خليك جرئ .. صور عربيتك .. قول لنا عملت ايه .. فى النيسان الجميلة بتاعتك









شباب قسم نيسان و كمان شباب منتدي نايل موتورز




الموضوع ده فعلا عربيات قسم نيسان لكن ممكن اي حد في المنتدي يشارك بأفكار جديدة لأنه حاجه عامة مش مقتصرة علي النيسان فقط




طبعا ً احنا عربياتنا كنيسان كلها شكل بعض لكن فكرت في حاجه اننا نصور اي تغيير طرأ بالعربية .. اشتريت اكسسوارات .. ركبت كساحات .. غيرت كوتشات او جنوط لمقاس اكبر .. ركبت كاسيتات .. سماعات .. و هكذا




اكيد طبعا كلنا بنعمل تقارير اول بأول عن اي تغيير طرأ عربياتنا نظرا ً لترابط الاعضاء و الاستفادة العامة و عدم البخل بأي معلومة عن اي احد



عشان كده فكرت في الموضوع ده اننا نصور العربيات و هبتدي بنفسي صورت كل حاجه اتعملت و طبعا هتلاقوا مواضيع في الفهرس بتاعي عن اي قطعة اتركبت في العربية لكن ده موضوع مجمع مختصر للتركيبات و طبعا كل عضو عمل تركيبات جديدة يصورها و يحطها في الموضوع هنا أول بأول لكن طبعا ده مش هيغني عن ان كل هيعمل حاجه في العربية .. يقوم بعمل تقرير منفصل و ده في المقام الأول




-------------------------------------------



هبتدي من دلوقتي عرض صور للتركيبات و الافكار اللي جاتني لتظبيط عربيتي




تركيب GPS في العربية بإمكانيات خرافية












تركيب فرش أرضية للجميلة نيسان صني






تركيب شاشة LCD و كمان هتلاقوا في الصوة جراب طارة دركسيون رائعة و تحكم رائع في السواقة







تركيب زينون في الفوجات و لمض صغيرة مع نور الطابلوه في الكشاف الكبير








تركيب سبويلر علي العربية و علامة نيسان علي التانك و تركيب باركنج سنسور علي الاكصدام الخلفي








تركيب ستائر في الزجاج الخلفي للعربية و كمان زجاج الاجناب










تركيب سماعات بيضاوي





تركيب فرش كراسي من شركة جينزكار







تجليد مثلث باب العربية في شركة جينزكار بالجلد بدلا من شمواه الفابريكة






تركيب فلتر تكييف بالعربية نظرا انه مش بيجي فلتر تكييف مع العربية في الاساس




ده بقي كلب لذيذ لاقيته في محطة امارات مصر لحماية العربية من السرقة :)))))))))))))))))




تبطين و تفصيل الكونسول اللي بين الكرسيين الاماميين في شركة جينزكار






تركيب ليدات بدل لمبة المقصورة الداخلية للعربية و بتدي نور اقوي و اجمل





مخدع لذيذ للسفريات الطويلة و مريح جدا




تركيب مرايات طيارة بتغلق لأعلي زي عربيات الاوبل و البي ام







اتمني يكون الموضوع عجبكوا و انا مش منتظر نقعد نشكر في بعض .. احنا عايزيين الموضوع يبقي فيه تفاعل عشان ممكن تكون عملت حاجه في عربيتك و تكون فاكر انها بسيطة لكن ممكن تخدم عضو فعلا مكانش يعرف معلومة او حاجه عن الشيئ الزيادة اللي في عربيتك


أخوكم

بيشوي PeaceMan