بتاع مشكلة الكلاب

:b4_282:

عندى على باب الشقة نافع معايا جدا الموضوع وسالت ناس بتربى قطط اكدولى المعلومة ان القط بتحذر جدا من الميه عموما ممكن القطط اللى عند حضرتك خلاص اتعودت !!!!!!!

**nonetta** · 24-03-2012 03:24 PM

دي القطط الساذجة بتاعة زمان

جارتي كان عندها قط مطلع روحي ومبهدل لي الدنيا عالسلم
وكمان يا ريته قط نظيف دة كان بلدي
واخيرا اختفى تقريبا مات
بس احفاده لسة بيظهروا عالسلم
فاضل حفيد واحد صغير
المضحك بأة ان نفس جارتي اللي كانت مزهقاني بيه ومش معترفة ابدا انه كان مبهدل لي الدنيا
وبيعملهالي على باب الشقة و عالمشاية بتاعتي
ولم قطط الشارع كلها في الدور بتاعنا غير انه عمل عيلة .. تقول لي لا مش هوا
وبيقلب الزبالة .. حرمني اطلع زبالة عالباب
هيا نفسها اللي حاطة ازازة مية عالباب عندها عشان تطفشه
وقاعد لها على طول على مشايتها والازازة في حضنة ههههههههههه
من فحر فحرة لاخيه وقع فيها

**mr_vampire** · 24-03-2012 03:46 PM

بعد اذنك يانونيتا.

النهاردة كنت رايح شغل فالصحرا ( صحرا صحرا مش منطقة صحراوية ) ولقيت كلب باين عليه العطش والتعب والشمس. فبعد ماعديته افتكرت قصة الرجل اللي دخل الجنة بسبب كلب شربه. فلفيت ورجعتله تاني.

اول ماوقفت جايلي جري ( تعالي يااخرة صبري ) بعد محاولات عديدة انه يشرب وييجي عليا وانا ابعد ( هتشرب ماشي هتلمسني وهتنجسني هتلاقي وش السيفتي فمنخيرك اجيبلك صف سنانك عالارض انا بقولك اهو ).

بعد ماشرب وركبت ومشيت لقيته عمال يجري ورايا ( ماصدق حد يعطف عليه بس مش هنتصاحب يعني ) اعد يجري يجري ( وانا محكوم بسرعة معينة فالمنطقة ده ).

نرفزني وفصلني لدرجة اني فكرت اهدي واخبطه ههههههههههههه.

ربنا يجعلك سبب دخولي الجنة ان شاء الله.