الموضوع: طريقة لمنع القطط من الصعود على السيارة

المشاركة الأصلية كتبت بواسطة shikh_khaled

السلام عليكم ورحمة الله وبركاته

الأخت الفاضلة / nonetta

ياريت بلاش موضوع أن حضرتك تنقعي الغطا في البانيو وتضعيه في الغسالة

تجنبا لبعض الطفيليات التي تصيب بعض القطط وتتكاتر في أمعائها وتفرز ضمن برازها

مما قد يتسبب - بقدر الله - ( نسأل الله العفو والعافية ) - في الإصابة ببعض الأمراض

جزاك الله خيرا - وصل اللهم وسلم على الحبيب محمد

بارك الله فيك يا شيخ خالد
انا الموضوع دة ما فكرتش فيه خالص
بس انا باغسل البانيو بعدها هل بردو بتبقى نفس المشكلة ؟؟؟

المشاركة الأصلية كتبت بواسطة syd

بارك الله فيك شيخ خالد

يا جماعة

انا كنت عامل موضوع عن الكلاب والموضوع تطور للقتل مع سبق الأصرار والترصد

احنا مش عايزين نقتلهم وفي نفس الوقت مش عايزينهم يقعدوا علي عربياتنا
بس انا شخصيا مش فارق معايا العربية انا مش عايزهم في الشارع من اساسه مع انهم مرة كسرولي المساحة دة غير انهم بتبقي رجليهم متوسخة وبطنهم والاقيهم بيتزحلقوا علي زجاج عربيتي وموسخينه

شكرا مدام / نونيتا علي موضوعك

والله المستعان
،
،

فعلا
انا اقتبست موضوعي من موضوع حضرتك والغرض مش القتل نهائيا
دي مهما كانت روح خلقها ربنا
وشكرا على مرورك

المشاركة الأصلية كتبت بواسطة bmya

دي مشكله عامه كلنا كده حاجه تقرف
الابشع بقه لما تدخل تقعد في الماتور وتيجي تدور تلاقي تخبيط وعفرته جوه العربيه وممكن تقطع سلك ولا تحرك فيشه حاجه تقرف انا قبل مدور لازم ادي كلاكسات عشان لو في حد جوه يطلع ده غير انها ممكن اصلا تموت جوه ودي حصلتلي ربنا ما يكتبها على حد
جيت من كام شهر لقيت في ريحه وحشه في العربيه بس كانت خفيفه قلت اكيد دوست في كيس زباله من اللي ماليه الشوارع وطنشت قلت هروح اغسلها يومين كده والريحه زادت لحد ما الريحه بقيت زي ريحه الفسيخ المعفن البايظ ريحه مقرررررررررررررفه بشمها بره العربيه جمب العجله الشمال وانزل ابص تحت العربيه مفيش حاجه وريحه لا تطاق لدرجه اللي كان بيعدي جمب العربيه كان بيقرف منها كل ده واانا مش واخد بالي ولا في دماغي انها ممكن تكون حاجه ميته
لحد ما في يوم وانا نازل الصبح قابلت جار ليا وبطاريته نايمه وعاوز وصله قلتلته ماشي المهم بيقولي ايه الريحه الوحشه دي قلتله مش عارف تقريبا في كيس لازق في العربيه من تحت المهم فتحت الكابوت لقيت الخير كله طالع وبرده مفيش حاجه باينه الكابوت عندي صغير ومزنوق جدااااااا (عربيتي سيريون 2008) المهم هو لمح القطه وقالي الحق ده في قطه ميته عندك انا تنحتتتتتت القطه ميته في مكان منزنووووووووق بغباء تحت الموتور في مكان غبي جدااااا واكمان مش قطه صغيره لاءه دي كانت كبيره وتملا العين :) وكمان متللح ومنفوخه واجه اخر قررررررررررررف فضلت ماشي يومين مش عارف اعمل فيها ايه مكان مش هعرف اوصله الا لو شيلت الموتور او روحت لعفشجي شال العفشه فطه غبيه اعت احاول ازوقها بعصايه بس طبعا كمزنوقه ولازقه كمان
المهم جيت يوم جمعه كان معيا واحد صحبي قلتله بقولك ايه انا لازم اشيل الزفته دي الريحه وحششه جداااااااااااا والمكشله الاكبر بقه ان انا كنت اركن العربيه اجي الائيها مردوووووووووووووووومه ذباب بجد محدش متخيل كميه الذباب اللي كان بيقف على العربيه كنت بخاف اقرب من العربيه :)) قبل ما اعرف ان في قطه ميته اصلا كنت انا نفسي هموووت واعرف الذباب ده بيقف على عربيتي ليه :@:@:
المهم قعدنا ندور ونبص ونطلع وننننزل ونتشقلب لحد ما لقيت ديل القطه في حته منو باينه من وره الجنط الشمال قدام يعني ممكن امسكها واشدها توكلنا على الله فرفعت العربيه وفكيت الجنط ولبيست في ادي جوانتي ود 4 اكياس بلاستيك وكمامه ومديت ايدي مسكت ديلها وصحبي جاب عصايه وقعدنا بقه انا اشد من الديل وهو يزق من فوق بالعصايه لحد ما هووووووووووب طلعت بنص القطه بس :((((((( :@@@@@:@:@ والريحه بقه بقيت للرككككككككككككككب والله الناس كانت ماشيه في الشارع اول ما تقرب من عربيتي تجري تبعد عنها من الريحه وانا كنت خلاص هيغم عليه من الريحه ومن المنظر نص القطه طلع في ايدي والنص التاني لسه في العربيه راسه محشوره في دراع الاسكاترا انا نفسي افهم اصلا هي دخلت في المكان ده ازاي ؟!!!!!
اعدت بقه الف الدركسيون يمين وشمال وصحبي يزق بالعصايه من فوق لحد ما رشها خرجت من تحت دراع الاسكاترا ومديت ايدي تاني جبت النص الباقي وحطيتها في كيس جوه كيس جوه كيس جوه كيس ورميتها في مقلب الزباله واعدت اروش مايه وديتول في العربيه مكان القطه وكنت ناوي اقطع ايدي مش متخيل اني مسكت قطه ميته ومتحلله على نصين خاجه ربنا ما يوريها لحد والريحه فضلت في العربيه شهر مثلا بتخف لحد ما اختفت او انا اتعودت عليها ودي حكايتي مع القطط اللي كرهتني فيهم بجد ده غير بقه طبعا الخرابش اللي ماليه الكابوت عندي كائنات متطفله القطط دي مبحبهاش ابداااااااااا

ياااااااااااااه
دي معاناة بصراحة اللي انت مريت بيها
حاجة بصراحة بشعة
انا مش عارفة لو حصل معايا كدة اعمل ايه .. ارمي العربية ؟؟ ههههههههههههه

يا جماعة احنا مش عاوزين نؤذيها ولا هيا تؤذينا